شينجياڭ بەيزاتتىق مادەني مۇرالارى سارايى ۇرىمجىدە سالىنا باستادى
2023.06.01 15:34 كەلۋ قاينارى : حالىق تورابى
5 – ايدىڭ 31 – كۇنى، شينجياڭ بويىنشا تۇڭعىش رەتكى جالپىلىق بەيزاتتىق مادەني مۇرالار كورمە سارايىنىڭ ىرگەتاسىن قالاۋ سالتى مەن جۇمىس باستاۋ سالتى ۇرىمجىدە وتكىزىلدى.
شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ وسكەلەڭ ءمان بەرۋى مەن كوڭىل ءبولىپ قولداۋىندا، شينجياڭ بەيزاتتىق مادەني مۇرالار سارايى ءۇرىمجى قالاسى شۇيموگوۋ رايونى حۇڭگۋاڭشان كورمە داڭعىلىنىڭ شىعىس جاعىندا سالىنا باستادى. شين شىجيە جۇڭگو قورا – جاي شەكتى سەرىكتەستىگى جىلۋ اتاپ سالعان وسى سارايدىڭ قۇرىلىس كولەمى شامامەن 13 مىڭ شارشى مەتر، بيىل جىل سوڭىندا نەگىزگى تۇلعالىق قۇرىلىستى ورىنداپ بولۋ جوسپارلاندى.
قازىر شينجياڭدا بەيزاتتىق مادەني مۇرالار ۋاكىلدىك نىسانىنان 5425 ى بار، مۇنىڭ ۇشەۋى بىرلەسكەن مەملەكەتتەر ۇيىمىنىڭ وقۋ ـ اعارتۋ، عىلىم ـ تەحنيكا، مادەنيەت ۇيىمىنىڭ بەيزاتتىق مادەني مۇرالارى تىزىمىنە، 94 ى مەملەكەت دارەجەلى بەيزاتتىق مادەني مۇرالار ۋاكىلدىك نىساندارى تىزىمىنە، 315 ى اۆتونوميالى رايون دارەجەلى بەيزاتتىق مادەني مۇرالار ۋاكىلدىك نىساندارى تىزىمىنە ەنگىزىلگەن.
سالىنىپ بولعاننان كەيىنگى شينجياڭ بەيزاتتىق مادەني مۇرالارى سارايىنىڭ كورمە زالىندا ناقتى زات كورمەسى، مۇراگەرلەردىڭ جاندى بەينەدە كورسەتۋى، سۋرەت، كەسكىن سياقتى فورمالار ارقىلى شينجياڭنىڭ بەيزاتتىق مادەني مۇرالارىن قورعاۋ جەتىستىكتەرى كورسەتىلىپ، كورەرمەندەرگە شينجياڭنىڭ بايتاق دالاسىندا ساقتالعان ءداستۇرلى مۋزيكا، ءبي، مۋزيكا اسپاپتارى، دەنە تاربيە قيمىلى، اۋىز ادەبيەتى، ءدامدى تاعام جاساۋ، قولونەر، مەرەكەلىك سالت - سانا سياقتى جۇڭحۋا ۇلتىنىڭ اقىل - پاراساتى قامتىلعان مادەنيەت جاۋھارى كورسەتىلەدى. بۇل ساراي بەيزاتتىق مۇراعاتتاردى قورعاۋ، جالعاستىرۋ جانە دامىتۋدا بۇقارانىڭ نازار اۋدارىپ، ات سالىسۋىنا اناعۇرلىم جەتەكشىلىك ەتەتىن، بىرگە ىلگەرىلەتەتىن تورابىنا اينالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
