بەيجيڭنىڭ شينجياڭعا كومەكتەسۋى
ورەلى ولشەم ارقىلى جان سۇيىنتەر مول جەمىس بەردى
انار بۇلت \ شينجياڭ گازەتىنىڭ ءتىلشىسى ءپاريزات ابدۇل
2023.05.10 16:39 كەلۋ قاينارى : شينجياڭ گازەتى
كەلەلى نىسان قۇرىلىستارى جەر - جەردىڭ بارىندە دابىرالى ورىستەتىلدى، شىلان، جاڭعاق سىرت جەرلەرگە ساتىلدى، اۋىل - قىستاق بۇقاراسى ”بەيجيڭنەن كەلگەن مامانداردىڭ ءنومىرىن الا الاتىن“ بولدى، بالالاردىڭ ”بەيجيڭدىك اكە - شەشەسى“ بولدى... بۇگىنگى حوتاننىڭ بار الابى جالىندى لەپكە جانە ومىرشەڭدىك كۇشكە تولدى.
بۇل وزگەرىستەر بەيجيڭ قالاسىنىڭ تىنباي قامقورلىق جاساۋىمەن، قولداۋ كورسەتۋىمەن تىعىز بايلانىستى.
2020 - جىلدىڭ باسىندا بەيجيڭ قالاسىنان 10 - توپتا شينجياڭعا كومەككە كەلگەن كادرلار مەن دارىندىلار باعىتتامالى كومەكتەسەتىن جەرى حوتانعا باردى. 3 جىل ىشىندە ولار كومەك قابىلداعان جەردىڭ ءىس جۇزىندىگىن تياناق ەتىپ، ەڭ تاڭداۋلى ولشەمگە تاباندى بولىپ، ”ساياسي جاۋاپكەرشىلىكتى كۇشەيتۋ، دالمە - ءدال، تىڭعىلىقتى ىستەۋگە تاباندى بولۋ، ۇلتتار ىنتىماعىن جەبەۋ، شينجياڭعا كومەكتەسۋ قۇرىش قوسىنىن سومداۋ“ قىزمەت تالابى بويىنشا كاسىپ سالاسى، اقىل - پاراسات، مادەنيەت، ەمدەۋ، وقۋ - اعارتۋ سياقتى شينجياڭعا كومەكتەسۋ نىساندارىن تىڭعىلىقتى ىلگەرىلەتىپ، حوتان ايماعىنىڭ ەكونوميكاسىنىڭ، قوعامىنىڭ جوعارى ساپالى دامۋىنا بەيجيڭ ۇلەسىن قوستى.
كاسىپ سالاسى ارقىلى شينجياڭعا كومەكتەسۋ ادامداردى ەكپىندەي ىلگەرىلەۋگە جىگەرلەندىردى
”بۇرىندارى ءوزىمىز ەككەن بۇلدىرگەندى جەي الامىز دەگەندى ويلاپ تا كورمەگەن بولاتىنبىز“، - دەدى تاياۋدا حوتان قالاسى ءىلچى اۋىلى اراكەنت قىستاعى سەيىل - سەرۋەن قورجالىعىنداعى بۇلدىرگەن ەگەتىن ديقان ابدۇقاھار احمەت قۋانىشتى تۇردە.
2020 - جىلى ابدۇقاھار بەيجيڭنىڭ شينجياڭعا كومەككە بەرگەن قارجىسىنان پايدالانىپ، جاڭادان سالعان قىستاقتىڭ 12 جىلىجايىن كوتەرمەگە الىپ، ونداعى 6 جىلىجايعا بۇلدىرگەن ەگەدى. الايدا تەحنيكا، تاجىريبە كەمشىل بولعاندىقتان، بۇلدىرگەن ءتۇسىمى ويلاعانىنداي بولمايدى. بىلتىر اراكەنت قىستاعى بەيجيڭ شينچىڭيۋان بۇلدىرگەن كاسىپتىك سەلبەستىك كووپەراتيۆىن ەنگىزدى. مامانداردىڭ قولما - قول ۇيرەتۋىندە ابدۇقاھار سۋ مەن تىڭايتقىشتى قالاي مەڭگەرۋدى، دەرت - دەربەزدەن جانە زياندى جاندىكتەن قالاي ساقتانۋدى جانە ونى جويۋدى ۇيرەنىپ الدى، ونىڭ بۇلدىرگەندەرى كوكتەم مەرەكەسىنىڭ الدىندا بازارعا سالىنىپ قانا قويماي، تاعى جاقسى باعامەن ساتىلدى.
