10 مىڭ مەتر كەڭىستىكتە، جولاۋشىنىڭ تۇتقيىل جۇرەك اۋرۋى ۇستاعاندىقتان فرانسيا اۆياتسياسىنىڭ كەزەكشى ۇشاعى ءۇرىمجى اۋەجايىنا شۇعىل قوندى
2023.05.24 14:13 كەلۋ قاينارى : حالىق تورابى
5 ـ ايدىڭ 23 ـ كۇنى پاريجدان شاڭحايعا ۇشقان كەزەكشى ۇشاقتا فرانسيالىق ءبىر جولاۋشىنىڭ جۇرەك اۋرۋى تۇتقيىل ۇستاپ، شۇعىل قۇتقارۋ قاجەت بولىپ، كومەك سۇراۋىن تاپسىرىپ العاننان كەيىن، شينجياڭ شەكارادان كىرۋ ـ شىعۋ شەكارا قورعانىس تەكسەرۋ باس پۋنكتىنىڭ ءۇرىمجى شەكارالىق تەكسەرۋ پۋنكتى شۇعىل جاعدايعا توتەپ بەرۋ جوباسىن دەرەۋ ىسكە قوسىپ، ولىمنەن اراشالاۋدىڭ ”شۇعىل ارناسىن“ اشىپ جولاۋشىنى قۇتقاردى.
5 - ايدىڭ 23 - كۇنى ساعات 15تە، ءۇرىمجى شەكارالىق تەكسەرۋ پۋنكتىنىڭ مىندەت وتەۋ كەزەكشى بولمەسى شەكارادان كىرگەن كەزەكشى ۇشاق قىزمەتكەرى ۇرعان شۇعىل كومەك سۇراۋ تەلەفونىن تاپسىرىپ الادى، مۇندا پاريجدەن شاڭحايعا ۇشقان AFR166 كەزەكشى ۇشاعىندا فرانسيالىق ءبىر جولاۋشىنىڭ تۇتقيىل جۇرەك اۋرۋى ۇستاپ، ەسىنەن تانىپ قالعاندىعىن، جاعدايدىڭ توتەنشە قاتەرلى ەكەندىگىنەن حابار تاپقاننان كەيىن، اتالعان پۋنكت شۇعىل جاعدايعا توتەپ بەرۋ، قۇتقارۋ جوباسىن جەدەل ىسكە قوسىپ، ”شۇعىل ارنا“ اشىپ، شۇعىل قۇتقارۋ دايىندىعىن جاقسى ىستەيدى، ءبىر جاعىنان، 120 عا تەلەفون بەرىپ، شيپاحانانىڭ كەلىپ ەمدەۋىن ۇقتىرسا، ەندى ءبىر جاعىنان مىندەت وتەپ جاتقان حالىق ساقشىلارىن كەزەكشى ۇشاقتى توقتاتۋ تۇيىنىندە الدىن الا توسىپ، قۇتقارۋ دايىندىق قىزمەتىن دەر كەزىندە جاقسى ىستەۋگە جىبەردى.
ساعات 15 تەن 5 مينۋت وتكەندە، شەكارادان كىرگەن كەزەكشى ۇشاق كەلگەننەن كەيىن، مىندەت وتەپ جاتقان حالىق ساقشىلارى دەرەۋ ۇشاققا شىعىپ، قۇتقارۋشى قىزمەتكەرلەرگە كومەكتەسىپ جولاۋشىنى دەرەۋ كوتەرىپ شىعىپ، ”شۇعىل ارنا“ ارقىلى جولاۋشىنىڭ رەسمياتىن جوعارى ءونىمدى، تەز ٴبىتىرىپ بەرەدى ءارى تۇتاس بارىستا ناۋقاستى قۇتقارۋ كولىگىنە دەيىن شىعارىسىپ، ناۋقاستى قۇتقارۋ ءۇشىن قىمباتتى ۋاقىتتى ۇتىپ بەرەدى. حابار جولداعانعا دەيىن ، بۇل جولاۋشى شينجياڭ مەديتسينا داشۋەسىنە قاراستى 5 ـ شيپاحانادا ەمدەلىپ جاتقان، قازىر ومىرىنە تونگەن حاۋىپتەن قۇتىلعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
