كوزىڭىز ۇنەمى قىزارىپ تۇرا ما؟ مىناداي اۋرۋدان ساقتانىڭىز
2023.06.07 15:55 كەلۋ قاينارى : حالىق تورابى
6 – ايدىڭ 6 – كۇنى 28 – كەزەكتى مەملەكەتتىك ”كوزدى ايالاۋ كۇنى“، قيمىلدىڭ باستى تاقىرىبى ”كوزدىڭ اقاۋسىزدىعىنا جاپپاي نازار اۋدارۋ“. بيىلعى مەملەكەتتىك كوزدى ايالاۋ كۇنىندە كوز سارى سۋلانۋى، كوزگە اق ءتۇسۋ، كوز ءتۇبى اۋرۋى، ءمۇيىز قابىقتان تۋىنداعان سوقىرلىق قاتارلى باستى كوز اۋرۋلارىنا نازار شوعىرلاندىرىلادى. كوز سارى سۋلانۋى دەگەنىمىز قايتا قالپىنا كەلمەيتىن سوقىرلىققا دۋشار ەتەتىن كوز اۋرۋى، باستاپقى مەزگىلىندە وڭايلىقپەن بايقالمايدى. ءارقانداي جاستاعى ادامداردىڭ دا كوز سارى سۋلانۋى اۋرۋىنا شالدىعۋ ىقتيمالدىعى بار، جاستار دا بۇل اۋرۋدان ساقتانۋعا ءمان بەرگەنى ءجون. كوزدىڭ كورۋ قۋاتى السىرەگەن نەمەسە كوز ۇزاق ۋاقىت بويى قىزارىپ قانتالاعان جاعدايدا، دەر كەزىندە تەكسەرىلىپ، ەرتە باستان بايقاپ، ەرتەرەك ەمدەلگەن ءجون.
شيپاگەردىڭ تىلشىگە ايتۋىنشا، قازىر ەلىمىزدە كوز سارى سۋلانۋىنا شالدىققان ناۋقاستاردىڭ سانى 21 ميلليون ادامنان اسادى، شامامەن دۇنيە جۇزىندەگى كوز سارى سۋلانۋى اۋرۋىنا شالدىققان ناۋقاستاردىڭ تورتتەن ءبىر بولىگىن ۇستايدى.
استانا مەديتسينا داشۋەسىنىڭ قاراماعىنداعى بەيجيڭ تۇڭرىن ەمحاناسى كوز اۋرۋلارى ءبولىمىنىڭ ورىنباسار مەڭگەرۋشى شيپاگەرى حۋ جىجيا: كوز سارى سۋلانۋى اۋرۋىنا تەك قارتتار عانا شالدىقپايدى. كوز سارى سۋلانۋى اۋرۋى دەگەنىمىز كوز شاراسىنا تۇسكەن قىسىم جوعارى بولىپ، كوزدىڭ اينالاسىنداعى نەرۆتەردى، كوز تور قابىعىنداعى نەرۆ تالشىقتارىنىڭ زياندالۋىن كورسەتەدى، اتاپ ايتقاندا، كوزدىڭ ىشىندەگى كورۋ سەگنالىن تاراتاتىن كلەتكالار ىقپالعا ۇشىراپ، كورۋ اياسىندا ماسەلە بايقالادى. اۋىر بولعاندا كورۋ قۋاتىنان ايرىلۋعا دۋشار ەتۋى مۇمكىن، — دەيدى.
ماماننىڭ تانىستىرۋىنشا، كوز سارى سۋلانۋى اۋرۋى ادامنىڭ جاس شاماسىمەن قاتىستى بولعانىمەن، قازىر جاستاردان دا بايقالۋدا. بۇل اۋرۋ سوزىلمالى، جاسىرىن بولاتىن ەرەكشەلىككە يە، كوپتەگەن ناۋقاستار ءوزىنىڭ كورۋ قۋاتى السىرەگەن ەكەن دەپ ويلايدى، بۇل ەرتە باستان دياگنوز قويۋعا قيىندىق تۋدىرادى. سوندىقتان، الدا – جالدا كوزدىڭ اۋرۋى، كوزدىڭ سىزداۋى، كورۋ قۋاتىنىڭ كۇرت السىرەۋى، بەلگىسىز سەبەپتەرمەن باستىڭ اۋرۋى، جۇرەك اينۋ قاتارلى اۋرۋ بەلگىلەرى بايقالسا، دەرەۋ ەمدەلگەن ءجون.
ماماننىڭ تىلشىگە ايتۋىنشا، قازىر جاستار ۇزاق ۋاقىت بويى تەلەفونعا، كومپيۋتەرگە قارايدى، كوزگە شەكتەن تىس قىسىم تۇسەدى، ونىڭ ۇستىنە تۇرمىستىڭ باسىمى دا زور بولىپ، كوڭىل – كۇي وڭاي تولقيتىندىقتان، كوزگە تۇسەتىن قىسىمدى جوعارىلاتىپ، اۋرۋعا شالدىقتىراتىن فاكتورعا اينالۋ ىقتيمالدىعى بار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
