بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

6 باسشى توپتاسىپ اراق ىشكەننەن كەيىن، چيڭحاي پارتيالى كادرلاردىڭ بەلگىلەمەگە قايشىلىق جاساپ ءىشىپ – جەۋىنە قاتىستى 10 تارماقتى تيىم سالۋدى جاريالادى! قوسىمشا اشكەرەلەۋ ءتاسىلىن بىرگە جاريالادى

2023.05.18 16:43     كەلۋ قاينارى : حالىق تورابى

  ءتىلشىنىڭ چيڭحاي ولكەلىك ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتىنەن ۇعىسۋىنشا: ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتى تياناقتاندىرىپ، دەلو ارقىلى تۇزەتۋدى جەبەۋ ارناۋلى تاربيەسىن تىڭعىلىقتى ىلگەرىلەتىپ، ءىشىپ - جەۋ تەرىس ستيلىن قاتاڭ تەجەپ، جاڭا ستيل، دۇرىس سالتتى ساۋلەلەندىرۋ ءۇشىن، بۇكىل ولكەدەگى ءار دارەجەلى پارتيا ۇيىمدارى مەن پارتيا مۇشەلەرىنىڭ، كادرلاردىڭ جانە ۇكىمەت قىزمەتكەرلەرىنىڭ بەلگىلەمەگە قايشى ءىشىپ - جەۋىنە قاتاڭ تيىم سالۋ جونىندەگى 10 تارماقتى ءتارتىپ تالابىن جاريالاعان:

  1. ولشەمنەن، قالىپتان، كولەمنەن اسقان ۇكىمەتتىك كۇتىپ الۋعا، استا - توك ىسىراپشىلدىققا قاتاڭ تيىم سالىنادى؛

  2. قاتىناس قاعازىنسىز، جالعان قاتىناس قاعازىن جاساۋ،”ءبىر قاتىناس قاعازمەن كوپ قوناعاسى وتكىزۋ“ سياقتى ۇكىمەت قىزمەتى اتىمەن ۇكىمەت اقشاسىمەن ٴتۇرىن وزگەرتىپ ءىشىپ – جەۋگە قاتاڭ تيىم سالىنادى؛

  3. بەلگىلەمەگە قايشىلىق جاساپ، جەكە كاسىپورىن قوجايىنى، ورىنعا قاراستىلار، قاراستى تومەنگى ورىندار سياقتى باسقارۋ، قىزمەت وتەۋ وبيەكتىلەرىنىڭ قوناقاسىن قابىلداۋعا قاتاڭ تيىم سالىنادى؛

  4. جەكەلىك ساۋىقحانالارعا كىرىپ - شىعۋعا نەمەسە مەكەمە - ورىنداردىڭ ىشىندەگى اسحانا، تۇرعىندار رايونى، جۇمىس عيماراتى سياقتى جاسىرىن ورىنداردا بەلگىلەمەگە قايشى ءىشىپ - جەۋگە قاتاڭ تيىم سالىنادى؛

  5. ءوزى كوتەرۋگە ءتيىستى ءىشىپ – جەگەن اقشاسىن ۇكىمەت اقشاسىنان كوتەرۋگە نەمەسە باسقارۋىنداعى قىزمەت وتەۋدى قابىلدايتىن وبيەكتىلەرگە تولەتۋگە قاتاڭ تيىم سالىنادى؛

  6. جوعارى مەن تومەن، قىزمەتتەستەر ارا بەلگىلەمەگە قايشىلىق جاساپ، قوناقاسى ۇيىمداستىرۋعا، توپ قۇرۋعا، مۇددە ايىرباسىن جاساۋعا، اراعا كىسى سالىپ جاعداي ايتۋعا قاتاڭ تيىم سالىنادى؛

  7. قىزمەت ۋاقىتىندا، سونداي – اق جيىن، ۇيرەنۋ، تەكسەرۋ، تەكسەرۋ - زەرتتەۋ، كەزەكشىلىك قاتارلى قيمىل كەزىندە اراق ىشۋگە، قىزمەت كۇندەرىندەگى تۇسكى دەمالىستا اراق ىشۋگە، ىشىمدىككە بەرىلۋگە، ماسكۇنەمدىككە سالىنۋعا قاتاڭ تيىم سالىنادى؛

  8. ”شاعىن توپ“ سيپاتىن الاتىن ”اۋىلداستار باس قوسۋى“، ”مەكتەپتەستەر باس قوسۋى“، ”ساپتاستار باس قوسۋى “ قاتارلى بەلگىلەمەگە قايشى ءىشىپ – جەۋگە ۇيىمداستىرۋعا جانە وعان قاتىناۋعا قاتاڭ تيم سالىنادى؛

  9. توي – تومالاق، ءولىم – ءجىتىم ىستەرىندە بەلگىلەمەگە قايشى وتكىزۋگە، استا – توك وتكىزۋگە، استا – توك ءىشىپ - جەۋگە قاتاڭ تيىم سالىنادى؛

  10. باسقا ءارقانداي فورماداعى بەلگىلەمەگە قايشى ءىشىپ – جەۋگە ۇيىمداستىرۋعا جانە وعان قاتىناسۋعا قاتاڭ تيىم سالىنادى.

  جوعارىداعى ءتارتىپ تالابىنا قايشىلىق جاساعاندار الدىمەن قىزمەتتەن توقتاتىلىپ تەكسەرۋگە الىنادى، ونان سوڭ تەكسەرىپ ءبىر جاقتى ەتىلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى