شينجياڭنان تۇڭعىش توپتاعى 9280 جۇمىستانۋ پراكتيكا ورنى ءسىزدىڭ تىزىمدەلۋىڭىزدى قارسى الادى
2023.06.16 15:23 كەلۋ قاينارى : حالىق تورابى
جۇمىستاندىرۋدى الدىمەن ويلاستىرۋ ساياساتىن ناقتى، ەگجەي ـ تەگجەيلى تياناقتاندىرىپ، جاستاردى، اسىرەسە، جوعارى مەكتەپتەن وقۋ تاۋىسقان وقۋشىلاردى جۇمىستاندىرۋ قىزمەتىن جەبەۋدى اناعۇرلىم كورنەكتى ورىنعا قويۋ ءۇشىن، 6 ـ ايدان باستاپ، شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى 10 تاراۋمەن بىرلەسىپ 2023 ـ جىلعى جۇمىستانۋ پراكتيكا ورىندارىن جيناۋ جوسپارىن باستاپ اتقارىپ، ساياساتپەن قولداۋ كورسەتۋ، قىزمەت ورنىن اشۋ، تەكشە ازىرلەۋ، قىزمەت وتەۋدى ساپالىلاندىرۋ سياقتى جاقتاردا سەرپىندى ارتتىرىپ، سوڭىنا ءتۇسىپ قىزمەت وتەۋدى كۇشەيتىپ، جوعارى مەكتەپتەن وقۋ تاۋىسقان وقۋشىلار سياقتى جاستارعا جەتكىلىكتى پراكتيكا ىستەۋ ورايىن ازىرلەدى، العاشقى توپتاعى 9280 جۇمىستانۋ پراكتيكا ورنى جاقىندا جاريالاندى.
9280 جۇمىستانۋ پراكتيكا ورنى ەرەكشە كاسىپ سالاسى، وسى زامانعى قىزمەت وتەۋ كاسىبى، جوعارى دەڭگەيلى جاساۋ كاسىبى سياقتى سالالارعا سايادى، بۇكىل شينجياڭداعى ادام كۇشى بايلىعى جانە قوعامدىق قامتاماسىزداندىرۋ جۇيەسى ءتۇرلى كاسىپورىن، ءىسورىنداردان، قوعامدىق ۇيىمداردان، ۇكىمەت قارجى قوسقان نىسانداردان جانە عىلىمي زەرتتەۋ نىساندارىنان 647 سىن ۇيىمداستىرىپ اشتى، مۇنىڭ ىشىندە جوعارى مەكتەپ بىتىرگەن وقۋشىلارعا ۇيلەسەتىن پراكتيكا ورنى 7282، نەگىزىنەن سانجى حۇيزۋ اۆتونوميالى وبلىسىنا، بايىنعولين موڭعۇل اۆتونوميالى وبلىسىنا جانە ءۇرىمجى قالاسىنا تارالعان. ءىسورىندار قامداعان 1672 پراكتيكا ورنىن، مەملەكەت مەنشىگىندەگى كاسىپورىندار قامداعان 2635 پراكتيكا ورنىن، ورتا، شاعىن، ۇساق كاسىپورىندار قامداعان 4973 پراكتيكا ورنىن قامتيدى.
پراكتيكا ورنى مەن پراكتيكانتتار پراكتيكا ورنىنا قابىلداۋ جوسپارىنا قىزمەت وتەۋ ارناۋلى رايونى (https://222.82.215.217:10641/pc/index.html) ارقىلى پراكتيكا ىستەيتىن ورىندى ءوتىنىش ەتۋ، پراكتيكا ىستەۋ ورىندارىن تەكسەرۋ، پراكتيكا ساياساتىن ۇگىتتەۋ، پراكتيكانتتاردىڭ تىزىمدەلۋى سياقتى كاسىپتەردى بىتىرەدى. جەر ـ جەردەگى ادام كۇشى بايلىعى جانە قوعامدىق قامتاماسىزداندىرۋ تاراۋلارى ”اۆتونوميالى رايوننىڭ جۇمىسقا ورنالاستىرۋعا، شارۋاشىلىق قۇرۋعا جالپىلىق قىزمەت وتەۋ تەكشەسىنە“ (https:// 222.82.215.217：10633/casserver) سۇيەنىپ، ءوز جەرىندەگى جۇمىستانۋ پراكتيكا ورىندارىن تەكسەرۋ، پراكتيكا ورىندارىن باسقارۋ، پراكتيكانتتاردى باسقارۋ سياقتى كاسىپتەردى قابىلدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
