شيزاڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى جي گوگاڭ تارتىپكە، زاڭعا اۋىر قايشىلىق جاساعاندىقتان پارتيادان جانە ۇكىمەت قىزمەتىنەن ايدالدى
2023.05.17 13:46 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى شيزاڭ اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ بۇرىنعى مۇشەسى، بۇرىنعى ورىنباسار مەڭگەرۋشىسى جي گوگاڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: جي گوگاڭ مۇرات ـ سەنىمنەن ايرىلىپ، اۋەلگى ماقساتتان، بورىشتان بەزىپ، جاڭا داۋىردەگى پارتيانىڭ شيزاڭدى جونگە سالۋ جالپى جوباسىنا جانە جاڭا دامۋ ۇستانىمىنا اۋىر قايشىلىق جاساپ، ورتالىق پەن جەرگىلىكتى ورىننىڭ ارناۋلى قارجىسىن قالاعانىنشا بەتالدى پايدالانىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن پارمەندى تياناقتاندىرماي، پارتيانى جاپپاي قاتاڭ جونگە سالۋدىڭ سۋبيەكتتىك جاۋاپكەرشىلىگىن اتقارماعان، اۋىر ساياسي زيان تۋىرىپ، ۇيىمنىڭ تەكسەرۋىنە قارسى شىعىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن كوزگە ىلمەي، راقاتقا بەرىلىپ، ۇزاق ۋاقىت بويى جەكەلىك كاسىپورىن يەلەرى ورنالاستىرعان جوعارى دارەجەلى قوناعاسىلاردى قابىلداعان، ۇكىمەت اۆتوموبيلىن ولشەمنەن اسىرىپ بولگەن جانە ىستەتكەن؛ ۇيىىمدىق قاعيداعا قايشىلىق جاساپ، جەكە باسىنا قاتىستى ىستەرىن بەلگىلەمە بويىنشا ايتپاعان، قىزمەت ۇقىعىنان جانە قىزمەت ىقپالىنان پايدالانىپ تۋىس - تۋعاندارىنا جانە باسقالارعا بەلگىلەمەگە قايشى قىزمەت ورنالاستىرىپ، بەلگىلەمەگە قايشىلىق جاساپ تارتۋ - تارالعى، اقشا قابىلداعان؛ ءتارتىپ پەن زاڭنىڭ سوڭعى شەگىنەن اتتاپ، ۇقىق - اقشا ساۋداسىن بارىنشا جۇرگىزىپ، قىزمەت قولايلىلىعىنان پايدالانىپ باسقالارعا قۇرىلىس كوتەرىپ الۋ، نىساندى تەكسەرىپ بەكىتۋ سياقتى جاقتاردا پايدا جەتكىزگەن ءارى زاڭسىز قىرۋار مال - مۇلىك قابىلداعان؛ ۇقىعىنان الباتى پايدالانىپ، مەملەكەت مۇددەسىن اۋىر زيانعا ۇشىراتقان.
جي گوگاڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت جاعىندا زاڭعا اۋىر قايشىلىق جاساعان ءارى پارا الۋ سياقتى قىلمىستارعا شاتىلعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋى كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى جي گوگاڭعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان ۇكىمەت قىزمەتىنەن ايداۋ جازاسىن بەرەدى؛ ونىڭ شيزاڭ اۆتونوميالى رايونى 10 - رەتكى پارتيا قۇرىلتايىنىڭ ۋاكىلدىك تولىمدىلىعىن توقتاتتى؛ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، وعان ساياتىن مال - مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
