بازاردى باقىلاۋ – باسقارۋ باس مەكەمەسى قاتارلى ون ءبىر تاراۋ «مەديتسينالىق اجارلاندىرۋ سالاسىن باقىلاۋ – باسقارۋ قىزمەتىن اناعۇرلىم كۇشەيتۋ جونىندەگى جەتەكشى پىكىردى» بىرگە جاريالادى
2023.05.05 16:41 كەلۋ قاينارى : حالىق تورابى
5 – ايدىڭ 4 – كۇنى، بازاردى باقىلاۋ – باسقارۋ باس مەكەمەسى قاتارلى ون ءبىر تاراۋ «مەديتسينالىق اجارلاندىرۋ سالاسىن باقىلاۋ – باسقارۋ قىزمەتىن اناعۇرلىم كۇشەيتۋ جونىندەگى جەتەكشى پىكىردى» بىرگە جاريالادى.
«جەتەكشى پىكىردە» مىنالار ايقىن بەلگىلەنگەن: ”مەديتسينالىق اجارلاندىرۋ قىزمەتى مەديتسينالىق ەمدەۋ ارەكەتىنە جاتپايدى، ءسوزسىز، دەنساۋلىق ساقتاۋ – سالاماتتىق سالاسىنداعى قاتىستى ولشەمدىك زاڭ – تۇزىمدەرگە بويسۇنۋى كەرەك“. «جەتەكشى پىكىردە» مىنالار تالاپ ەتىلگەن: مەديتسينالىق اجارلاندىرۋ سالاسىن باقىلاۋ – باسقارۋدى كۇشەيتۋ، كاسىپ سالاسىنداعى بىلىققان جاعدايعا قاتاڭ سوققى بەرۋ بەتالىسىن ساقتاۋ كەرەك. ”سۇرقيا قۇرىلىمداردى“، ”سۇرقيا شيپاگەرلەردى“، ”تولىمسىز ءدارى – دارمەكتەر مەن اسپاپتاردى“ اداقتاپ، باقىلاۋ – باسقارۋ ءتاسىلى ارقىلى مەديتسينالىق اجارلاندىرۋ سالاسىندا بايقالعان ”قۇنسىز اقشانىڭ قۇندى اقشانى تىقسىرۋى“ سىندى قۇبىلىستىڭ تۋىلۋىنان ساقتانۋ كەرەك.
ناقتى ساياساتتى جوبالاۋ جاعىندا، «جەتەكشى پىكىردە» مىنالار ايقىندالعان: بازاردى باقىلاۋ – باسقارۋ تاراۋلارى تيجارات نەگىزگى تۇلعالارىن تىزىمدەۋ – باسقارۋ قىزمەتىن ويداعىداي ىستەۋى، زاڭ بويىنشا ”ەكى جاققا دا قۇلاققاعىس ەتۋ“ قىزمەتتىك جاۋاپكەرشىلىگىن تياناقتاندىرۋى؛ دەنساۋلىق ساقتاۋ – سالاماتتىق ىستەرىن اكىمشىلىك جاقتان باسقارۋ تاراۋلارى تەكسەرىپ بەكىتۋ ولشەمىن اناعۇرلىم ناقتىلاندىرۋى، تەكسەرىپ بەكىتۋ ءتارتىبىن كەمەلدەندىرۋى، كاسىپ سالاسىنا كىرگىزۋ كەزەڭىن مىقتى ۇستاۋى، بەلگىلەمەگە ساي كەلەتىن قۇرىلىمدار مەن ادامداردى اشىق جاريالاۋدى ويداعىداي ىستەۋى كەرەك؛ سونىمەن بىرگە، تۇرمىستىق اجارلاندىرۋ قۇرىلىمدارىنا ”مەديتسينالىق اجارلاندىرۋ قىزمەتىن وتەۋگە بولمايدى“ دەگەن ەسكەرتۋ ءسوزدى جاپسىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
