قاتىناس ساقشىسى اۆتوموبيلدىڭ قالتارىس اۋماعىنىڭ قانشالىقتى قاتەرلى ەكەنى جونىندە ناقتى سىناق جاسادى! شوفەردىڭ كوزىنەن تاسا اۋماققا 75 بالانى جاسىرۋعا بولادى
2023.06.06 14:03 كەلۋ قاينارى : حالىق تورابى
اۆتوموبيلدىڭ قالتارىس اۋماعى جايلى قانشالىقتى بىلەسىز؟ SUV تيپتى اۆتوموبيىلدىڭ قالتارىس اۋماعى قانشالىق ۇلكەن بولاتىنىن بىلەسىز بە؟ جۋىردا حىنان ولكەسى جىڭجوۋ قالاسىندا قاتىناس ساقشىلارى سىناق جاسادى، SUV تيپتى اۆتوموبيلدىڭ قالتارىس اۋماعىنا 75 بالانى جاسىرۋعا بولادى ەكەن!
سىناق بارىسىندا، جىڭجوۋ قالالىق قاتىناس ساقشى 2 – بولىمشە اترەتى كەڭسەسىنىڭ ورىنباسار مەڭگەرۋشىسى لي بيڭ بالالار باقشاسىنىڭ مۇعالىمىن SUV تيپتى ساقشى اۆتوموبيلىنداعى جۇرگىزۋشىنىڭ ورنىنا وتىرعىزادى ءارى ونىڭ كوزىن تاڭىپ قويادى. وسىدان سوڭ، قاتىناس ساقشىسى بالالار باقشاسىنداعى 75 بالانى اۆتوموبيلدىڭ توڭىرەگىندەگى قالتارىس اۋماققا تۇرعىزادى.
اۆتوموبيلدىڭ الدىڭعى جاعىنداعى بالالار جۇرەلەپ وتىرعان سوڭ، مۇعالىمنىڭ كوزىن تاڭعان شۇپەرەكتى الىپ تاستايدى. الايدا، اۆتوموبيلدىڭ توڭىرەگىن بارلاۋ جانە ارتقى جاقتى كورەتىن اينەگىنە قاراۋ بارىسىندا، مۇعالىم ءبىر بالانى دا بايقاي المايدى.
اۆتوموبيلدىڭ قالتارىس اۋماعى دەگەنىمىز نە؟
اۆتوموبيلدىڭ قالتارىس اۋماعى دەگەنىمىز اۆتوموبيل جۇرگىزۋشى اۆتوموبيل جۇرگىزەتىن ورىنعا وتىرعان كەزدە، كورۋ اياسىن اۆتوموبيلدىڭ تۇلعاسى توسىپ قالىپ، تىكەلەي باقىلاي المايتىن اۋماقتى كورسەتەدى. جۇرگىنشىلەر مەن موتورسىز كولىكتەر الدا – جالدا اۆتوموبيلدىڭ قالتارىس اۋماعىنا كىرسە، اۆتوموبيل قوزعالعان، بۇرىلعان ساتتە وتە وڭاي ”جالماپ كەتەدى“. لي بيڭنىڭ تانىستىرۋىنشا، اۆتوموبيل تۇلعاسى قانشالىق كەڭ، قانشالىق بيىك بولعان سايىن، اۆتوموبيلدىڭ قالتارىس اۋماعىنىڭ كولەمى دە سونشالىق ۇلكەن بولادى. مۇنان سىرت، اۆتوموبيل جۇرگەن كەزدە، قالتارىس اۋماق تىنىش تۇرعان كەزدەگىدەن دە زور بولادى.
اۆتوموبيلدىڭ قالتارىس اۋماعى جونىندە شوفەرلەر مەن جۇرگىنشىلەر نەلەرگە نازار اۋدارعانى ءجون؟
لي بيڭ مىنانى باسا دارىپتەدى: شوفەرلەر، ءسوزسىز، اۆتوموبيلگە شىعۋ الدىندا اۆتوموبيلدى ءبىر اينالىپ اينالاسىن باقىلايتىن ادەتتى قالىپتاستىرۋى قاجەت. وسىلاي ىستەگەندە اۆتوموبيلدىڭ قالتارىس اۋماعىنداعى كەدەرگى زاتتاردى ءونىمدى بايقاۋعا، سونىمەن بىرگە، اۆتوموبيلدىڭ جاعدايىن دا باقىلاۋعا بولادى، مىسالى، اۆتوموبيلدىڭ دوڭگەلەگىنىڭ جەلى شىعىپ كەتتى مە، جوق پا ت.ب. مۇنان سىرت، اۆتوموبيل بۇرىلعان كەزدە، شوفەر مۇمكىندىگىنشە الدىعا، ارتقا قوزعالعانى ءجون، وسىلاي ىستەۋ ارقىلى A باعانانىڭ قالتارىس اۋماعىنىڭ جاعدايىن كورۋگە بولادى.
SUV تيپتى اۆتوموبيل ادەتتەگى اۆتوموبيلدەردەن بيىك بولاتىندىقتان، قالتارىس اۋماعى دا ءبىرشاما ۇلكەن بولادى، بالالار اۆتوموبيلدىڭ قالتارىس اۋماعىنا كىرسە نەمەسە اۆتوموبيلدىڭ توڭىرەگىندە جۇرەلەپ ويناپ وتىرسا، قاتىناس شىرعالاڭى وتە وڭاي تۋىلادى. ال، ۇزارتىلعان، كەڭەيتىلگەن جۇك اۆتوموبيلدەرىنىڭ قالتارىس اۋماعى ءتىپتى دە ۇلكەن بولادى.
لي بيڭ مىنانى ەسكەرتتى: اتا – انالار ادەتتە، ءسوزسىز، بالالارعا اۆتوموبيلدىڭ توڭىرەگىندە ويناماۋدى قايتالاي ەسكەرتىپ وتىرۋى، سىرتقا شىققاندا دا بالالاردى كوزدەن تاسا قىلماعانى ءجون. ۇلكەن جۇك اۆتوموبيلدەرىنە جولىققان ساتتە، مەيلى، ەرەسەكتەر بولسىن، مەيلى، بالالار بولسىن، اۆتوموبيلدەن قانشالىق الىس جۇرسە سونشالىق جاقسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
