شينجياڭدا ماقتانىڭ نىسانالى باعا ساياساتى ۇزدىكسىز اتقارىلادى
2023.04.24 16:02 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 4 - ايدىڭ 22 - كۇنى ۇرىمجىدەن حابارلايدى. تاياۋدا مەملەكەتتىك دامۋ جانە رەفورما كوميتەتى، قازىنا مينيسترلىگى «ماقتانىڭ نىسانالى باعا ساياساتىن اتقارۋ شاراسىن كەمەلدەندىرۋ جونىندەگى حابارلاندىرۋدى» باسىپ تاراتىپ، 2023 - جىلدان 2025 - جىلعا دەيىن شينجياڭدا ماقتانىڭ نىسانالى باعا ساياساتى ۇزدىكسىز اتقارىلاتىنىن، ءار تونناسىنىڭ نىسانالى باعا دەڭگەيى 18 مىڭ 600 يۋان بولاتىنىن ايقىن بەلگىلەدى.
«حابارلاندىرۋدا» مىنالار اتاپ كورسەتىلدى: قازىرگى اتقارىلىپ وتىرعان ماقتانىڭ نىسانالى باعا ساياساتىنىڭ جۇلگەسىن وزگەرتپەي، قولداۋ تەبىنىنىڭ ورنىقتىلىعىن ساقتاپ، ماقتا ەگەتىن شارۋالاردىڭ نەگىزگى پايدا تابىسىن جانە ماقتا ەگۋ بەلسەندىلىگىن قامتاماسىز ەتۋ كەرەك. سونىمەن بىرگە ساياساتتى اتقارۋ شاراسىن كەمەلدەندىرىپ، ماقتا ءتۇسىمىن ورنىقتىرىپ، ساپاسىن جوعارىلاتۋدى جەبەپ، قاتىستى مەحانيزمدەردىڭ ىركىلىسسىز اينالىمىن قامتاماسىز ەتۋ كەرەك.
«حابارلاندىرۋدا» نىسانالى باعا دەڭگەيىن ورنىقتىرۋ ايقىندالدى. ءالى دە ءوندىرىس وزىندىك قۇنىنا لايىقتى پايدا قوسۋ سىندى باعا قويۋ پرينسيبى بويىنشا نىسانالى باعا دەڭگەيى تۇراقتاندىرىلادى، لايىقتى پايدا ماقتا كاسىپ سالاسىن دامىتۋدىڭ قاجەتى، بازار جاعدايىنىڭ وزگەرىسى جانە قازىنانىڭ كوتەرىمدىلىك قابىلەتى سياقتى فاكتورلار جان - جاقتىلى ەسكەرىلە وتىرىپ بەلگىلەنەدى. 2023 - جىلدان 2025 - جىلعا دەيىن شينجياڭدا ءار توننا ماقتانىڭ نىسانالى باعا دەڭگەيى 18 مىڭ 600 يۋان بولادى، ەگەر ماقتا بازارىنىڭ جاعدايىندا ەلەۋلى وزگەرىس بولسا، مەملەكەتتىك كەڭەسكە مالىمدەپ، ماقۇلداۋعا يە بولعاننان كەيىن دەر كەزىندە رەتتەۋگە بولادى.
تاياۋ بىرنەشە جىلداعى شينجياڭداعى ماقتا ءوندىرىسىنىڭ احۋالىن جانە جەرگىلىكتى ورىننىڭ سۋ بايلىعى، ەگىستىك جەر بايلىعى جاعدايىن جالپىلاي ەسكەرىپ، شينجياڭ ماقتاسى ءۇشىن 5 ميلليون 100 مىڭ توننالىق تۇراقتى ءونىم مولشەرى بويىنشا قوسىمشا قاراجات بەرىلەدى.
«حابارلاندىرۋدا» مىنالار العا قويىلدى: اۆتونوميالى رايون مەن شينجياڭ ءوندىرىس - قۇرىلىس بيڭتۋانى ساپانى كۇش سالا جوعارىلاتىپ، نىسانالى باعا قوسىمشا قاراجات قارجىسىن اناعۇرلىم ويداعىداي پايدالانىپ، ساپا قوسىمشا قاراجاتىن اناعۇرلىم زور كولەمدە اتقارىپ، ساپا قوسىمشا قاراجاتىنىڭ ولشەمىن ۇيلەسىمدى بەلگىلەپ، ”ساپالىسىنا كوبىرەك قوسىمشا قاراجات بەرۋ“ ارقىلى ساپالى ماقتا وندىرۋگە جەتەكتەۋ كەرەك؛ ءونىمدى شارا قولدانىپ، ماقتا ەگۋگە ۇيلەسەتىن ەكىنشى ورىنداعى وڭىرلەردى شەگەرۋدى بەلسەندى، ءتارتىپتى ىلگەرىلەتىپ، ماقتا ەگىمشىلىگىنىڭ ءوندىرىستى قورعاۋ رايونىنا قاراي شوعىرلانۋىن ىلگەرىلەتۋ كەرەك؛ بۇكىل شينجياڭداعى ماقتا ءبىر تۇتاس بازارى قۇرىلىسىن ىلگەرىلەتىپ، ءشيتتى ماقتا ساتۋدا ءوزارا وتكىزۋدى، ءوزارا مويىنداۋدى جاپپاي اتقارىپ، بيڭتۋان مەن جەرگىلىكتى ورىنداعى ماقتا بازارىنىڭ توعىسۋىن، قوسىمشا قاراجات ولشەمىنىڭ ۇشتاسۋىن جەدەل جۇزەگە اسىرۋ كەرەك؛ «ارنايى قامبادا ساقتاپ باقىلاۋ - باسقارۋ + قامبادا كۋالاندىرىپ تەكسەرۋ»ءتۇزىمىن ۇزدىكسىز اتقارۋ ءارى قاتىستى شارالاردى سايكەستىرە ورنالاستىرىپ، بازار باعاسى نىسانالى باعادان جوعارى بولعاندا قاتىستى مەحانيزمنىڭ ىركىلىسسىز جۇمىس جۇرگىزۋىن قامتاماسىز ەتۋ كەرەك؛ جاعدايعا قاراي قامسىزداندىرۋ سىناعىن جۇرگىزۋ كەرەك.
2014 - جىلدان باستاپ مەملەكەت شينجياڭدا ماقتانىڭ نىسانالى باعا رەفورماسىن سىناق تۇيىندەرىندە باستاعاننان بەرى، رايونىمىزداعى ماقتا ەگەتىن شارۋالاردىڭ تاباتىن پايداسى قامتاماسىز ەتىلىپ، ماقتا ءوندىرىسى جوعارى ءونىمدى شوعىرلانىپ، ماقتا ساپاسى ءۇرتىس ارتىپ، ماقتا كاسىپ سالاسى تىزبەگى جاپپاي جاندانىپ، ونىمدىلىگى كورنەكتى بولدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
