جانتايىپ جاتىپ قولفون كورۋدىڭ زيانى زور
2023.05.09 16:02 كەلۋ قاينارى : حالىق تورابى
قولفون قازىرگى ادامداردىڭ تۇرمىسىنىڭ ايرىلماس ءبىر بولىگى دەۋگە بولادى، كوپتەگەن ادامدار ۇيىقتار الدىندا توسەكتە جانتايىپ قولفونعا قاراپ جاتىپ ۇيقىعا كەتەدى. الايدا، شامنىڭ كۇڭگىرت نۇرى، جاتقاندا دۇرىس جاتپاۋ قاتارلىلار كوزىمىزگە جانە ومىرتقامىزعا اۋىر زيان جەتكىزەدى.
جانتايىپ جاتىپ قولفونعا قاراۋ كوز بەن ومىرتقانى وڭاي زاقىمدايدى
جۋىردا، شاندۇڭ ولكەسى زىبو قالاسىنداعى يۇي حانىم كوزى جايسىزدانعاندىقتان ەمحاناعا بارىپ تەكسەرىلەدى. تەكسەرۋ ناتيجەسىنە قاراعاندا، يۇي حانىمنىڭ كورۋ قۋاتى السىرەگەن ءارى كوز قۇرعاۋ اۋرۋى قاتارلى بەلگىلەر بايقالعان، بۇل اۋرۋ بەلگىلەرىنىڭ بايقالۋى ونىڭ كۇندەلىكتى تۇرمىس ادەتىمەن تىعىز قاتىستى بولىپ شىققان.
بۇل اۋرۋعا تاپ بولعان يۇي حانىم: ادەتتە جانتايىپ جاتىپ قولفونعا قارايمىن، وتە كەش بولىپ كەتسە دە، شىراقتى ءسوندىرىپ قويىپ تەلەفونعا تەلمىرەمىن، — دەيدى.
گۋاڭدۇڭ ولكەسىنىڭ شىنجىن قالاسىنداعى شياۋتاۋدا دا وسىنداي جاعداي بار. ول 20 نەشە جاستا، ءار كۇنى قولفونعا قارايتىن ۋاقىتى 5 ساعاتتان اسادى.
شياۋتاۋ: قولفونعا قاراعاندا جانتايىپ جاتۋعا مۇمكىندىك بولسا، وتىرۋدى قالامايمىن، قىرىمنان جانتايۋعا مۇمكىندىك بولسا، استە شالقالاپ جاتىپ قارامايمىن، — دەيدى.
ۋاقىت ۇزارا كەلە، قىرىنان جانتايىپ جاتىپ قولفونعا قارايتىن شياۋتاۋدىڭ كوزىندە بۇلدىراۋ، كورىنىس قوس قابات بولىپ كورىنۋ قاتارلى جاعدايلار بايقالعان، وسىنىڭ سوڭىنان باسى اينالعانداي سەزىنەتىن بولعان. تەكسەرۋ ارقىلى شياۋتاۋعا جالپىلىق سيپاتتاعى شۇعىل حارەكتىرلى قىلي بولعان دەگەن دياگنوز قويىلعان. بۇل كوزدىڭ ۇزاق ۋاقىت بويى تۇراقتى ورىندا قوزعالۋىنان تۋىندايتىن اۋرۋ بەلگىسى.
شيپاگەر مىنانى ءبىلدىردى: ۇزاق ۋاقىت بويى كۇڭگىرت شام جارىعىندا قىرىنان جانتايىپ جاتىپ قولفونعا قاراسا، جاستىققا جاقىن كوزگە اۋىر سالماق ءتۇسىپ، كوز قۇرعاۋ، كورۋ قۋاتى السىرەۋ قاتارلى اۋرۋ بەلگىلەرى وڭاي تۋىلادى.
زىبو قالالىق ورتالىق ەمحانانىڭ كوز اۋرۋلارى ءبولىمىنىڭ مەڭگەرۋشىسى ۋاڭ شاۋپىڭ: قىرىنان جانتايىپ جاتىپ قولفونعا قاراۋدىڭ تاعى ءبىر جاسىرىن حاۋپى بار، اتاپ ايتقاندا، ەكى كوزدىڭ ەكرانمەن بولعان ارالىعى ۇقسامايتىندىقتان، ەكى كوزدىڭ ساۋلە سىندىرۋ كۇيىندە پارىق تۋىلادى، مىسالى، ءبىر كوزىنىڭ جاقىندى كورە الماۋ جاعدايى اۋىر بولسا، ەندى ءبىر كوزىندە مۇنداي جاعداي جەڭىل بولۋى مۇمكىن.
مۇنان سىرت، شيپاگەردىڭ تانىستىرۋىنشا، جانتايىپ جاتىپ قولفونعا قاراۋ كوزگە ىقپال جاساپ قالماستان، ومىرتقانى دا زاقىمدايدى.
استانا مەديتسينا داشۋەسى شۋان – ۋ ەمحاناسى نەرۆ سىرتقى اۋرۋلار ءبولىمىنىڭ مەڭگەرۋشى شيپاگەرى ۋ حاۋ: مەيلى ءتۇزۋ جانتايىڭىز، الدە، قىرىڭىزدان جانتايىڭىز، مويىنىڭىز بەن ارقاڭىزداعى بۇلشىق ەتتەر بوساڭسىماستان، سىرەسكەن كۇيدە بولادى، سوندىقتان، مويىن ومىرتقا اۋرۋىنىڭ تۋىلۋىن جانە ارقاداعى بۇلشىق ەتتىڭ تەڭگەرىمسىزدىگىن تۋىنداتادى. جانتايىپ جاتىپ قولفونعا قاراعان كەزدە، قولدىڭ بىلەزىك بولىمىنە نەمەسە بىلەككە سۇيەنۋگە تۋرا كەلەتىندىكتەن، يىق بۋىنىنا جانە قولدىڭ بىلەزىك بولىمىنە ءتيىمسىز ىقپال جاسايدى، سوندىقتان، مەيلى، مويىن ومىرتقا جانە بەل ومىرتقا جونىنەن ايتقاندا، ياكي، ءوزىڭىزدىڭ فيزيكالىق – پسيحولوگيالىق دەنساۋلىعىڭىز جونىنەن ايتقاندا بولسىن، جانتايىپ جاتىپ قولفون كورۋ توتەنشە ناشار ادەت سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