شينجياڭ ءوندىرىس - قۇرىلىس بيڭتۋانى 14 - شىسىنىڭ كۇنيۇي قالاسىنا بارعانىمىزدا، گۇما ەگىنشىلىك الاڭىنا ورنالاسقان كوكونىس كورمە باقشاسىنان تىرشىلىك تىنىسى ەسكەندىگىن كوردىك، پاميدور، قيار، قاۋىن سياقتى جەمىس - جيدەكتەر مەن كوكونىستەردىڭ ءوسۋ جاعدايى ادامدى قۋانتادى، بۇلار كوپ ۇزاماي ”جاس كۇيىندە“ بازارعا شىعارىلادى. كوكونىس كورمە باقشاسىن بەيجيڭنىڭ شينجياڭعا كومەككە بەرگەن 57 ميلليون يۋان قارجىسىمەن بازارلانعان كاسىپورىنداردى دەمەۋ ارقىلى بىرگە قۇرعان، كەزەكتە ءوندىرىس، ۇلگى كورسەتۋ، زەرتتەۋ - وقىتۋ، باۋلۋ، ساياحات سياقتىلاردى ءبىر تۇلعالاندىرعان وسى زامانعى اۋىل شارۋاشىلىعى كاسىپ سالاسى باقشا رايونىن قالىپتاستىرىپ وتىر.
اۋىل - قىستاقتى گۇلدەندىرۋدە كاسىپ سالاسىن الدىمەن اتقاردى. 3 جىل ىشىندە بەيجيڭ شينجياڭعا كومەكتەسۋدە جەرگىلىكتى جاعدايعا قاراي كاسىپ سالاسى ارقىلى شينجياڭعا كومەكتەسۋ ۇلگىسىندە جاڭالىق اشىپ، تۇعىر ورناتىپ، تەحنيكا جەتكىزىپ، دارىندىلاردى ۇسىنىس ەتىپ، بايلىقتى اشىپ، ”نەگىزدىك قۇرىلعى قۇرىلىسىن كەمەلدەندىرىپ، جاپپاي ساۋداگەر شاقىرۋ قىزمەت ارناسىن قالىپتاستىرىپ، كاسىپورىنداردىڭ ىرگە تەۋىپ قىزمەت وتەۋىن ىشكەرىلەتىپ، كاسىپورىنداردىڭ قارجى قوسىپ، شارۋاشىلىعىن گۇلدەندىرۋ ساياساتىن ەگجەي - تەگجەيلىلەندىرىپ، كاسىپ سالاسى تۇتىنۋ بازارىن كەڭەيتۋ“ سىندى ”ۇيىرمە قۇراۋ فورماسىنداعى“ كاسىپ سالاسى ارقىلى شينجياڭعا كومەكتەسۋ ۇلگىسىن بىرتىندەپ قالىپتاستىردى. 3 جىلدا 77 نىسان اتقاردى، بۇعان ساياتىن قارجى ءبىر ميلليارد 245 ميلليون يۋان بولدى.
