شي جينپيڭ رەسەيدىڭ زۇڭليى ميشۋستينمەن كەزدەستى
2023.05.25 16:23 كەلۋ قاينارى : حالىق تورابى
 |
5 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن رەسەيدىڭ زۇڭليى ميشۋستينمەن كەزدەستى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن |
شينحۋا اگەنتتىگى، 5 - ايدىڭ 24 - كۇنى، بەيجيڭ (ءتىلشى جىڭ ميڭدا). 5 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا رەسمي ساپارمەن كەلگەن رەسەيدىڭ زۇڭليى ميشۋستينمەن كەزدەستى.
شي جينپيڭ ميشۋستينگە پۋتين زۇڭتۇڭعا ىقىلاستى سالەمىن جەتكىزۋدى تاپسىردى. شي جينپيڭ بىلاي دەپ اتاپ كورسەتتى: بيىل 3 - ايدا مەن رەسەيدە مەملەكەتتىك ساپاردا بولىپ، پۋتين زۇڭتۇڭمەن بىرگە جۇڭگو - رەسەي قارىم - قاتىناسىنىڭ دامۋىنىڭ جانە ءار سالاداعى سەلبەستىگىنىڭ جوباسىن جاساعان ەدىم. جۇڭگو مەن رەسەيدىڭ قارىم - قاتىناسىن ويداعىداي بەكەمدەۋ، ويداعىداي دامىتۋ − ءارى حالىقتاردىڭ تىلەگى، ءارى جالپى جاعدايدىڭ بەتالىسى. ەكى جاقتىڭ جۇڭگو مەن رەسەيدىڭ سەلبەستىك اياسى زور، بولاشاعى كەڭ، قوزعاۋشى كۇشى جەتكىلىكتى بولۋ ابزالدىعىن ۇزدىكسىز ساۋلەلەندىرىپ، ءار سالاداعى سەلبەستىكتى اناعۇرلىم جوعارى دەڭگەيگە كوتەرىپ، ەكى ەلدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋىن ءۇمىت ەتەمىن.
شي جينپيڭ بىلاي دەپ دارىپتەدى: جۇڭگو جاق رەسەي جاقپەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءوزارا باتىل قولداۋ كورسەتۋدى، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى كوپ جاقتى ساحنادا سەلبەستىكتى كۇشەيتۋدى قالايدى. ەكى جاق كومەسكى كۇشتى ۇزدىكسىز ىشكەرىلەي اشىپ، ەكونوميكا - ساۋدا، قارجى قوسۋ سەلبەستىگىنىڭ دەڭگەيىن جوعارىلاتىپ، ەكى جاقتى سەلبەستىك ءتۇزىلىس - مەحانيزمىن اقاۋسىزداندىرىپ، ەنەرگيا، ۇلاستىرۋ - تۇتاستىرۋ سياقتى سەلبەستىكتىڭ نەگىزگى جاعدايىن بەكەمدەپ جانە كەڭەيتىپ، اناعۇرلىم كوپ جاڭا ارتۋ تۇيىندەرىن قالىپتاستىرۋى كەرەك. گۋمانيتارلىق اۋىس - كۇيىستى ۇزدىكسىز كەڭەيتىپ، حالىق تىلەگى توعىسقان جاڭا جاعداي اشۋ كەرەك. جۇڭگو جاق رەسەي جاقپەن جانە ەۆروپا - ازيا ەكونوميكالىق وداعىنداعى ەلدەرمەن بىرگە ”ءبىر بەلدەۋ، ءبىر جولدى“ بىرگە قۇرۋدى ەۆروپا - ازيا ەكونوميكالىق وداعىمەن ۇشتاستىرىپ سەلبەسۋدى جەبەپ، اناعۇرلىم اشىق وڭىرلىك ءىرى بازاردىڭ قالىپتاسۋىن ىلگەرىلەتىپ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىنا شىنايى كەپىلدىك ەتىپ، وڭىردەگى ەلدەرگە ناقتى پايدا جەتكىزۋدى قالايدى.
ميشۋستين پۋتيننىڭ شي جينپيڭگە جولداعان ىقىلاستى سالەمىن جانە ىزگى تىلەگىن جەتكىزدى، ول مىنالاردى ءبىلدىردى: بيىل 3 - ايدا ءتوراعا شي جينپيڭنىڭ رەسەيدەگى تاريحي مەملەكەتتىك ساپارى توتەنشە ءساتتى بولىپ، رەسەي مەن جۇڭگونىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىنىڭ جاڭا ءداۋىرىن اشتى. رەسەي جاق جۇڭگو جاقپەن ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى مۇقيات تياناقتاندىرىپ، ەكى ەل زۇڭليلەرىنىڭ مەرزىمدى كەزدەسۋىنەن جانە قاتىستى سەلبەستىك مەحانيزمدەرىنەن تولىق پايدالانىپ، ءار سالاداعى ناقتى سەلبەستىكتى تەرەڭدەتۋدى قالايدى. رەسەي جاق جۇڭگو جاقپەن بىرگە دۇنيە ءجۇزىنىڭ كوپ ۇيەكتەنۋ ءۇردىسىن ىلگەرىلەتىپ، حالىقارالىق زاڭدى نەگىز ەتكەن حالىقارالىق ءتارتىپتى بەكەمدەۋدى قالايدى. رەسەي جاق جۇڭگو جاقپەن گۋمانيتارلىق اۋىس - كۇيىستى اناعۇرلىم كۇشەيتىپ، رەسەي - جۇڭگو دوستىعىن ۇرپاقتان - ۇرپاققا جالعاستىرۋدى ءۇمىت ەتەدى.
ۋاڭ ي، حى ليفىڭ، چين گاڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
