ەلىمىز بەن ورتا ازياداعى بەس مەملەكەت اراسىندا اۋە قاتىناسى جاپپاي قالپىنا كەلتىرىلدى
”كەڭىستىكتەگى جىبەك جولى“ ۇزدىكسىز كەڭەيتىلدى، جەدەلدەتىلدى
2023.04.26 16:24 كەلۋ قاينارى : حالىق تورابى
4 – ايدىڭ 25 – كۇنى، وڭتۇستىك اۆياتسيا سەرىكتەستىگىنىڭ CZ6015 كەزەكشى ۇشاعى ۇرىمجىدەن تۇركىمەنستاننىڭ استاناسى اشحابادقا ۇشتى، بۇل ەلىمىز بەن تۇركىمەنستان اراسىندا بەلگىلەنگەن مەرزىم بويىنشا قاتىنايتىن اۋە تاسىمالى لەنياسىنىڭ اراعا ءۇش جىل سالىپ رەسمي قالپىنا كەلتىرىلگەنىن كورسەتەدى، سونىمەن بىرگە، ەلىمىز بەن ورتا ازياداعى بەس ەل اراسىنداعى اۋە قاتىناسىنىڭ جاپپاي قالپىنا كەلتىرىلگەنىن، ”اۋەدەگى جىبەك جولىنىڭ“ ۇزدىكسىز كەڭەيتىلگەنىن، جەدەلدەتىلگەنىن بىلدىرەدى.
ۇعىسۋعا قاراعاندا، وسى رەت قالپىنا كەلتىرىلگەن ءۇرىمجى – اشحاباد اراسىندا قاتىنايتىن اۋە لەنياسىنداعى كەزەكشى ۇشاقتىڭ ءنومىرى CZ6015/6، ءار اپتانىڭ سەيسەنبى كۇنى قاتىنايدى دەپ جوسپارلانعان. باراتىن ۇشاق بەيجيڭ ۋاقىتى 22:20 دا ۇرىمجىدەن ۇشىپ، جەرگىلىكتى ۋاقىت بويىنشا 23:30 دا اشحابادقا جەتەدى؛ قايتاتىن ۇشاق جەرگىلىكتى ۋاقىت بويىنشا 01:00 دە ۇشىپ، 07:35 تە ۇرىمجىگە جەتەدى.
قازىرگە دەيىن، وڭتۇستىك اۆياتسياسى الماتى، بيشكەك، دۋشانبە، تاشكەنت، تبيليسي، يسلاماباد، تەھران، باكۋ، استانا قاتارلى 9 حالىقارالىق اۋە جەلىسىن قالپىنا كەلتىرگەن، اۋە جەلىسىنىڭ سانى 2019 – جىلداعىنىڭ %50 اينالاسىندا قالپىنا كەلتىرىلدى. مۇندا، جولاۋشى جانە جۇك تاسىمالى قاجەتى ءبىرشاما زور بولعاندىقتان، تەھران، دۋشانبە، تاشكەنت قاتارلى اۋە جەلىلەرىندە ءىشىنارا كەزەكشى ۇشاقتار تۇگەلدەي كەڭ ۇشاقتارعا وزگەرتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
