شينجياڭ ۇيعۇر اۆتونوميالى رايوندىق فينانس حاۋىپ - قاتەرلەرىن ارىلتۋ كوميتەتىنىڭ 2023 - جىلعى 1 - رەتكى ءماجىلىسى اشىلدى
جوعارى ساپالى دامۋعا اناعۇرلىم پارمەندى فينانستىق تىرەك ازىرلەۋ كەرەك
2023.05.08 17:29 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 5 - ايدىڭ 6 - كۇنى ۇرىمجىدەن حابارلايدى. 5 - ايدىڭ 6 - كۇنى تۇستەن بۇرىن اۆتونوميالى رايوندىق فينانس حاۋىپ - قاتەرلەرىن ارىلتۋ كوميتەتىنىڭ 2023 - جىلعى 1 - رەتكى ءماجىلىسى اشىلدى، ءماجىلىس پارتيا ورتالىق كوميتەتىنىڭ، مەملەكەتتىك كەڭەستىڭ ەلەۋلى فينانس حاۋىپ - قاتەرلەرىنەن ساقتانۋ جانە ونى ارىلتۋ جونىندەگى شەشىمدەرى مەن ورنالاستىرۋلارىن دايەكتىلەندىردى، تياناقتاندىردى، اۆتونوميالى رايوندىق پارتكومنىڭ قىزمەت تالابىنا ساي، رايونىمىزدىڭ كەزەكتەگى فينانس حاۋىپ - قاتەرى جاعدايىنا تالداۋ جاساپ جانە ونى تۇجىرىمداپ، كەلەسى ساتىداعى ءتۇيىندى قىزمەتتەردى ورنالاستىردى، فينانس سالاسىنداعى ءتۇيىندى حاۋىپ - قاتەرلەردى ورنىقتى، ءتارتىپتى تۇردە ارىلتىپ، ءبىر جاقتى ەتىپ، وڭىرلىك، جۇيەلىك فينانستىق حاۋىپ - قاتەردىڭ تۋىلماۋىنىڭ تومەنگى شەگىن مىقتاپ ساقتاپ، جوعارى ساپالى دامۋدى جۇزەگە اسىرۋعا اناعۇرلىم پارمەندى فينانستىق تىرەك ازىرلەۋدى العا قويدى.
اۆتونوميالى رايوننىڭ ءتوراعاسى، اۆتونوميالى رايوندىق فينانس حاۋىپ - قاتەرلەرىن ارىلتۋ كوميتەتىنىڭ مەڭگەرۋشىسى ەركىن تۇنياز ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: بيىل جىل باسىنان بەرى اۆتونوميالى رايوندىق فينانس حاۋىپ - قاتەرلەرىن ارىلتۋ كوميتەتىنە مۇشە ورىندار، جەر - جەر، تاراۋلار ”كەلەلى جاعدايدى ورنىقتىرۋ، ءبىر تۇتاس جوسپارلاپ سايكەستىرۋ، تۇرگە ءبولىپ شارا قولدانۋ، دالمە - ءدال الاستاۋ“ نەگىزگى باعىتىنا تاباندى بولىپ، فينانستىڭ ورنىقتىلىعى مەن حاۋىپسىزدىگىنىڭ تومەنگى شەگىن باتىل ساقتادى. فينانس حاۋىپ - قاتەرى تانىمى مەن تومەنگى شەك وي جەلىسىن شىنايى كۇشەيتىپ، ماڭىزدى حاۋىپ - قاتەردى يگەرۋگە شەبەر بولىپ، قاتىستى حاۋىپ - قاتەرلەرگە تەڭ ءمان بەرىپ، كومەسكى حاۋىپ - قاتەرلەرگە عىلمي تۇجىرىم جاساپ، ساياساتتىق قۇرالداردى تولىق دايىنداپ، ءتۇرلى قىزمەتتەردى ناقتى، ەگجەي - تەگجەيلى يگەرىپ، حاۋىپ - قاتەردى پارىقتاۋ قابىلەتىن، جىلدام جاۋاپ قايتارۋ قابىلەتىن جانە زاڭ بويىنشا ءبىر جاقتى ەتۋ قابىلەتىن ۇزدىكسىز جوعارىلاتىپ، فينانس سالاسىنداعى ءتۇرلى نىشاندىق حاۋىپ - قاتەرلەردەن ساقتانىپ جانە ونى جويىپ، رايونىمىزدىڭ فينانس قىزمەتىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، ماسەلەنى