گازدى باتىستان شىعىسقا جەتكىزۋ 2 -، 3 - جەلىلەرى ارقىلى ورتا ازيادان قابىلدانعان تابيعي گاز 430 ميلليارد تەكشەمەتردەن استى
2023.05.22 16:38 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان 5 - ايدىڭ 20 - كۇنى ۇرىمجىدەن حابارلايدى. جۇڭگو − ورتا ازيا باسشىلار ماجىلىسىندە جۇڭگو ورتا ازياداعى 5 ەلمەن سەلبەستىك بويىنشا ءبىر قىدىرۋ جەتىستىككە قول جەتكىزدى. مۇنىڭ ىشىندە جۇڭگو − ورتا ازيا تابيعي گاز قۇبىرىنىڭ ورنىقتى ىسكە قوسىلۋىن قامتاماسىز ەتۋ شينجياڭعا تيىمدىلىك اكەلەدى. ورتا ازيا ەلدەرىنەن يمپورت ەتىلگەن تابيعي گاز قورعاس ارقىلى شەكارادان كىرىپ، گازدى باتىستان شىعىسقا جەتكىزۋ 2 -، 3 - جەلىلەرى ارقىلى جۇڭگونىڭ جارتىسىنان استام جەرىنە جەتكىزىلىپ، ەلىمىزدىڭ ەنەرگيا قۇرىلىمىن ساپالىلاندىرۋدا، كومىر قىشقىل گازىنىڭ شىعارىلۋىن ازايتۋدى جەبەۋدە ماڭىزدى رول اتقاردى. گازدى باتىستان شىعىسقا جەتكىزۋ 2 - جەلىسى مەن 3 - جەلىسى ىسكە قوسىلعاننان تارتىپ 5 - ايدىڭ 19 - كۇنىنە دەيىن، ورتا ازيادان قابىلدانعان تابيعي گاز جيىنى 430 ميلليارد تەكشەمەتردەن استى.
ورتا ازيا تابيعي گاز قۇبىرى باتىستا تۇركمەنستاننان باستالىپ، وزبەكستاندى، قازاقستاندى باسىپ ءوتىپ جۇڭگونىڭ شينجياڭىنا كىرىپ، جۇڭگو مەن ورتا ازيا ەلدەرىندەگى ەنەرگيا نەگىزدىك قۇرىلعىلارىنىڭ ۇلاسۋىن، تۇتاسۋىن جۇزەگە اسىرىپ، جەلى بويىنداعى ءار ەلدى يگىلىككە كەنەلتتى.
ءتىلشىنىڭ مەملەكەت قۇبىر تورى توبى باتىس بولىك قۇبىر جولى شەكتى جاۋاپكەرشىلىك سەرىكتەستىگىنەن ۇعىسۋىنشا، گازدى باتىستان شىعىسقا جەتكىزۋ 2 - جەلىسى ەلىمىزدىڭ شەكارا سىرتىنان تابيعي گاز بايلىعىن ەنگىزەتىن تۇڭعىش ستراتەگيالىق ارناسى ەسەپتەلەدى. وسى ينجەنەريا باتىستا شينجياڭنىڭ قورعاسىنان باستالىپ، وڭتۇستىكتە گۋاڭجوۋعا، شياڭگاڭعا، شىعىستا شاڭحايعا جەتەدى، بۇل قازىرگى دۇنيە ءجۇزى بويىنشا جەلىسى ەڭ ۇزىن، قامتيتىن قامداۋ اۋماعى ەڭ ۇلكەن، يگىلىكتەنگەن ادام سانى ەڭ كوپ تابيعي گاز قۇبىرى ەكەن.
گازدى باتىستان شىعىسقا جەتكىزۋ 3 - جەلىسى باتىستا شينجياڭنىڭ قورعاس شەكارا وتكەلىنەن باستالىپ، شىعىستا فۋجيان ولكەسىنىڭ فۋجوۋ قالاسىنا جەتەدى، جوباداعى جىلدىق گاز جەتكىزۋ مولشەرى 30 ميلليارد تەكشەمەتر كەلەدى، باسقى ارنادا جۇڭگو − ورتا ازيا تابيعي گاز قۇبىرى C جەلىسىنە جالعانادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
