جاستار اقشاسىن قايدا جۇمساپ جاتىر؟ ”ەسەپ داپتەرى“ جاريالاندى
2023.05.05 16:40 كەلۋ قاينارى : حالىق تورابى
كوزدى اشىپ – جۇمعانشا 4 – مامىر جاستار مەرەكەسى دە كەلىپ جەتتى، جۇڭگو جاستارىنىڭ تۇرمىسقا دەگەن پوزيتسياسى مەن تالپىنۋى قالاي؟ «جۇڭگولىقتاردىڭ تاماشا تۇرمىسى جونىندە زور تەكسەرۋ جۇرگىزۋ (2022 — 2023)» اتتى ءىرى ساندى مالىمەتتەن وسىنىڭ جاۋابىن تابۋعا بولادى.
No.1
اقشانى قانداي ورىنعا جۇمسايدى؟ ەڭ جاڭا ساندى مالىمەت! جاستار اقشانى ەڭ كوپ جۇمسايتىن ءۇش نارسە: ساياحات، دەنساۋلىقتى كۇتىمدەۋ جانە كومپيۋتەر
«جۇڭگولىقتاردىڭ تاماشا تۇرمىسى جونىندە زور تەكسەرۋ جۇرگىزۋ» اتتى ەڭ جاڭا ساندى مالىمەتكە قاراعاندا، 2023 – جىلى 18 جاستان 35 جاسقا دەيىنگى جاستار اقشانى ەڭ كوپ جۇمسايتىن ءۇش نارسە ساياحات (%32.77)، كومپيۋتەر، قولفون قاتارلى ساندىق بۇيىمدار (%31.6) جانە دەنساۋلىقتى كۇتىمدەۋ (%31.04) بولعان.
جاستار قاي جەرگە بارىپ ساياحاتتاۋدى ارماندايدى؟ تەكسەرۋ ناتيجەسىنە قاراعاندا، ولكە ورتالىقتارى، توتە قاراستى قالالار مەن جوسپار بويىنشا ايىرىم تىزىمدەلگەن قالالار كولەمىندە چۇڭچيڭ، بەيجيڭ، شيامىن، شاڭحاي، چىڭدۋ قاتارلى بەس قالا جاستار ساياحاتتاپ بارۋدى ەڭ كوپ ارماندايتىن قالالار بولعان. ايماق دارەجەلى قالالار ىشىندە دالي، سانيا، جاڭجياجيە، بەيحاي، گۇيلين قالالارى جاستار ساياحاتتاپ بارۋدى ەڭ كوپ ارماندايتىن قالالاردىڭ الدىڭعى بەستىگىنە ەنگەن. ءىرى ساندى مالىمەتكە قاراعاندا، جاستاردىڭ ىشىندە تاعى %28.58 ادام بيىل ۇيرەنۋ، كۋرسقا قاتىناسۋ جاعىندا قاراجاتتى ارتتىرۋعا دايىندالعان، بۇل سالىستىرما سانى دا باسقا جاستارداعىلاردان جوعارى بولعان.
ۇقساماعان وڭىرلەردەن الىپ قاراعاندا، وڭتۇستىك جۇڭگو، ورتا جۇڭگو جانە باتىس وڭتۇستىك وڭىردەگى جاستاردىڭ %29 تەن استامى بيىل ۇيرەنۋ جانە كۋرس جاعىنداعى تۇتىنۋدى ارتتىرۋعا دايىندىق جاساعان.
No.2
جاستار ادەتتە نە ىستەيدى؟ ەڭ جاڭا ساندى مالىمەتكە قاراعاندا، ولار بارعان سايىن كىتاپ وقۋعا قۇمارتۋدا
«جۇڭگولىقتاردىڭ تاماشا تۇرمىسى جونىندە زور تەكسەرۋ جۇرگىزۋ» مالىمەتىنە قاراعاندا، جاستاردىڭ %38.68 ى ادەتتە كۇنىنە ءبىر دە ءۇش ساعات دەمالادى، بۇل باسقا جاستاعىلاردان جوعارى، جالپى تۇلعالىق بەتالىسىنان الىپ قاراعاندا، 18 جاستان 35 جاسقا دەيىنگى جاستار باسقا جاستاعىلارعا قاراعاندا قاربالاستاۋ بولادى.
