ۋيچاتتا ”OK“ دەگەن يشارات بەلگىسىن جىبەرەمىن دەپ سوتقا شاقىرىلدى
2023.06.26 16:14 كەلۋ قاينارى : حالىق تورابى
ينتەرنەت ارقىلى سويلەسكەن كەزدە بەينەلەۋىش سۋرەت جىبەرۋ بارعان سايىن جۇرتتىڭ ادەتىنە اينالۋدا. الايدا، بەينەلەۋىش سۋرەتتى دۇرىس قولدانباساڭىز، باسقالارمەن سوتتاسىپ قالۋىڭىز مۇمكىن.
دەلونىڭ جاعدايىن قايتالاي ەسكە ءتۇسىرۋ
2022 - جىلى 12 - ايدىڭ 22 - كۇنى گو XX ۋيچات ارقىلى ليۋ X يۇنمەن سويلەسىپ، ونىڭ ۇلى ليۋ X ۋيدىڭ العان قارىزىن قايتارۋى جونىندە كەڭەسەدى، گو XX ۋيچات ارقىلى ليۋ X يۇننەن ونىڭ ۇلى ليۋ X ۋيدىڭ قارىز الۋى سىندى ىستە كەپىلدىك بەرۋشى بولۋىن وتىنەدى، وسى سوزدەن سوڭ، ليۋ X يۇن 12 - ايدىڭ 24 - كۇنى ۋيچاتتاعى ”OK“ دەگەن يشارات بەلگىسىن جولدايدى.
كەيىن قارىز العان ليۋ X ۋي العان قارىزىن قايتارمايدى، 2023 - جىلى 1 - ايدىڭ 6 - كۇنى، گو XX ليۋ X ۋي (ازاماتتىق ىستەر ارەكەتىنە قابىلەتتى ادام) مەن ونىڭ اكەسى ليۋ X يۇننىڭ ۇستىنەن قارىزدى ۋاقىتىندا قايتارمادى دەگەن سەبەپپەن سوتقا ارىز بەرىپ، ولاردان 159118.4 يۋان نەگىزگى قارجى مەن 7907.88 ءوسىمدى قايتارىپ بەرۋ جاۋاپكەرشىلىگىن ارقالاۋدى تالاپ ەتەدى.
سوت مەكەمەسىنىڭ دەلونى قاراۋى
تەرگەۋ بارىسىندا، ليۋ X يۇن تالاپكەردىڭ ءوزىن ليۋ X ۋي العان قارىزعا كەپىلدىك بەرۋشى دەپ قاراۋى سىندى دالەلگە قارسى پىكىر ءبىلدىرىپ، ءوزىنىڭ ۋيچاتتاعى ”OK“ دەگەن يشارات بەلگىسىن جىبەرۋى ەكى - ءۇش كۇن وتكەننەن كەيىنگى ءىس ەكەنىن ايتىپ، بالاسى ليۋ X ۋيدىڭ تالاپكەر گو XX تەن العان قارىزىن قايتارۋ بورىشى جوق دەپ قارايتىنىن بىلدىرەدى.
ديڭنان اۋداندىق حالىق سوتى مەكەمەسى دەلو جونىندە تەرگەۋ جۇرگىزگەن سوڭ بىلاي دەپ قارايدى: ايىپكەر ليۋ X يۇن ايىپكەر ليۋ X ۋيدىڭ العان قارىزىنا كەپىلدىك بەرۋشى بولۋ تۋرالى تالاپكەر گو XX تىڭ تالابىنا ۋيچات ارقىلى ”OK“ دەگەن يشارات بەلگىسىن قايتارعان، بۇل ونىڭ وسى قارىز سوماسىنا كەپىلدىك بەرۋشى بولۋعا ماقۇل بولعانىن كورسەتەدى، ايىپكەر ليۋ X ۋي قارىزدى ۋاقىتىندا قايتارماعان كەزدە، ول قارىزدى قايتارۋ جاۋاپكەرشىلىگىن ارقالايدى.
ەڭ سوڭىندا، ەكى جاق راقايلاستىرۋ كەلىسىمىنە ماقۇل بولىپ، ايىپكەر ليۋ X يۇن مەن ايىپكەر ليۋ X ۋي قارىزعا العان اقشانى قايتارۋ جاۋاپكەرشىلىگىن بىرگە ارقالايدى ءارى تالاپكەر گو XX تەن العان اقشانى ۋادەلەسكەن مەرزىم ىشىندە قايتارۋعا ماقۇل بولادى.
سۋديانىڭ ەسكەرتۋى
ينتەرنەتتە كۇندەلىكتى سويلەسۋ بارىسىندا زاڭدىق ۇقىق پەن بورىشقا ساياتىن ىستەردى مۇمكىندىگىنشە جازباشا فورمادا بايانداعانىڭىز نەمەسە ەكى ۇشتى ماعىنا تۋدىرمايتىن بەينەلەۋىش بەلگى جولداعانىڭىز ءجون، ويىڭىزدىڭ شىنايى ماعىناسىن دۇرىس بەينەلەۋ ارقىلى قاجەتسىز تۇسىنىسپەستىك پەن داۋ - شاردان ساقتانعانىڭىز ابزال.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
