قۇمىل قالاسى سارالاۋدان ءوتىپ، مەملەكەتتىك جاڭالىق اشۋدى قوزعاۋشى كۇش ەتۋدەن ۇلگى كورسەتەتىن قالالار قاتارىنا قوسىلدى
2023.07.04 16:15 كەلۋ قاينارى : حالىق تورابى
تيانشان تورابى - شينجياڭ گازەتىنىڭ ءتىلشىسى شيە حۇيبيان حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق عىلىم - تەحنيكا بىرلەستىگىنەن ۇعىسۋىنشا، جۋىردا جۇڭگو عىلىم - تەحنيكا بىرلەستىگى 2023 — 2025 - جىلدارداعى جاڭالىق اشۋدى قوزعاۋشى كۇش ەتۋدەن ۇلگى كورسەتەتىن قالالار (رايوندار) تىزىمدىگىن جاريالاعان، قالا دارەجەلى ورىننىڭ ءوتىنىش بەرۋى، ولكە دارەجەلى ورىننىڭ تانىستىرۋى، ماماندار كوميسسياسىنىڭ ساراپتاۋى قاتارلى تارتىپتەردى ورىنداۋدان وتكەن سوڭ، جاڭالىق اشۋدى قوزعاۋشى كۇش ەتۋدەن ۇلگى كورسەتەتىن 39 قالا (رايون) سارالانعان، قۇمىل قالاسى وسى قاتارعا قوسىلىپ، شينجياڭ بويىنشا وسى تىزىمدىككە ەنگەن بىردەن - ءبىر قالا بولعان.
”جاڭالىق اشۋدى قوزعاۋشى كۇش ەتۋدەن ۇلگى كورسەتەتىن قالا“ دەگەنىمىز ”جاڭالىق اشۋدى قوزعاۋشى كۇش ەتۋ ارقىلى دەم بەرۋ ينجەنەرياسى“ سىناق ءتۇيىنى مەن ”عىلىم - تەحنيكادا جاڭالىق اشاتىن جۇڭگو“ نىسانىنداعى سىناق ءتۇيىنى بولعان قالالاردىڭ ىشىندەگى اناعۇرلىم جوعارى ورەدەگى ”دارەجەسى جوعارىلاتىلعان نۇسقاسى“ جانە ”ۇلگى كورسەتەتىن نۇسقاسى“.
ءتىلشىنىڭ تانىستىرۋىنشا، 2015 - جىلى جۇڭگو عىلىم - تەحنيكا بىرلەستىگى قۇمىل قالاسىن مەملەكەتتىك جاڭالىق اشۋدى قوزعاۋشى كۇش ەتۋ ارقىلى دەم بەرۋ ينجەنەرياسىنداعى سىناق ءتۇيىنى ەتىپ تۇراقتاندىرىپ، ىلگەرىندى - كەيىندى اكادەميكتەر قىزمەت پۋنكتىنەن جەتەۋىن، دوكتورلار قىزمەت پۋنكتىنەن التاۋىن، قالا دارەجەلى ينجەنەريالىق تەحنيكانى زەرتتەۋ ورتالىعىنان 11 ورتالىقتى قۇرىپ، جوعارى - جاڭا تەحنيكالى كاسىپورىنداردان 36 كاسىپورىندى، عىلىم - تەحنيكالىق تيپتەگى ورتاشا، شاعىن كاسىپورىنداردان 51 كاسىپورىندى جەتىلدىرگەن.
2022 - جىلى قۇمىل قالاسى ەنەرگيا، بايلىق قاينارى ابزالدىلىعىن تياناق ەتە وتىرىپ، چيڭحۋا داشۋەسىنىڭ ونەركاسىپ شۋەيۋانى، شينجياڭ داشۋەسى كومىرتەگىن نەگىز ەتكەن ەنەرگيا مەملەكەتتىك ءتۇيىندى تاجىريبەحاناسى، جۇڭگو كومىر اكادەمياسى، جۇڭگو عىلىم اكادەمياسىنىڭ شاڭحاي كرەمني قىشقىلى تۇزىن زەرتتەۋ بولىمشەسى، حىنان پوليتەحنيكا داشۋەسى قاتارلى جوعارى مەكتەپتەرمەن، عىلىمي زەرتتەۋ مەكەمەلەرىمەن سەلبەستىك ورىستەتىپ، ”قۇمىل ەنەرگياسى تۋرالى تالقى“ اتتى ءماجىلىستى بەلگىلەنگەن مەرزىم بويىنشا وتكىزىپ، مەملەكەتتىك ۋنيۆەرسال ەنەرگيا بايلىعىنان پايدالانۋدان ۇلگى كورسەتۋ بازاسىن قۇلشىنا قۇرىپ، ەلىمىزدىڭ ەنەرگيا كاسىپ سالاسىن جاسىل تيپتەندىرىپ، جوعارى ورەلەندىرىپ، زەردەلىلەندىرىپ دامىتۋىنا ۇتىمدى دا ىسكە اساتىن قۇمىل ۇلگىسىن ازىرلەۋ جاعىندا ىزدەنىس جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