حوتان قالاسىنىڭ وسى زامانعى اۋىل شارۋاشىلىعى كاسىپ سالاسى باقشاسىنىڭ سايكەستى قۇرىلعىلارىن كەمەلدەندىرىپ، ەگىمشىلىك، باعىمشىلىق كاسىپ سالاسى تىزبەگىن ۇزارتىپ، ىقپال كورسەتۋ، جەتەكتەۋ رولىن ساۋلەلەندىردى؛ قاراقاش وسى زامانعى اۋىل شارۋاشىلىعى كاسىپ سالاسى باقشاسى سويىس قويدى بورداقىلاۋ الاڭى جانە 50 مىڭ سويىس سيىر ولشەمدەنگەن باعىمشىلىق شاعىن رايونى قۇرىلىسىن اتقارىپ، تازا ءناسىلدى 1400 تۇياق اۆستراليا اق قويىن ەنگىزۋگە قولداۋ كورسەتتى، ”باستاماشى كاسىپورىن + ەگىنشى وتباسى“ ۇلگىسى ارقىلى ەگىنشى - مالشىلاردىڭ كىرىسىن ارتتىرۋىنا دەم بەردى؛ توقىماشىلىق، كيىم - كەشەك، اۋىل شارۋاشىلىعى ونىمدەرىن جىنتىكتەي مانەرلەۋ سياقتى ساۋداگەر شاقىرۋ ارناۋلى ءبانىن قۇرىپ، شينجياڭ سىرتىندا 10 رەتكە تاياۋ ”كورىكتى وڭتۇستىك شينجياڭ، بايتاق، كوركەم حوتان“ اتىنداعى ساۋداگەر شاقىرىپ، قارجى ەنگىزۋ تانىستىرۋ ءماجىلىسىن ۇيىمداستىرىپ ورىستەتىپ، بەيجيڭ شوۋچي توبى، بەيجيڭ تۇڭنيۋ توبى سياقتى كاسىپورىنداردىڭ حوتانعا ىرگە تەبۋىن ىلگەرىلەتتى؛ توقىماشىلىق، كيىم - كەشەك كاسىپ سالاسىنىڭ دامۋىن ارقاۋ ەتىپ، بەيجيڭدەگى مەملەكەت مەنشىگىندەگى كاسىپورىنداردىڭ ”قىزمەت كيىمىن شينجياڭدا تىكتىرۋ، كومەكتەسۋ ارەكەتىن“ جاڭالىق اشا ورىستەتىپ، بەيجيڭ قالاسىنا قاراستى مەملەكەت مەنشىگىندەگى 24 كاسىپورىننىڭ 51 بولىمشە سەرىكتەستىگىن ۇيىمداستىرىپ، 1 - توپتا قۇنى 35 ميلليون يۋانعا تايايتىن 140 مىڭ قىزمەت كيىمىن شينجياڭدا تىكتىرۋگە تاپسىرىس بەردى...
بەيجيڭنىڭ شينجياڭعا كومەگىنىڭ كۇش ۇستەۋىندە حوتان ايماعىنداعى ءتۇرلى كاسىپ سالالارى جاڭا ومىرشەڭدىك كۇشىن قاۋلاتتى.
حالىق تۇرمىسى قىزمەتى جۇرت جۇرەگىن جىلىتتى
شينجياڭ حوتان قالاسى حۋامەي كيىم - كەشەك شەكتى سەرىكتەستىگىنىڭ ءوندىرىس سەحىندا ايتىللا راشيت كيىم - كەشەكتەردىڭ ولشەمگە جەتكەن - جەتپەگەندىگىن ۇقىپتىلىقپەن تەكسەرىپ جاتتى.
”بۇرىن مەن وتباسى ايەلى بولاتىنمىن، قازىر جاعدايىم باسقاشا بولدى“. ايتىللا بىلاي دەدى: ”مەن قازىر كيىم - كەشەك ساپاسىن تەكسەرۋ قىزمەتىنە جاۋاپتىمىن، ايلىق ەڭبەكاقىم 6000 يۋاننان اسادى، وتباسىمىزدىڭ تۇرمىس جاعدايى بارعان سايىن جاقسارىپ كەلەدى“.
بەيجيڭنىڭ شينجياڭعا كومەكتەسۋ تەبىنىنىڭ ۇزدىكسىز كۇشەيۋىندە ايتىللا سياقتى ورنىقتى كىرىسكە قولى جەتكەن بۇقارا بارعان سايىن كوبەيدى. 3 جىل ىشىندە بەيجيڭ شينجياڭعا كومەكتەسۋدە حالىق تۇرمىسىن جاقسارتۋدى ءۇرتىس ماڭداي الدى ءىرى ءىس رەتىندە قاراپ، جالپى 115 نىسان اتقاردى، وعان سايعان قارجى ءبىر ميلليارد 434 ميلليون يۋان بولدى.