دەمالىس ۋاقىتىندا ولار ءبىرشاما ۇناتاتىن ىستەردىڭ ىشىندەگى الدىڭعى ءۇش ءىس: قولفونمەن كوڭىل اشۋ (%54.12)، سپورتپەن دەنە شىنىقتىرۋ (%41.50) جانە ينتەرنەت ارقىلى زات ساتىپ الۋ (%39.56)، ونىڭ ۇستىنە، بۇل ءۇش ءتۇر دە ورتا ەسەپپەن ءۇش جىلدان بەرگى ەڭ جوعارى مانگە جەتكەن. قولفون جاستاردىڭ كوڭىل سەرگىتۋدەگى باستى تالعامىنا اينالعان. دەمالعان كەزدە كىتاپ كورەتىن جاستاردىڭ سالىستىرماسى دا بارعان سايىن ارتقان ءارى ءۇش جىلدان بەرگى ەڭ جوعارى مانگە جەتكەن.
«جۇڭگولىقتاردىڭ تاماشا تۇرمىسى جونىندە زور تەكسەرۋ جۇرگىزۋ» اتىنداعى ينتەرنەت ارقىلى جۇرگىزىلگەن تەكسەرۋ ساندى مالىمەتىنە قاراعاندا، جاستاردىڭ %38.57 ى ءبىر جىلدا شامامەن ءبىر دە بەس كىتاپ وقيدى، بۇل سالىستىرما بۇكىل ەلىمىزدەگى ورتاشا ماننەن جوعارى. ولار وتە ۇناتاتىن كىتاپتار: ادەبيەت، كوركەمونەر جانە وتان مادەنيەتناماسى، بايىرعى زامان كىتاپتارى.
No.3
ەڭ جاڭا ساندى مالىمەت! جاستاردى كاسىپتەنۋگە ەڭ باۋرايتىن سالالار مىناداي ءۇش سالا
«جۇڭگولىقتاردىڭ تاماشا تۇرمىسى جونىندە زور تەكسەرۋ جۇرگىزۋ» ەڭ جاڭا ساندى مالىمەتىنە قاراعاندا، 18 جاستان 35 جاسقا دەيىنگى جاستاردىڭ 60 پايىزدان استامى قىزمەت بارىسىندا ەڭبەكاقى مەن مامىلەگە اناعۇرلىم ءمان بەرەدى، بۇل سالىستىرما 36 جاستان 59 جاسقا دەيىنگى ارالىقتاعىلارمەن سالىستىرعاندا تومەن بولعان. ال، جۇمستانۋ ورايى، جۇمىستانۋ ارناسى جانە قىزمەتىن ءوسىرۋ ءورىسى قاتارلىلارعا بايلانىستى قىزمەت تاڭداۋ سالىستىرماسى 36 جاستان 59 جاستاعى ارالىقتاعىلارمەن سالىستىرعاندا الدە قايدا جوعارى بولعان. الداعى بەس جىل ىشىندە ولار قانداي سالالاردا قىزمەت ىستەۋدى اناعۇرلىم ۇناتادى؟ 18 جاستان 35 جاسقا دەيىنگى ارالىقتاعى جاستار دەنساۋلىق جانە مەديتسينا (%39.77)، فينانس (%34.57)، IT جانە حابارلاسۋ (%31.16) قاتارلى ءۇش سالادا قىزمەت ىستەۋدى قالايدى. مۇندا فينانس، IT جانە حابارلاسۋ سالالارىندا قىزمەت ىستەۋدى قالايتىندار باسقا جاستاعىلاردان كوپ بولعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
