شۇي باۋيعا ءبىرىنشى سوتتا ۇكىم جاريالاندى!
2023.06.14 14:11 كەلۋ قاينارى : حالىق تورابى
كەشە تۇستەن بۇرىن سانشي ولكەسى داتۇڭ قالالىق ورتا دارەجەلى حالىق سوت مەكەمەسى 1 - سوتتا جۇڭگو زاپاس استىق باسقارۋ توبى شەكتى سەرىكتىگى پارتگرۋپپاسىنىڭ بۇرىنعى مۇشەسى، ورىنباسار باس ديرەكتورى شۇي باۋيدىڭ پارا الۋ، مەملەكەت مەنشىگىندەگى سەرىكتىك قىزمەتكەرىنىڭ قىزمەتتە جاۋاپكەرسىزدىك ىستەۋى، قۇپيا ساۋدالاسۋ دەلوسىنا اشىق ۇكىم شىعاردى، ايىپكەر شۇي باۋي پارا الۋ قىلمىسى بويىنشا 11 جىل مەرزىمدى قاماق جازاسىنا ۇكىم ەتىلدى، وعان قوسا ءبىر ميلليون 300 مىڭ يۋان اقشالاي ايىپ سالىندى؛ مەملەكەت مەنشىگىندەگى سەرىكتەستىك قىزمەتكەرىنىڭ قىزمەتتە جاۋاپكەرسىزدىك ىستەۋ قىلمىسى بويىنشا 4 جىلدىق مەرزىمدى قاماق جازاسى بەرىلدى؛ قۇپيا ساۋدالاۋ قىلمىسى بويىنشا 6 جىلدىق مەرزىمدى قاماق جازاسى، وعان قوسا 1000 يۋان اقشالاي ايىپ سالىندى، سونىمەن 17 جىلدىق مەرزىمدى قاماق جازاسى كەسىلەدى، وعان قوسا ءبىر ميلليون 301 مىڭ يۋان اقشالاي ايىپ سالىندى. شۇي باۋيدىڭ پارا الىپ تاپقان مال - مۇلكىن جانە ءونىڭ ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرادى.
تەكسەرۋ ارقىلى مىنالار انىقتالدى: 2006 - جىلدان 2021 - جىلعا دەيىن ايىپكەر شۇي باۋي حيلۇڭجياڭ ولكەسى داچيڭ جوعارى، جاڭا تەحنيكا كاسىبىن اشۋ رايونى كاسىپورىنداردىڭ بازارعا شىعۋ كەڭسەسىنىڭ ورىنباسار مەڭگەرۋشىسى، گانسۋ ولكەلىك حالىق ۇكىمەتى مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى مەڭگەرۋشىسىنىڭ كومەكشىسى، گانسۋ ولكەلىك مەملەكەت مەنشىگىندەگى مال - مۇلىك تيجاراتى شەكتى جاۋاپكەرشىلىك سەرىكتىگىنىڭ باس جوراسى، جۇڭگو قامداۋ ساۋدا توبى شەكتى سەرىكتىگى باس ديرەكتورىنىڭ كومەكشىسى، پارتكومنىڭ مۇشەسى، ورىنباسار باس ديرەكتورى، جۇڭگو زاپاس استىق باسقارۋ باس سەرىكتىگى (كەيىن جۇڭگو زاپاس استىق باسقارۋ توبى شەكتى سەرىكتىگى دەپ وزگەرتىلگەن) پارتيا باسشىلىق گرۋپپاسىنىڭ مۇشەسى، ورىنباسار باس ديرەكتورى قاتارلى مىندەتىندەگى قولايلىلىقتاردان جانە قىزمەت ۇقىعى نەمەسە ورنى قالىپتاستىرعان قولايلى جاعدايدان پايدالانىپ قاتىستى ورىندار مەن جەكەلەردىڭ قۇرىلىستى كوتەرمەگە الۋ، كاسىپورىن تيجاراتى، قۇرىلىس اقشاسىن تولەۋ جانە قىزمەت ورنالاستىرۋى سياقتى ىستەرىنە كومەك كورسەتىپ، باسقالاردىڭ بەرگەن مال - مۇلكىن زاڭسىز قابىلداعان جالپى سوماسى 13 ميلليون 799 مىڭ 489 يۋان بولعان. 2014 ـ جىلى 2 ـ ايدان 9 ـ ايعا دەيىن، شۇي باۋي جۇڭگو قامداۋ ـ ساتۋ مۇناي شەكتى سەرىكتەستىگىنىڭ القا باستىعى، زاڭدىق ۋاكىلى بولعان كەزدە، اۋىر جاۋاپكەرسىزدىك ىستەپ، بەلگىلەمەگە قايشىلىق جاساپ كورىنىستە حيميالىق تىڭايتقىش ساتىپ الۋ ـ ساتۋ قيمىلىن جۇرگىزىپ، ٴىس جۇزىندە قارجى قارىز العان ساۋدا سيپاتتى قارجى قۇراۋدى ورىستەتىپ، مەملەكەت مەنشىگىندەگى سەرىكتەستىكتى 101 ميلليون يۋاننان استام زيانعا ۇشىراتقان، مەملەكەت مۇددەسىنە ەرەكشە اۋىر زيان جەتكىزگەن. 2015 ـ جىلى شۇي باۋي باعالى قاعاز ساۋداسىنىڭ ىشكى ينفورماتسياسىنا زاڭسىز يە بولىپ، وسى ينفورماتسيا جاريالانۋدان بۇرىن، سول باعالى قاعازدى باسقالاردىڭ ساتىپ الۋىن اشىق بىلدىرەدى، مۇنىڭ ىشىندە ساتىپ العان باعالى قاعازدىڭ ساۋدا سوماسى 46 ميلليون 780 مىڭ يۋاننان اسىپ، ءىسى ەرەكشە اۋىر بولعان. داتۇڭ قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر شۇي باۋيدىڭ ارەكەتى پارا الۋ قىلمىسىن، مەملەكەت مەنشىگىندەگى سەرىكتەستىك قىزمەتكەرىنىڭ قىزمەتتە جاۋاپكەرسىزدىك ىستەۋ قىلمىسىن، قۇپيا ساۋدالاۋ قىلمىسىن قالىپتاستىرادى. ونىڭ 2 ميلليون 760 مىڭ يۋان پارا الۋى ىسكە اسپاعان، دەلو تۋىلعاننان كەيىن قىلمىسىن قاز - قالپىندا مويىنداپ، باقىلاۋ - تەكسەرۋ ورگانى ءالى يگەرمەگەن كوپ ساندى پارا الۋ قىلمىس فاكتىلەرىن ىرىقتىلىقپەن تاپسىرعان؛ زاڭ بويىنشا جەڭىل جازالاۋعا بولادى. سونىمەن سوت مەكەمەسى جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
