ەڭ جوعارى حالىق سوتى مەكەمەسى تيپتىك دەلولاردى جاريالاپ، وتباسىلىق زورلىق - زومبىلىق ىستەگەندەردى زاڭ بويىنشا جازالاپ ءبىر جاقتى ەتتى
2023.06.16 16:23 كەلۋ قاينارى : حالىق تورابى
وتباسىلىق زورلىق - زومبىلىق ارەكەتى وتباسى مۇشەلەرىنىڭ دەنساۋلىعىنىڭ اقاۋسىزدىعىنا اۋىر زيان جەتكىزىپ، وتباسىنىڭ جاراسىمدىلىعىن ءبۇلدىرىپ، قوعامنىڭ ورنىقتىلىعىنا كەسىرى تيەيتىن باستى فاكتورعا اينالدى.
ەڭ جوعارى حالىق سوتى مەكەمەسى 6 - ايدىڭ 15 - كۇنى جۇڭگوداعى وتباسىلىق زورلىق - زومبىلىققا ساياتىن ون ءىرى تيپتىك دەلونى (2023 - جىلى) جاريالادى، بۇل تيپتىك دەلولار قاساقانا ادام ءولتىرۋ، قاساقانا ادام جارالاۋ، باس اماندىعىن قورعاۋ بۇيرىعى، اجىراسۋ داۋ - شارى قاتارلى جاقتاردى قامتيدى.
مىسالى، چىن XX تىڭ قاساقانا ادام ءولتىرۋ دەلوسىندا، سوت مەكەمەسى مىناداي كەسىم جاساعان: وتباسىلىق زورلىق - زومبىلىق بارىسىندا، اراق ءىشۋ قاتارلى جازادان جالتارۋ ارەكەتتەرى ارقىلى قىلمىستىق جاۋاپكەرشىلىك قابىلەتىن شەكتەمەگە ۇشىراتقان جاعدايدا، زاڭ بويىنشا جازالاپ ءبىر جاقتى ەتۋ كەرەك؛ چيۋ XX تىڭ قاساقانا ادام جارالاۋ دەلوسىندا، سوت مەكەمەسى مىناداي كەسىم جاساعان: وتباسىلىق زورلىق - زومبىلىقتى تەجەمەك بولعان ادامنىڭ ارەكەتى قىلمىستىق ىستەر زاڭىنداعى ۇيلەسىمدى قورعانۋ دەپ قارالاتىن جاعدايعا ساي كەلسە، قىلمىستىق ىستەر جاۋاپكەرشىلىگىن ارقالامايدى؛ يە X تىڭ باس اماندىعىن قورعاۋ بۇيرىعىن شىعارۋعا ءوتىنىش بەرۋى جونىندەگى دەلودا، سوت مەكەمەسى بىلاي دەپ كەسىم شىعارعان: بىرگە تۇرۋ اياقتاعان سوڭ دا، زورلىق - زومبىلىققا ۇشىرعان ايەل باس اماندىعىن قورعاۋ بۇيرىعىن شىعارۋعا ءوتىنىش بەرۋىنە بولادى.
جۋىرداعى جىلداردان بەرى، حالىق سوتى مەكەمەسى وتباسىلىق زورلىق - زومبىلىققا قارسى تۇرۋ جاعىنداعى زاڭ - تۇزىمدەر جۇيەسىن ۇزدىكسىز كەمەلدەندىردى. 2015 - جىلى 3 - ايدا، ەڭ جوعارى حالىق سوتى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى، ءادىليا مينيسترلىگى وتباسىلىق زورلىق - زومبىلىققا ساياتىن قىلمىستىق دەلولاردى زاڭ بويىنشا ءبىتىرۋ جونىندەگى پىكىردى بىرگە جاريالادى. ەلىمىزدىڭ وتباسىلىق زورلىق - زومبىلىققا ساياتىن قىلمىستىق ىستەر جونىندەگى تۇڭعىش رەتكى ءادىليالىق جەتەكشى قۇجاتى رەتىندە، پىكىر وتباسىلىق زورلىق - زومبىلىققا ساياتىن قىلمىستىق دەلولاردى زاڭ بويىنشا بىتىرۋگە جەتەكشىلىك ەتەدى. 2022 - جىلى 7 - ايدا، ەڭ جوعارى حالىق سوتى جاريالاعان باس اماندىعىن قورعاۋ جونىندەگى بۇيرىقتى بىتىرۋدە قولدانىلاتىن زاڭدار جونىندەگى ءبىر قىدىرۋ ماسەلەلەر تۋرالى بەلگىلەمەلەردى جاريالاپ، وتباسىلىق زورلىق - زومبىلىقتىڭ فورماسىن اناعۇرلىم ايقىنداپ، ىسكە قاتىستى ادامنىڭ كۋالىك كورسەتۋ اۋىرتپالىعىن جەڭىلدەتىپ، وتباسىلىق زورلىق - زومبىلىق بارىسىندا زيانعا ۇشىراعان ادامنىڭ ۇقىق - مۇددەسىن قورعاۋدى ۇتىمدى ۋاقىتتا جۇرگىزۋ ەرەكشەلىگىن كورنەكتىلەندىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
