2023 - جىلعى 5 - ماۋسىم قورشاعان ورتا كۇنىنە ارنالعان اۆتونوميالى رايوننىڭ نەگىزگى الاڭ قيمىلى وتكىزىلدى
2023.06.08 17:01 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي شيڭ 6 - ايدىڭ 5 - كۇنى قۇمىلدان حابارلايدى. 6 - ايدىڭ 5 - كۇنى دۇنيە جۇزىلىك قورشاعان ورتا كۇنى. سول كۇنى 2023 - جىلعى 5 - ماۋسىم قورشاعان ورتا كۇنىنە ارنالعان اۆتونوميالى رايوننىڭ نەگىزگى الاڭ قيمىلى جانە اۆتونوميالى رايوننىڭ قورشاعان ورتانى قورعاۋ ۇگىت - تاربيە ايى قيمىلىنىڭ باستالۋ سالتى قۇمىل قالاسىندا وتكىزىلدى.
باستالۋ سالتىندا تاعى 2022 - جىلعى اۆتونوميالى رايوننىڭ ەكولوگيالىق ورتانى قورعاۋ بويىنشا زاڭ اتقارۋدىڭ قاۋىرت جاتتىعۋىنداعى وزات كوللەكتيۆتەرگە، وزات جەكەلەرگە جانە مەملەكەتتىڭ ەكولوگيالىق ورتانى قورعاۋ بويىنشا زاڭ اتقارۋدىڭ قاۋىرت جاتتىعۋىندا بەينەسى كورنەكتى بولعان جەكەلەرگە جانە 2023 - جىلعى ”كورىكتى جۇڭگو، مەن ارەكەتتەنۋشى“ اياسىنداعى ”ەكولوگيالىق ورتانى قورعاۋداعى ەڭ ارداقتى 100 ەرىكتىگە“ سيلىق تاپسىرىلدى.
بيىل ەلىمىز بەلگىلەگەن قورشاعان ورتا كۇنىنىڭ نەگىزگى تاقىرىبى − ”ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇرۋ“، نەگىزگى ماقساتى تۇتاس قوعامعا جەتەكشىلىك ەتىپ، ەلىمىزدىڭ جاڭا دامۋ كەزەڭىندەگى ەكولوگيالىق وركەنيەت قۇرىلىسىنىڭ جالپى تۇلعالىق تالابىن جەتە يگەرۋ؛ تۇتاس قوعامدى جۇمىلدىرىپ، ەكولوگيالىق وركەنيەت ۇستانىمىنىڭ تاراتۋشىسى جانە جاسىل، تومەن كومىر قىشقىل گازدى ءوندىرىس، تۇرمىس ءتاسىلىنىڭ امالياتتا ايگىلەۋشىسى بولىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى قۇرۋعا بەرىك قوعامدىق نەگىز قالاۋ.
اۆتونوميالى رايوندىق ەكولوگيالىق ورتا مەڭگەرمەسى پارتيا باسشىلىق گرۋپپاسىنىڭ شۋجيى داي ۋجۇن باستالۋ سالتىندا مىنالاردى ءبىلدىردى: ءبىر جىلدان بەرى تۇتاس رايون لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل ويداعىداي جۇرگىزۋدى نەگىزگى ارقاۋ ەتىپ، ورتالىقتىڭ ەكولوگيالىق قورشاعان ورتانى قورعاۋ بويىنشا باقىلاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋدى كۇش سالا ىلگەرىلەتۋدى وراي ەتىپ، حالىق بۇقاراسىنىڭ اڭىسى كۇشتى بولعان ءبىر توپ كورنەكتى ەكولوگيالىق ورتا ماسەلەسىنىڭ شەشىلۋىنە قۋزاۋشىلىق ەتتى. قۇمىل قالاسىنداعى قوعامنىڭ ءار سالا ۋاكىلدەرى قيمىل ۇستىندە بۇكىل قوعامعا «ازاماتتاردىڭ ەكولوگيالىق ورتاعا قاتىستى ءىس - ارەكەتتەرىنىڭ ولشەمىن (سىناق رەتىندە اتقارىلادى)» امالياتتا ايگىلەۋ تۋرالى جاسىل ۇندەۋ جاريالادى.
قۇمىل قالالىق پارتكومنىڭ شۋجيى سۇن تاۋ مىنالاردى ءبىلدىردى: قۇمىل ەكولوگيانى الدىمەن ويلاستىرۋ، ۇنەمدى، شوعىرلى بولۋ، جاسىل، تومەن كومىر قىشقىل گازدى دامۋ سىندى ستراتەگيالىق ويعا تاباندى بولىپ، جوعارى دەڭگەيدە قورعاۋ ارقىلى جوعارى ساپالى دامۋدى ىلگەرىلەتۋ سىندى جوعارى ونىمدىلىك ۇستانىمىنان جازباي، ەكونوميكالىق، قوعامدىق دامۋدىڭ جاپپاي جاسىلعا قاراي تيبىن وزگەرتۋىن بار كۇشپەن جەبەپ، قۇمىلدىڭ جوعارى ساپالى دامۋىنىڭ جاڭا جورىعىن قۇلشىنا اشىپ، قۇمىلدىڭ ەكولوگيالىق وركەنيەت قۇرىلىسىنىڭ جاڭا تاراۋىن قۇلشىنا جازادى.
سول كۇنگى نەگىزگى الاڭ قيمىلىندا تاعى ”ادام مەن تابيعات جاراسىمدى قاتار ءومىر سۇرەتىن وسىزاماندانۋ“ تاقىرىبىندا فوتو سۋرەت، حاتكەرلىك جانە سۋرەت تاڭداۋلى تۋىندىلار كورمەسى مەن ەكولوگيالىق قورشاعان ورتانى جونگە سالۋ جابدىقتارى، كاسىپورىننىڭ قورشاعان ورتانى قورعاۋ، ەنەرگيا ۇنەمدەۋ جابدىقتارى، جاڭا ەنەرگيالى اۆتوموبيل كورمەسى وتكىزىلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
