دەلوعا ساياتىن قاراجات سوماسى ءجۇز ميلليون يۋاننان اسقان! ساقشى جاق قانت قۇرامىن تومەندەتەتىن ءدارى، ارىقتاتۋدىڭ جالعان ءدارىسى قاتارلى جالعان دارىلەرگە قاتىستى دەلونى انىقتادى
2023.06.07 16:02 كەلۋ قاينارى : حالىق تورابى
جۋىردا جىجياڭ ولكەسى شاۋشيڭ قالاسى جۋجي قالالىق ساقشى مەكەمەسى جالعان دارىلەرگە ساياتىن دەلونى انىقتادى.
بيىل جىل باسىندا، جىجياڭ ولكەسى شاۋشيڭ قالاسى جۋجي قالالىق بازاردى باقىلاۋ – باسقارۋ تاراۋى قاتارلى تاراۋلار مەديتسينالىق اجارلاندىرۋ سالاسىنا ارناۋلى تەكسەرۋ جۇرگىزۋ، جونگە سالۋ ارەكەتىن ورىستەتۋ بارىسىندا، جەرگىلىكتى ورىننان ءبىر – بىرىمەن قاتىسسىز 3 رەتكى دەلونى بايقاعان، ۇقساماعان 3 قىلمىس كۇماندىسى ” AB چيڭيڭسۋ“ دەپ اتالاتىن ءونىمدى پايدالانعان.
جىجياڭ ولكەسى شاۋشيڭ قالاسى جۋجي قالالىق بازاردى باقىلاۋ – باسقارۋ مەكەمەسىنىڭ اكىمشىلىك زاڭ اتقارۋ اترەتى ورتا اترەتىنىڭ باستىعى يىڭ شياۋشياڭ: شاۋشيڭ قالالىق ازىق – تۇلىك، ءدارى – دارمەكتەردى تەكسەرۋ – زەرتتەۋ مەكەمەسى كارانتيندەۋ ارقىلى اتالعان ءونىمنىڭ قۇرامىندا سەماگلۋتايدتىڭ شيكىزاتىمەن ۇقساس قۇرامنىڭ بار ەكەنىن انىقتادى. ” AB چيڭيڭسۋ“ ءونىمنىڭ سىرتىنداعى بەزەنۋ بۇيىمىن ءوندىرۋ تولىمدىلىعى جونىندەگى جالعان ينفورماتسيا مەن ارىقتاتۋ ونىمدىلىگى جونىندەگى ۇگىت، دارىدەن پايدالانۋ ءادىسى قاتارلىلاردى جان – جاقتى ويلاستىرا وتىرىپ، مەكەمەمىز العاشقى قادامدا بۇل ءونىمدى جالعان ءدارى دەپ تۇراقتاندىردى ءارى شاۋشيڭ قالالىق بازاردى باقىلاۋ – باسقارۋ مەكەمەسىنىڭ تۇراقتاندىرۋىنا جولدادى، — دەدى.
3 قىلمىس كۇماندىسىنىڭ مويىنداۋىنشا، ولار ” AB چيڭيڭسۋ“ دەگەن ءونىمدى قىلمىس كۇماندىسى تاڭ X باستاعان قىلمىستىق توپتان ساتىپ العان.
جىجياڭ ولكەسى شاۋشيڭ قالاسى جۋجي قالالىق قوعام حاۋىپسىزدىگى مەكەمەسى ازىق – تۇلىك، ءدارى – دارمەك، ورتا، ءبىلىم مەنشىك ۇقىعى جاقتارىنداعى قىلمىستاردى بارلاۋ ۇلكەن اترەتىنىڭ ورىنباسار باستىعى حۇي جيانچاۋ: مەكەمەمىز 20 نەشە ساقشىنى گۋاڭجوۋ قالا ماڭىنا جىبەرىپ، قىلمىس كۇماندىلارىنا باعىتتالعان تور جيۋ ارەكەتىن ورىستەتتى. سول جەرگە بارعان سوڭ، دەلوعا قاتىستى 30 نەشە ادامدى تىزگىندەدى. ءبىر قابات ۇيدەن جالعان ءدارىنىڭ قۇمىراسىن جۋاتىن جۇپىنى ءۇيدى بايقادى. ءۇيدىڭ ىشىندەگى جابدىقتار توزعان، قۇمىرالار رەتسىز قويىلعان، سۋ قاينارى جۇيەلى ءبىر جاقتى ەتىلمەگەن، لاس زارتتاردى ءبىر جاقتى ەتەتىن ەشقانداي شارا ىستەلمەگەن، — دەدى.
جىجياڭ ولكەسى شاۋشيڭ قالاسى جۋجي قالالىق قوعام حاۋىپسىزدىگى مەكەمەسىنىڭ ازىق – تۇلىك، ءدارى – دارمەك، ورتا، ءبىلىم مەنشىك ۇقىعى جاقتارىنداعى قىلمىستاردى بارلاۋ ۇلكەن اترەتىنىڭ ورىنباسار اترەت باستىعى حۇي جيانچاۋ: قىلمىس كۇماندىلارىنىڭ مويىنداۋىنشا، ولار قۇرعاق توڭازىتۋ ءتاسىلىن ۇيرەنىپ، ”سەماگلۋتاي“ شيكىزاتىن ارالاستىرىپ دايىنداعان، — دەدى.
وسى دەلو بارىسىندا، جىجياڭ ولكەسى شاۋشيڭ قالاسى جۋجي ساقشى جاعى ءتۇرلى جالعان دارىلەردى زەرتتەپ جاسايتىن، وندىرەتىن، ساتاتىن اپانداردان تورتەۋىن تالقانداعان.
جىجياڭ ولكەسى شاۋشيڭ قالاسى جۋجي قالالىق قوعام حاۋىپسىزدىگى مەكەمەسىنىڭ باستىعى شيە چي: جالعان ءدارى جاسايتىن، ساتاتىن قىلمىس كۇماندىلارىنان 12 ادامدى تۇتقىنداپ، سول جەردەن دەلوعا قاتىستى ءتۇرلى ءدارى – دارمەكتەردەن 16000 نان استامىن قولعا تۇسىردىك، دەلوعا قاتىستى قاراجات سوماسى ءجۇز ميلليون يۋاننان اسادى، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
