يزرايل يوردان وزەنىنىڭ باتىس جاعالاۋىنان ەۆرەيلەر قونىستاناتىن جاڭادان 5 مىڭ 600 دەن استام تۇرعىن ءۇي سالۋدى بەكىتتى
2023.06.27 15:26 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 26 – كۇنى يەرۋساليمنەن بەرگەن حابارى. يزرايلدىڭ كوپتەگەن اقپارات قۇرالدارىنىڭ 6 – ايدىڭ 26 – كۇنى بەرگەن حابارىنا قاراعاندا، يزرايل حالىق ىستەرى مەكەمەسىنىڭ جوعارى دارەجەلى جوسپارلاۋ كوميتەتى سول كۇنى يوردان وزەنىنىڭ باتىس جاعالاۋىنان ەۆرەيلەر قونىستاناتىن جاڭادان 5 مىڭ 600 دەن استام تۇرعىن ءۇي سالۋدى بەكىتكەن.
مۇنىڭ ىشىندە يوردان وزەنىنىڭ باتىس جاعالاۋىنىڭ سولتۇستىك بولەگىندەگى ەلي ەۆرەيلەر قونىسىندا جاڭادان 1057 تۇرعىن ءۇي سالادى. ەۆرەيلەر قونىسىن كەڭەيتىپ قۇرۋدى دارىپتەگەن يزرايلدىڭ قازىنا مينيسترى بيسا سموتريحتىڭ 6 – ايدىڭ 21 – كۇنى ايتقان ءسوزى بويىنشا، بۇل يزرايلدىڭ 6 – ايدىڭ 20 - كۇنى وسى قونىستا تۋىلعان وق شىعارۋ ۋاقيعاسىنا قايتارعان جاۋابى. وسى رەتكى وق شىعارۋ ۋاقيعاسىندا يزرايلدىق 4 ادام قازا بولىپ، 4 ادام جارالانعان.
يزرايلدىڭ بەي ۇكىمەتتىك ۇيىمى بولعان ”قازىر بەيبىتشىلىكتىڭ“ ساناعىنا قاراعاندا، يزرايلدىڭ زۇڭليى نيتانياحۋ باسشىلىق ەتكەن وڭ قانات ۇكىمەت بىلتىر 12 - ايدا بيلىككە كەلگەننەن كەيىن، يزرايل بيىل ەۆرەيلەر قونىسىندا جاڭادان 13 مىڭنان ارتىق تۇرعىن ءۇي سالۋدى بەكىتكەن.
تاياۋدان بەرى پالەستين مەن يزرايلدىڭ جاعدايى ۋشىعا ءتۇستى. 6 - ايدىڭ 21 – كۇنى، قىرۋار ەۆرەي تۇرعىندارى يوردان وزەنىنىڭ باتىس جاعالاۋىنداعى پالەستيننىڭ كەيبىر قالاشىق – قىستاقتارىنا باسىپ كىرىپ، ءورت قويىپ، ويرانداۋشىلىق ىستەپ، جەرگىلىكتى بۇقارامەن قاقتىعىسىپ قالعان. 6 – ايدىڭ 26 – كۇنى، يوردان وزەنىنىڭ باتىس جاعالاۋىنداعى دجەنين قالاسىنداعى قارۋلىلار يزرايلياعا راكاتا وعىن اتىپ، راكاتا وعى يزرايليا شەكاراسىنا جەتپەگەندىكتەن، ءولىم - ءجىتىم جاعدايى بولماعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
