شينجياڭنىڭ تانىمال ماركالارى جۇڭگو ماركا كۇنى قيمىلىندا بوي كورسەتتى
2023.05.12 16:32 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 5 - ايدىڭ 10 - كۇنى شاڭحايدان حابارلايدى. 5 - ايدىڭ 10 - كۇنى 2023 - جىلعى جۇڭگو ماركا كۇنى قيمىلى شاڭحايدا باستالدى. شينجياڭ جيىنى 13 ايگىلى ماركا ۋاكىلى كاسىپورنىن تەڭ ۋاقىتتا وتكىزىلگەن جۇڭگو ماركا كورمەسىنىڭ ينتەرنەت جەلىسىنەن تىسقارى كورمەسىنە قاتىناسۋعا ۇيىمداستىرىپ، جۇڭگو ماركا كۇنىن ساحنا ەتە وتىرىپ، شينجياڭ ماركالارىنىڭ باۋرامدىلىعىن تولىق ايگىلەدى.
بيىلعى جۇڭگو ماركا كۇنى قيمىلىنىڭ نەگىزگى تاقىرىبى − ”جۇڭگو ماركاسىن دۇنيە ءجۇزى بىرگە يگىلىكتەنەدى؛ ماركانىڭ جاڭا كۇشى، ساپالى جاڭا تۇرمىس“. قيمىل 5 - ايدىڭ 14 - كۇنىنە دەيىن جالعاسىپ، 2023 - جىلعى جۇڭگو ماركا دامۋى حالىقارالىق تالقى مىنبەرى مەن جۇڭگو ماركا كورمەسىن وتكىزۋدى قامتيدى.
جۇڭگو ايگىلى ماركالار كورمەسى ينتەرنەت جەلىسى، ينتەرنەت جەلىسىنەن تىسقارى كورمە تۇعىرىن سايكەستى قۇرادى. ينتەرنەت جەلىسىنەن تىسقارى وتكىزىلگەن ورىن شاڭحاي الەمدىك كورمە سارايىندا شينجياڭ سارايى ەڭ دۋماندى جەر بولدى. وزگەشە ەرەكشەلىككە يە شينجياڭنىڭ ءان - ءبي ويىندارى جانە ۇلكەن ەكراندا قايتالانا كورسەتىلىپ تۇرعان ۇگىت فيلمدەرى ”شينجياڭ − جاقسى جەر“ ماركاسىن جۇرت جۇرەگىنە اناعۇرلىم تەرەڭ ۇيالاتتى.
شينجياڭ كورمە سارايى ”ماركامەن شينجياڭدى گۇلدەندىرۋدى“ نەگىزگى تاقىرىپ ەتىپ، شينجياڭ ماقتاسى جانە جۇڭگو − ەۆروپا كەزەكشى پويەزى سىندى ەكى نەگىزگى ەلەمەنتتى كورنەكتىلەندىرىپ، ءپىشىن جوبالاۋ + شينجياڭ دەربەس ماركاسى كورمەسىن تۇلعالاۋ ارقىلى شينجياڭنىڭ مادەنيەت ساياحاتى، ونەركاسىبى، اۋىل شارۋاشىلىعى سياقتى ەرەكشەلىككە، باسىمدىققا يە كاسىپ سالالارىنىڭ دامۋ جەتىستىگىن تولىق ايگىلەدى.
دۇنيە جۇزىندەگى 500 مىقتى كاسىپورىن قاتارىنداعى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى كورمەگە قاتىناسقان كاسىپورىنداردىڭ ءبىرى. وسى سەرىكتەستىكتىڭ القا باستىعىنىڭ كومەكشىسى، قوسىمشا شاڭحاي جۇڭتاي دوجيڭ حالىقارالىق ساۋدا شەكتى جاۋاپكەرشىلىك سەرىكتەستىگىنىڭ باس ديرەكتورى سۇن يۇيشياڭ مىنالاردى ءبىلدىردى: جۇڭگو ماركا كۇنى قيمىلىنا قاتىناسۋداعى ماقساتىمىز توبىمىز ماركاسىنىڭ قۇنىن اناعۇرلىم ويداعىداي جالپىلاستىرۋ جانە ايگىلەۋ، سونىمەن بىرگە باسقا دا تاڭداۋلى كاسىپورىنداردىڭ تاماشا تاجىريبەلەرى مەن ادىستەرىنەن ۇيرەنىپ، ۇلگى الىپ، شينجياڭ جۇڭتاي توبى ماركاسىن ءتىپتى دە جاقسى تۇلعالاپ، باسىمدىققا يە ونىمدەر مەن تاڭداۋلى ماركالاردىڭ رەزونانىستىق اسەر قالىپتاستىرۋىنا مۇمكىندىك جاساۋ.
”شينجياڭنىڭ ساپالى اۋىل شارۋاشىلىق ونىمدەرىنىڭ سىرتقا شىعۋىن ماركا ارقىلى ۇگىتتەپ، كۇش ۇستەيمىز“. شينجياڭ كوشە مادەنيەت عىلىم - تەحنيكا شەكتى سەرىكتەستىگىنىڭ باس ديرەكتورى حۋ ليڭ بىلاي دەدى: ماركانى ۇگىتتەۋ ارقىلى تۋتىنۋشىلاردىڭ شينجياڭ ونىمدەرىن ۇناتا تۋتىنۋىن جانە سۇيىسپەنشىلىك جاعىنان شىنايى مويىنداۋىن كۇشەيتىپ، قاتىستى كاسىپ سالالارىنىڭ دامۋىن جەبەۋدى ءۇمىت ەتەمىز.
جۇڭگو ماركا كورمەسىنىڭ ينتەرنەت جەلىسىندەگى كورمەسى ينتەرنەت جەلىسىنەن تىسقارى ناقتى كورمەنى نەگىز ەتتى، شينجياڭ 31 تاڭداۋلى ماركا كاسىپورنىن تاڭداپ كورمە وتكىزىپ، تۇتاس جىل بويى ينتەرنەت جەلسىندە اشىق ۇستايدى.
ەلىمىز 2017 - جىلدان باستاپ، ءار جىلدىڭ 5 - ايدىڭ 10 - كۇنىن ”جۇڭگو ماركا كۇنى“ ەتىپ بەلگىلەدى، مۇنداعى ماقسات − جۇڭگونىڭ تانىمال دەربەس ماركالارىن تۇلعالاپ، جۇڭگونىڭ ماركا حيكاياسىن ويداعىداي بايانداۋ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
