جياڭشي ولكەلىك حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى گۇڭ جيانحۋانىڭ پارا الۋ دەلوسى ءبىرىنشى سوتتا قارالدى
2023.06.16 15:21 كەلۋ قاينارى : حالىق تورابى
2023 – جىلى 6 – ايدىڭ 15 - كۇنى فۋجيان ولكەسى جاڭجوۋ قالالىق ورتا دارەجەلى حالىق سوت مەكەمەسى جياڭشي ولكەلىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار مەڭگەرۋشىسى گۇڭ جيانحۋانىڭ پارا الۋ دەلوسىن ءبىرىنشى سوتتا اشىق قارادى.
جاڭجوۋ قالالىق حالىق پروكۋراتۋراسى بىلاي دەپ ايتپادى: 2004 - جىلدان 2020 - جىلعا دەيىن ايىپكەر گۇڭ جيانحۋا ج ك پ نانچاڭ قالالىق پارتكومنىڭ ورىنباسار شۋجيى، ۇنەمىلىك ىستەرگە جاۋاپتى ورىنباسار قالا باستىعى، قالالىق پلانعا الىنعان جەردى اينالىمعا سالۋ باسشىلىق گرۋپپاسىنىڭ باستىعى، ج ك پ يچۇن قالالىق پارتكومنىڭ ورىنباسار شۋجيى، قالا باستىعى، ج ك پ فۋجوۋ قالالىق كوميتەتىنىڭ شۋجيى، ج ك پ جياڭشي ولكەلىك كوميتەتىنىڭ تۇراقتى مۇشەسى، نانچاڭ قالالىق پارتكومنىڭ شۋجيى، جياڭشي ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى قاتارلى قىزمەتتەردى ىستەگەن كەزىندە قىزمەت قولايلىلىعى، سونداي - اق قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ قاتىستى جەكەلەردىڭ جەردى بازارعا شىعارۋ، جەر باعاسىن سايكەستىرۋ، مىندەتىن ءوسىرۋ، نىسان اشۋ قاتارلى ىستەرىنە كومەك بەرگەن، جوعارىدا ايتىلعان جەكەلەردىڭ بەرگەن مال - مۇلكىن تىكەلەي نەمەسە تۋىس - تۋعان، دوس - جاراندارى ارقىلى زاڭسىز قابىلداعان، جالپى سوماسى حالىق اقشاسىنا سىندىرعاندا جيىنى 83 ميلليون 610 مىڭ يۋان بولعان. پروكۋراتۋرا ورگاندارى پارا الۋ قىلمىسى بويىنشا گۇڭ جيانحۋانىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا پروكۋراتۋرا ورگانى قاتىستى دالەل - ىسپاتتاردى كورسەتتى، ايىپكەر گۇڭ جيانحۋا جانە ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتىستى، گۇڭ جيانحۋا ەڭ سوڭعى ءسوزىن سويلەدى ءارى سوتتا قىلمىسىن مويىنداپ، رايىنان قايتقاندىعىن ءبىلدىردى.
ەڭ سوڭىندا سوت سوتتىڭ ءۇزىلىس جاساعاندىعىن، ۇكىمدى ارتىنان جاريالايتىندىعىن ايتتى.حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن جانە ءار سالا بۇقاراسىنان 20 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
