چين گاڭ قازاقستاننىڭ شي - اندا تۇراتىن باس كونسۋلحاناسىنىڭ اشىلۋ سالتىنا قاتىناستى
2023.05.22 16:03 كەلۋ قاينارى : حالىق تورابى
شينحۋا اگەنتتىگىنىڭ 5 ـ ايدىڭ 19 ـ كۇنى شي ـ اننان بەرگەن حابارى. 5 ـ ايدىڭ 19 ـ كۇنى مەملەكەتتىك كەڭەستىڭ مۇشەسى ءارى سىرتقى ىستەر مينيسترى چين گاڭ شي ـ اندا قازاقستاننىڭ زۇڭتۇڭى توقايەۆپەن، ورىنباسار زۇڭلي ءارى سىرتقى ىستەر مينيسترى نۇرتىلەۋمەن بىرگە قازاقستاننىڭ شي ـ انداعى باس كونسۋلحاناسىنىڭ اشىلۋ سالتىنا قاتىناستى.
توقايەۆ سوزىندە مىنالاردى ءبىلدىردى: الدىڭعى كۇنى ءتوراعا شي جينپيڭمەن باي مازمۇندى كەڭەس وتكىزىپ، سۇبەلى ناتيجەگە قول جەتكىزىپ، قازاقستان ـ جۇڭگو قارىم ـ قاتىناسىنىڭ جاڭا ”التىن 30 جىلىن“ باستادىق. سوڭعى جىلدارى شانشي ولكەسى مەن شي - ان قالاسىنىڭ قازاقستانمەن سەلبەستىگى، اۋىس - كۇيىسى كۇن سايىن جيىلەدى. قازاقستاننىڭ شي ـ اندا تۇراتىن باس كونسۋلحاناسىنىڭ اشىلۋى كەلەلى مانگە يە، ءسوز جوق، ەكى جاقتىڭ ەكونوميكا ـ ساۋدا، قارجى قوسۋ، قاتىناس، زات اينالىمى، گۋمانيتارلىق سياقتى سالالارداعى سەلبەستىگىن پارمەندى ىلگەرىلەتىپ، قازاقستان ـ جۇڭگو قارىم ـ قاتىناسىنىڭ دامۋىنا تىڭ ۇلەس قوسادى.
چين گاڭ بىلاي دەدى: تاياۋ جىلداردان بەرى، ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو ـ قازاقستان قارىم ـ قاتىناسى قارىشتاپ دامىپ، ماڭگىلىك جان ـ جاقتى ستراتەگيالىق سەرىكتەستىك قاتىناستىڭ جوعارى دەڭگەيىنە جەتتى. وسى رەت توقايەۆ زۇڭتۇڭ شي ـ انعا كەلىپ، تۇڭعىش كەزەكتى جۇڭگو ـ ورتا ازيا باسشىلار ماجىلىسىنە قاتىناستى ءارى جۇڭگودا مەملەكەتتىك ساپاردا بولدى. ءتوراعا شي جينپيڭ توقايەۆ زۇڭتۇڭمەن ىشكەرىلەي كەڭەس وتكىزىپ، جاڭا ماڭىزدى ورتاق تانىمعا كەلدى. ءتوراعا شي جينپيڭ تاعى ورتا ازياداعى ەلدەردىڭ باسشىلارىمەن بىرگە اناعۇرلىم تىعىز جۇڭگو ـ ورتا ازيا تاعدىرلاس ورتاق تۇلعاسىن قۇرۋدى ءبىر اۋىزدان قۇپتادى. قازاقىستاننىڭ شي - اندا تۇراتىن باس كونسۋلحاناسىنىڭ اشىلۋى جۇڭگو - قازاقستان بايلانىسىنىڭ دامۋ تاريحىندا جاڭا ماڭىزدى ەسكەرتكىش بولىپ، ەكى مەملەكەتتىڭ اسىرەسە، جۇڭگونىڭ باتىس بولىگىندەگى ولكەلەر مەن قازاقستان ورتاسىنداعى دوستق قاتىناسىنا جانە سەلبەستىگىنە جاڭا كوپىر سالىپ بەرەدى، جۇڭگو جانە ورتا ازياداعى ءارقايسى مەملەكەتتەردىڭ ءوزارا تۇسىنىگىن تەرەڭدەتە تۇسۋگە جاڭا تەرەزە اشىپ بەرەدى.
قازاقستاننىڭ شي - اندا تۇراتىن باس كونسۋلحاناسى — قازاقستاننىڭ جۇڭگودا قۇرعان ءۇشىنشى باس كونسۋلحاناسى، سونداي - اق ورتا ازيا ەلدەرىنىڭ جۇڭگونىڭ باتىس بولىەك رايونىندا قۇرعان تۇڭعىش كونسۋلدىق قۇرىلىمى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