باعدار ەتۋگە تاباندى بولىپ، جاڭا كەزەكتى اۋىل - قىستاق امانات - قارىز كووپەراتيۆى رەفورماسىن جەدەل ىلگەرىلەتىپ، قالا ساۋدا بانكەلەرىنىڭ ناقتى قۋاتىن قۇلشىنا جوعارىلاتىپ، ءتۇرلى فينانس قۇرىلىمدارىنىڭ حاۋىپ - قاتەرگە توتەپ بەرۋ قابىلەتىن ۇزدىكسىز كۇشەيتۋ كەرەك. ءۇي ساۋدالاۋعا ەمەس، تۇرۋعا ارنالعان دەگەن ورىن تۇراقتاندىرۋعا تاباندى بولىپ، ۋاعىندا ءبىتىرىپ تاپسىرۋعا كەپىلدىك ەتۋ، حالىق تۇرمىسىنا كەپىلدىك ەتۋ، ورنىقتىلىققا كەپىلدىك ەتۋ قىزمەتىن ويداعىداي يگەرىپ، قالانىڭ جاعدايىنا قاراي شارا قولدانىپ، ءبىر تۇتاس جوسپارلاپ ىلگەرىلەتىپ، قاجەتتى جانە تۇرمىستى جاقسارتۋ سيپاتتى تۇرعىن ءۇي سۇرانىسىن قولداپ، رايونىمىزدىڭ قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. ءىرى كاسىپورىندار، كاپيتال بازارى سياقتى سالالارداعى حاۋىپ - قاتەردى جويۋ قىزمەتىن ويداعىداي ىستەپ، ءتۇرلى شارۋاشىلىق تۇلعالارىنىڭ ارەكەتىن ۇزدىكسىز ارناعا ءتۇسىرىپ، رايونىمىز فينانس بازارىنىڭ زاڭ بويىنشا ءتارتىپتى دامۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: باسقارۋ قۇرىلىمىن ۇزدىكسىز ساپالىلاندىرىپ، فينانس حاۋىپ - قاتەرىنەن ساقتانۋدىڭ جانە ونى جويۋدىڭ باياندى مەحانيزمىن اقاۋسىزداندىرىپ، كەمەلدەندىرىپ، وسى زامانعى فينانستى باقىلاۋ - باسقارۋ جۇيەسىن ورناتىپ، حاۋىپ - قاتەردى تۋ باستان باسقارۋ - مەڭگەرۋدى كۇشەيتىپ، ءتۇرلى فينانس قيمىلدارىن تۇگەلدەي باقىلاۋ - باسقارۋ كولەمىنە ەنگىزىپ، زاڭمەن باسقارۋ ارناسىندا فينانستىق باقىلاۋ - باسقارۋ قابىلەتى مەن باسقارۋ دەڭگەيىن وسىزامانداندىرۋدى ۇزدىكسىز ىلگەرىلەتۋ كەرەك. تالداۋ جاساۋ، تۇجىرىمداۋ، ساياساتتى سايكەستىرۋ سەرپىنىن شىن مانىندە كۇشەيتىپ، فينانس سالاسىنا ساياتىن حاۋىپ - قاتەر ينفورماتسيالارىنان تەڭ يگىلىكتەنۋ مەحانيزمىن تياناقتاندىرىپ، حاۋىپ - قاتەردى باقىلاۋ - ولشەۋدى، ساقتاندىرۋدى كۇشەيتىپ، ءتۇيىندى قۇرىلىمدار مەن ءتۇيىندى سالالاردا ەلەۋلى حاۋىپ - قاتەرلەردىڭ تۋىلۋىنان شىنايى ساقتانۋ كەرەك. فينانس سالاسىنداعى ءتۇرلى باقىلاۋ - باسقارۋداعى تابانسىزدىق جانە زاڭعا قايشى قىلمىستىق ارەكەتتەردى قاتاڭ جازالاپ، ءتۇرلى زاڭسىز فينانس قيمىلدارىنا قاتاڭ سوققى بەرىپ، فينانس سالاسىنىڭ ستيلى پاك، سالتى دۇرىس تاماشا ساياسي ەكولوگياسىن قالىپتاستىرىپ، رايونىمىزدىڭ ناقتى ەكونوميكاسىنا فينانستىق قىزمەت وتەۋ قابىلەتى مەن دەڭگەيىن ۇزدىكسىز جوعارىلاتۋ كەرەك.
چىن ۋيجۇن، ۋاڭ گاڭ ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
