ۋاڭ حۋنيڭ شينجياڭدا تەكسەرۋ - زەرتتەۋ جۇرگىزگەندە بىلاي دەپ دارىپتەدى
جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ مىعىم نەگىزىن بەكەمدەۋ كەرەك
2023.05.25 16:34 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 24 – كۇنى، ءۇرىمجى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 5 - ايدىڭ 22 - كۇنىنەن 24 - كۇنىنە دەيىن شينجياڭدا تەكسەرۋ - زەرتتەۋ جۇرگىزدى. ول مىنالاردى ءبىلدىردى: جاڭا داۋىردەگى شينجياڭ قىزمەتىن ويداعىداي ىستەۋدە، ءسوز جوق، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، تيانشان تاۋىنىڭ تۇستىگى مەن تەرىستىگىنىڭ ورنىقتىلىعى، جاراسىمدىلىعى، ءار ۇلت حالقىنىڭ تىنىش ءومىر، شات - شادىمان تىرشىلىك كەشىرۋى سىندى تاماشا جاعدايدى ۇزدىكسىز بەكەمدەۋ كەرەك.
قاشقاردا ۋاڭ حۋنيڭ قاشقار كونە قالاسى، وستەڭبويى بويى ءمالى باسقارماسى ساقشى بولىمشەسى، ايتكار مەشىتى، قاشقار كونە ءشار اۋدانى اياقمەنگەن قىستاعى سياقتى ورىندارعا بارىپ، ۇلتتار ىنتىماعىن ورىستەتۋ، ءدىن ساياساتىن تياناقتاندىرۋ، نەگىزگى ساتىنى جان - جاقتى جونگە سالۋ، بۇقارانىڭ ءوندىرىس، تۇرمىسى سياقتى جاعدايلاردى ۇعىستى. ول مىنالاردى ءبىلدىردى: شينجياڭنىڭ قوعام ورنىقتىلىعى جاعدايى وڭاي - وسپاق قولعا كەلگەن جوق، ءسوز جوق، بارىنشا قاستەرلەپ، بار كۇشپەن بەكەمدەپ، ىنتىماق پەن جۇرت تىلەگىن توعىستىرۋ قىزمەتىن ۇزدىكسىز ويداعىداي ىستەپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىنا مۇمكىندىك جاساۋ كەرەك. ۇرىمجىدە ۋاڭ حۋنيڭ اۆتونوميالى رايوندىق مۇراجايعا، ءىسلام ءدىنى شۋەيۋانىنا، شينجياڭ داشۋەسىنە جانە قاتىستى كاسىپورىندارعا بارىپ تەكسەرۋ - زەرتتەۋ جۇرگىزدى. ول مىنالاردى ءبىلدىردى: شينجياڭداعى ءار ۇلت ۇزاق ۋاقىتتان بەرى ارالاسىپ، ىشتەسىپ، توعىسىپ، شينجياڭنىڭ شۇعىلالى تاريحي مادەنيەتىن بىرگە جاراتتى، جۇڭحۋا ۇلتى دۇرىس تاريح كوزقاراسىن بەرىك ورناتىپ، جۇڭحۋانى ءسۇيۋدىڭ تۇقىمىن ءاربىر ادامنىڭ، اسىرەسە، جاستار مەن ورەندەردىڭ جۇرەگىنە تەرەڭ ۇيالاتۋ كەرەك.
تەكسەرۋ - زەرتتەۋ كەزىندە ۋاڭ حۋنيڭ مىنالاردى ءبىلدىردى: شينجياڭ ۇيعۇر اۆتونوميالى رايوندىق پارتكوم شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، بۇكىل شينجياڭداعى ءار ۇلت كادر - بۇقاراسىن كەلەلى جاعدايدى ورنىقتىرۋعا، وزگەرىسكە توتەپ بەرۋگە، كەدەيلىكپەن شايقاسۋعا، دوڭگەلەك داۋلەتتىلىك ورناتۋعا باستاپ، شينجياڭنىڭ ءتۇرلى ىستەرىندە ەلەۋلى جەتىستىكتەرگە قول جەتكىزدى. جاڭا جورىقتا شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ جاۋاپكەرلىگى توتەنشە اۋىر. لاڭكەستىككە قارسى تۇرىپ، ورنىقتىلىقتى قورعاۋدى زاڭمەن جونگە سالۋ ارناسىنا ءتۇسىرۋدى، ۇدايىلاندىرۋدى تاباندىلىقپەن ىلگەرىلەتىپ، باياندى ورنىقتىلىقتىڭ، ۇزاق ۋاقىتتىق ورنىقتىلىقتىڭ نەگىزىن اناعۇرلىم بەكەمدەي تۇسۋگە شىنايى كەپىلدىك ەتۋ كەرەك. ۇلت، ءدىن قىزمەتىن تاباندىلىقپەن ويداعىداي ىستەپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت بۇقاراسىنىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن ۇزدىكسىز كۇشەيتۋ كەرەك. شينجياڭنىڭ ساپالى دامۋىن تاباندىلىقپەن ىلگەرىلەتىپ، شينجياڭنىڭ سوتسياليستىك وسىزاماندانعان قۇدىرەتتى ەل قۇرۋداعى ستراتەگيالىق ورنىن يگەرىپ، دامۋ جەتىستىكتەرىن حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، ىنتىماقتى كۇشەيتۋ جاعىندا اناعۇرلىم ويداعىداي تياناقتاندىرۋ كەرەك. بيڭتۋان − شينجياڭ قىزمەتىنىڭ باس نىساناسىن جۇزەگە اسىرۋداعى ماڭىزدى ستراتەگيالىق كۇش، كاسىپ سالالارىنىڭ توعىسۋىن، بيڭتۋان مەن جەرگىلىكتى ورىننىڭ توعىسۋىن جەبەپ، وڭىرلىك جۇمىستاندىرۋ قابىلەتىن كۇشەيتىپ، بيڭتۋاننىڭ فۋنكتسيالىق رولىن تولىق ساۋلەلەندىرۋ كەرەك.
ۋاڭ حۋنيڭ تاعى مەملەكەتتىك ساياسي كەڭەستىڭ ۇرىمجىدەگى مۇشەلەرى مەن اۆتونوميالى رايوندىق ساياسي كەڭەستىڭ كادرلارىنا امانداسا باردى.
ما شيڭرۇي، شى تايفىڭ بىرگە تەكسەرۋ - زەرتتەۋ جۇرگىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