قارجى قوسىپ، 5000نان ارتىق بەيقۇت ءۇي سالۋعا قولداۋ كورسەتىپ، 20 مىڭعا جۋىق بۇقاراعا تيىمدىلىك جەتكىزدى؛ كۇنيۇي قالاسى 47 - تۋانىندا اۋىز سۋدى تازارتۋ ينجەنەرياسىن اتقارىپ، تۋانبۋداعى 4500 ادامنىڭ اۋىز سۋ حاۋىپسىزدىگى ماسەلەسىن شەشتى؛ 100 ميلليون يۋان قارجى قوسىپ، حوتان، قاراقاش، لوپ اۋىل - قىستاق الەۋمەتتىك قاتىناس لەنياسى نەگىزدىك قۇرىلعىلار قۇرىلىسىنا قولداۋ كورسەتتى، بۇقارادان 300 مىڭ ادام يگىلىكتەندى؛ سۋمەن قامداۋ، سۋ ىعىستىرۋ جانە وتىندىق گازدى وتباسىلارىنا جەتكىزۋ سياقتى 17 نەگىزدىك قۇرىلعى نىسانى قۇرىلىسىن ىلگەرىلەتىپ، بۇقارانىڭ تۇرمىس شارت - جاعدايىن جاقسارتتى...
وقۋ - اعارتۋ ارقىلى شينجياڭعا كومەكتەسۋ − نەگىز قالاۋ ينجەنەرياسى، ونان دا ماڭىزدىسى، حالىق تۇرمىسى ينجەنەرياسى. 3 جىلدان بەرى بەيجيڭنىڭ ”ۇيىرمە قۇراۋ فورماسىنداعى“ وقۋ - اعارتۋ ارقىلى شينجياڭعا كومەكتەسۋى سۇبەلى تابىستارعا قول جەتكىزدى: شينجياڭعا كومەككە كەلگەن 500 وقىتۋشى كومەككە يە بولعان جەردەگى 10 نەشە مەكتەپتەگى وقىتۋشىلارمەن ۇستاز - شاكىرت جۇبىن قۇراپ، كومەككە يە بولعان جەردەگى 160 نەشە ورتا، باستاۋىش مەكتەپ، سونداي - اق بالاباقشا، ورتا دارەجەلى كاسىپتىك مەكتەپ، ەرەكشە تاربيە مەكتەپتەرى سياقتىلاردىڭ بەيجيڭدەگى باعىتتامالى رايونداعى مەكتەپتەرمەن ”قول ۇستاسىپ“ كومەكتەسىپ - سۇيەمەلدەۋىن ىلگەرىلەتتى؛ حوتان قالاسىنا، قاراقاش اۋدانىنا كاسىپتىك دارىندىلاردى ەنگىزۋ نىسانىن اتقارىپ، 46 ميلليون يۋان قارجى جۇمساپ، ءتۇرلى كاسىپتىك دارىندىلاردان 500گە تارتا ادام ەنگىزۋگە كومەكتەستى...
وقۋ - اعارتۋ ارقىلى شينجياڭعا كومەكتەسۋدىڭ ونىمدىلىگى كورنەكتى بولدى، ەمدەۋ ارقىلى شينجياڭعا كومەكتەسۋ دە قوماقتى ناتيجەگە قول جەتكىزدى.
شينجياڭعا كومەككە كەلگەن 168 شيپاگەر جەرگىلىكتى ورىنداعى 358 شيپاگەرمەن ”ۇستازدىڭ شاكىرت باۋلۋىن“ ورىستەتىپ، جەرگىلىكتى ورىنداعى ەمدەۋ، دەنساۋلىق ساقتاۋ دارىندىلارىنان جيىنى 58 مىڭنان استام ادام (رەت) تاربيەلەدى، ەمدەلۋ بۇيىمدارىن اۋىل - قىستاققا جەتكىزۋ، تەگىن ەمدەۋ سياقتىلاردان 29 مىڭ 200 ادام (رەت) يگىلىكتەندى؛ ”ۇستازدىڭ شاكىرت باۋلۋى“ ۇلگىسى ارقىلى 104 مىڭ ادامعا (رەت) كلينيكالىق ەمدەۋ جۇرگىزىپ، 378 رەت تەحنيكادا جاڭالىق اشۋدى ورىستەتىپ، بەيجيڭدەگى كوپتەگەن شيپاحانامەن بىرلەسىپ، 480 نەشە ادامدى (رەت) الىس ارالىقتان ەمدەپ، دياگنوز قويدى؛ بالالار ءبولىمى بىرلەستىگى، شۇعىل ەمدەۋ بىرلەستىگى، جۇقپالى اۋرۋلار ارناۋلى ءبولىمى بىرلەستىگى سياقتى ارناۋلى ماماندىق بىرلەستىكتەرىن جاڭادان قۇرىپ،”بەيجيڭ − حوتان“ەكى جەردىڭ بايلىقتان تەڭ يگىلىكتەنۋىن، سايكەستى دامۋىن جۇزەگە اسىردى.
