شي جينپيڭ بەلگيالىق تانىمال دوس قايراتكەر دومبقا جاۋاپ حات جازدى
2023.06.21 16:26 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 20 – كۇنى، بەيجيڭ. تاياۋدا مەملەكەت ءتوراعاسى شي جينپيڭ بەلگيالىق تانىمال دوس قايراتكەر دومبقا جاۋاپ حات جازىپ، ونى جۇڭگو - بەلگيا، جۇڭگو - ەۆروپا دوستىعىن ۇزدىكسىز بەلسەندىلىكپلەن جەبەۋگە شابىتتاندىردى.
شي جينپيڭ مىنالاردى اتاپ كورسەتتى: ءسىزدىڭ ىستىق ىقىلاستى حاتىڭىزدى وقىعان سوڭ، 2014 - جىلى حانىمىمەن بىرگە بەلگيادا ساپاردا بولعان كەزىمدە، فيليپ پاتشا ەرلى - زايىپتىلارمەن بىرگە جاننات حايۋاناتتار باقشاسىنداعى مىسىق ايۋ باقشاسىنىڭ اشىلۋ سالتىنا قاتىناسقان كەزىمدى ەسكە الدىم. كەزىندە جاننات حايۋاناتتار باقشاسىنا ەككەن كۇلگىن جۇپار گۇلدىڭ قاۋلاپ وسكەنىن، جۇڭگونىڭ ”دوستىق ەلشىسى“ بولعان ەكى مىسىق ايۋدىڭ دا قايراتتى بولىپ جەتىلىپ كەلە جاتقانىن ءبىلىپ قاتتى قۋاندىم.
شي جينپيڭ بىلاي دەپ دارىپتەدى: قازىر جۇڭگو ادام مەن تابيعات جاراسىمدى قاتار ءومىر سۇرەتىن جۇڭگو ۇلگىسىندەگى وسىزامانداندىرۋدى بەلسەنە ىلگەرىلەتىپ، ورگانيزمدەردىڭ الۋان تۇرلىلىگىن قورعاۋ كەلەلى ينجەنەرياسىن اتقارۋدا، ءبىر توپ سيرەك كەزدەسەتىن، تۇقىمى قۇرۋعا اينالعان باعالى تۇرلەر ءونىمدى قورعالىپ، مىسىق ايۋ ”تۇقىمى قۇرۋعا بەتالۋدان“ ”قاتەر ءتونۋ“ دارەجەسىنە تومەندەدى. جۇڭگو ەكولوگيانى الدىڭعى ورىنعا قوياتىن، جاسىل، تومەن كومىرتەكتى ساپالى دامۋ جولىمەن بۇلجىماي ءجۇرىپ، دۇنيە جۇزىنە ءتىپتى دە كوپ وراي ازىرلەپ، بۇكىل ادامزاتتىڭ العا باسۋىنا ءتىپتى دە زور ۇلەس قوسادى. جۇڭگو - بەلگيا قارىم - قاتىناسىنىڭ دامۋى ەكى ەلدىڭ ءار سالاسىنداعى دوس قايراتكەرلەردىڭ ۇزاق ۋاقىت قۇلشىنۋىنان جانە قالتقىسىز ۇلەس قوسۋىنان ايرىلا المايدى. ءسىزدىڭ جانە باسقا دا دوس قايراتكەرلەردىڭ دوستىقتىڭ تۇقىمىن ۇزدىكسىز سەۋىپ، ءتىپتى دە كوپ بۇقارانى، اسىرەسە، جاس ۇرپاقتاردى دوستىق ىستەرىنە بەلسەنە ات سالىسۋعا باۋراپ، جۇڭگو - بەلگيا، جۇڭگو - ەۆروپا قاتىناسىنىڭ دامۋىنا تىڭ ۇلەس قوساتىنىنا سەنەمىن.
تاياۋدا بەلگيا جاننات حايۋاناتتار باقشاسىنىڭ باس القاسى، قۇرۋشىسى دومب ءتوراعا شي جينپيڭگە حات جولداپ، ءتوراعا شي جينپيڭ مەن حانىمى پىڭ لييۋاننىڭ 2014 - جىلى 3 – ايدا بەلگيا جاننات حايۋاناتتار باقشاسىنداعى مىسىق ايۋ باقشاسىنىڭ اشىلۋ سالتىنا قاتىناسۋ جاعدايىن ەسكە الىپ، جۇڭگو باقشاسىنىڭ ادام مەن تابيعاتتىڭ جاراسىمدى قاتار ءومىر ءسۇرۋ ۇستانىمىن ايگىلەگەنىن، جۇڭگو ارمانى مەن جۇڭگونىڭ دامىپ، گۇلدەنۋى ماڭگى ورتاق يگىلىكتەنەتىن وراي ەكەنىن بىلدىرگەن بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
