ەلزات احمەتجان شينجياڭ شىفان جوعارى ارناۋلى تەحنيكۋم مەكتەبىندە يدەيا - ساياسي ساباعىن ءوتتى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا بەلسەنە ات سالىسۋ كەرەك
2023.05.26 14:50 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گو ليڭ 5 - ايدىڭ 24 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان شينجياڭ شىفان جوعارى ارناۋلى تەحنيكۋم مەكتەبىندە ءار ۇلت وقىتۋشى - وقۋشىلارىنا يدەيا - ساياسي ساباعىن ءوتىپ، قالىڭ وقۋشىلاردى پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا بەلسەنە ات سالىسۋعا تاربيەلەدى، جەتەكتەدى.
ەلزات احمەتجان ساباعىندا پارتيا 20 - قۇرىلتايىنىڭ رۋحىن جانە باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جاپپاي دايەكتىلەندىرۋدى ارقاۋ ەتىپ، جۇڭحۋا ۇلتى ورتاق تۇلعا تانىمىن قالاي ءتۇسىنۋ، جۇڭحۋا ۇلتى ورتاق تۇلعا تانىمىن نە ءۇشىن بەرىك ورناتۋ، جۇڭحۋا ۇلتى ورتاق تۇلعا تانىمىن قالاي بەرىك ورناتۋ سياقتى جاقتاردان شينجياڭنىڭ ءىس جۇزىندىگىمەن ۇشتاستىرا وتىرىپ ىشكەرىلەي ءتۇسىندىرۋ جاسادى.
ەلزات احمەتجان بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋعا تاربيەلەپ، جەتەكتەپ، مەملەكەت تانىمىن، ازامات تانىمىن، زاڭمەن باسقارۋ تانىمىن ۇزدىكسىز كۇشەيتكەندە، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋدى ۇزدىكسىز كۇشەيتكەندە عانا، مەملەكەتتىڭ تۇتاستىعى مەن ۇلتتار ىنتىماعىن قورعاۋدىڭ بەرىك يدەيالىق قورعانىن سوعىپ، شينجياڭداعى ءار ۇلتتىڭ ءتۇبىرلى مۇددەسىن ويداعىداي ىسكە اسىرۋعا، ويداعىداي قورعاۋعا، ويداعىداي دامىتۋعا بولادى.
ەلزات احمەتجان بىلاي دەدى: جاڭا ءداۋىر جاڭا ىسكەرلىك كورسەتۋگە شاقىرادى، جاڭا جاۋاپكەرشىلىك ارقالاپ، جاڭا بورىشتى ادا ەتۋ كەرەك. قازىرگى كەزدەگى شينجياڭنىڭ دامۋ ارىنى كۇشتى، بولاشاعىنان ءۇمىت زور، قالىڭ جاس وقۋشىلاردىڭ دارىنىن ايگىلەيتىن ساحناعا اينالارى داۋسىز. ول وقۋشىلاردى شينجياڭعا تامىر تارتىپ، شينجياڭعا ءوزىن ارناپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا ومىرلىك ماقساتتارىن جۇزەگە اسىرۋعا شابىتتاندىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