كوپتەگەن حالىق تىلەگى ينجەنەريالارى تياناقتانىپ، سانداعان حالىققا تيىمدىلىك جەتكىزەتىن ناقتى ىستەر ورىندالىپ، بۇقارا كوزىمەن كورىپ، قولىمەن ۇستاي الاتىن باقىتتى تۇرمىسقا كەنەلدى، سونىمەن بىرگە بەيجيڭ مەن حوتانداعى كادرلار مەن بۇقارانىڭ جۇرەگىن اناعۇرلىم توعىستىردى.
”بەيجيڭدىك شەشەممەن بىرگە بەت الەمىش جاسادىم، مەن ەرەكشە قۋاندىم، ول ماعان ساباقتان تىس كىتاپ تا ۇسىندى، كيىم - كەشەك الىپ بەردى، بەيجيڭدىك شەشەمدى سۇيەمىن“. 2022 - جىلعى ”1 - ماۋسىم“ حالىقارالىق بالالار مەرەكەسى حوتان قالاسىنداعى بەيجيڭ حايديان باستاۋىش مەكتەبىنىڭ وقۋشىسى زايدا ابليميتتىڭ ەستەن كەتپەستەي كەشىرمەسى بولدى.
2018 - جىلى بەيجيڭ شينجياڭعا كومەكتەسۋ بويىنشا ”بەيجيڭدىك اكە - شەشەممەن بىرگەمىن“ اتىنداعى جاستار مەن ورەندەردىڭ وقۋىنا كومەكتەسۋ - سۇيەمەلدەۋ نىسانىن اتقاردى، قازىر 1200گە تاياۋ حوتاندىق بالا بەيجيڭدەگى مەيىربان قايراتكەرلەرمەن جانە شينجياڭعا كومەككە كەلگەن كادرلارمەن، دارىندىلارمەن جۇپ قۇراپ تۋىستاسىپ، ”ماتەريالدىق كومەكتەسۋ - سۇيەمەلدەۋ + رۋحاني قامقورلىق جاساۋ“ ءتاسىلى ارقىلى از ۇلت بالالارىنىڭ اقاۋسىز ەرجەتۋىنە سۇيەنىش بولدى. سونىمەن قاتار ”بەيجيڭ − حوتان عىلىم - تەحنيكا ايى“، ”بەيجيڭ − حوتان سۇيىسپەنشىلىكتى توعىستىرىپ اۋىس - كۇيىس جاساۋ لاگەرى“، ەكى جەردەگى جاستار مەن ورەندەردىڭ ”حات الىسىپ قول ۇستاسۋى“ سياقتى قيمىلدار دا شينجياڭعا كومەكتەسۋ ايگىلى ماركاسىنا اينالىپ، بەيجيڭ مەن حوتان ەكى جەر حالقىنىڭ جۇرەگىن اناردىڭ دانىندەي تىعىز ۇيىستىردى.
شينجياڭدى مادەنيەتپەن نارلەندىرۋدە بارلىق گۇل شەشەك اتتى
”وتە كەرەمەت! بۇل اڭگىمە مەنى وزىنە ەرەكشە باۋرادى“. 3 - ايدىڭ 12 - كۇنى «بەس جۇلدىز شىعىستان كوتەرىلدى» اتتى ءبي تەاترى مەملەكەتتىك 1 - دارەجەلى مادەني مۇرا ”بەس جۇلدىز شىعىستان كوتەرىلسە، جۇڭگوعا قۇت“ قامقا بىلەكقابى قازىپ الىنعان جەر − حوتاندا تۇڭعىش قويىلعاندا، كورەرمەندەر مىنبەرىندەگى ءاديلا ءيۇسۇپ تەبىرەنگەن كوڭىل كۇيىن كوپكە دەيىن باسا المادى.
«بەس جۇلدىز شىعىستان كوتەرىلدى» اتتى ءبي تەاترى بەيجيڭنىڭ شينجياڭعا كومەكتەسۋدە شينجياڭدى مادەنيەتپەن نارلەندىرۋدى ىلگەرىلەتۋدەگى ءتۇيىندى نىسانى. جۇڭحۋا ۇلتى ورتاق تۇلعا تانىمىن بەرىك ورناتۋدى اڭىس ەتەتىن، جۇڭحۋا ۇلتىنىڭ مادەنيەت سەنىمى نەگىزگى تاقىرىبىن ايگىلەيتىن بۇل سارا تۋىندى تۇڭعىش قويىلعاننان كەيىنگى 2 جىلعا تاياۋ ۋاقىتتا، بۇكىل ەلدىڭ كوپتەگەن جەرىندە ارالاپ ويىن قويىپ، ايرىقشا القاۋعا يە بولدى جانە قىزۋ اڭىس قوزعادى، پارتيا قۇرىلعاندىعىنىڭ 100 جىلدىعىن قۇتتىقتاۋ تاڭداۋلى ساحنالىق كوركەمونەر تۋىندىلارى كورسەتىلىم تىزىمىنە جانە 2022 - جىلعى مەملەكەتتىك كوركەمونەر قورى قارجىلاي كومەكتەسەتىن نىسانعا تاڭدالىپ، ىلگەرىندى - كەيىندى ورتالىق كوميتەت ۇگىت ءبولىمىنىڭ 16 - كەزەكتى رۋحاني وركەنيەت قۇرىلىسى ”بەس ءبىر ينجەنەرياسى“ بويىنشا تاڭداۋلى تۋىندى سيلىعىن جانە 17 - كەزەكتى جۇڭگو مادەنيەت - كوركەمونەر ۇكىمەتتىك سيلىعىنىڭ ”ۋىنحۋا ۇلكەن سيلىعىن“ الدى.
تەلە فيلم «ءشول ءجازيرا رۋحى»، بالالار راديو تەاترى «جىڭعىل گۇل اشقاندا»، «قۇم تەڭىزىندەگى فۋتبولشى بالا»، جەرگىلىكتى پيەسا «قۇم تەڭىزىندەگى ساقا جاۋىنگەر» سياقتى تاڭداۋلى تەاترلار كومەككە يە بولعان جەردى جوعارى ساپالى مادەنيەتپەن قامداۋدى بايىتتى؛ ”بەيجيڭ − حوتان مەكتەپتەرى قول ۇستاسۋ“، ”بەيجيڭ مەن حوتانداعى اپەكە - سىڭلىلەر ءبىر ءۇيلى جانداي بەرەكەلى“ سياقتى تاڭداۋلى جەلىلەس قيمىلدارى ىركەس - تىركەس ورىستەتىلىپ، شينجياڭدى مادەنيەتپەن نارلەندىرۋدىڭ مازمۇنىن تولىقتادى. 3 جىلدا بەيجيڭ شينجياڭعا كومەكتەسۋدە استانانىڭ شينجياڭدى مادەنيەتپەن نارلەندىرۋىنىڭ ايگىلى ماركاسىن تۇلعالاپ، جيىنى 158 نىسان اتقاردى، بۇعان ءبىر ميلليارد 670 ميلليون يۋان قوسىلدى.
سونىمەن بىرگە بەيجيڭ شينجياڭعا كومەكتەسۋدە جۇڭحۋانىڭ تاڭداۋلى ءداستۇرلى مادەنيەتىن ورگاندارعا جەتكىزۋدى، مەكتەپتەرگە جەتكىزۋدى، كاسىپورىندارعا جەتكىزۋدى، اۋىل - قىستاقتارعا (ليان - دۇيلەرگە) جەتكىزۋدى ۇزدىكسىز ىلگەرىلەتىپ، ”جۇڭحۋا مادەنيەتى حوتاندى نۇرلاندىردى“ استانا مادەنيەت ايى، ”حوتان ءان ساۋىعى“ سياقتى بۇقارالىق سيپاتتى مادەنيەت ارقىلى حالىققا تيىمدىلىك جەتكىزۋ قيمىلدارىن ءۇرتىس ورىستەتىپ، ”تۇت قاعازى بەتىندەگى اسەم حوتان − جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ بەيجيڭ − شينجياڭ كوركەم جازۋ جانە سۋرەت تۋىندىلار كورمەسى“، ”56 ۇلت جۇرەكتەس“ اتتى فوتۋ سۋرەت كورمەسى سياقتى قيمىلداردى وتكىزىپ، شينجياڭدى مادەنيەتپەن نارلەندىرۋدىڭ تۇقىمىن سەپتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
