بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

سۇن گوشياڭنىڭ پارا الۋ دەلوسىنا ءبىرىنشى رەت سوت اشىلدى

97 ميلليون 650 مىڭ يۋاننان استام پارا الدى دەپ ايىپتالعان

2023.04.21 13:56     كەلۋ قاينارى : حالىق تورابى

  4 – ايدىڭ 20 – كۇنى، حىبەي ولكەسى لاڭفاڭ قالالىق ورتا دارەجەلى حالىق سوتى لياۋنيڭ ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى ورىنباسار شۋجيى، ورىنباسار مەڭگەرۋشىسى سۇن گوشياڭنىڭ پارا الۋ دەلوسىنا ءبىرىنشى رەت اشىق سوت اشتى. لاڭفاڭ قالالىق حالىق پروكۋراتۋراسى سوتقا قىزمەتكەر جىبەرىپ قاتىناستىرىپ، شاعىم ايتۋعا قولداۋ ءبىلدىردى، ايىپكەر سۇن گوشياڭ مەن ونىڭ اقتاۋشىسى سوت مەكەمەسىنە بارىپ، ارىز – شاعىمعا قاتىناستى.

  حىبەي ولكەسى لاڭفاڭ قالالىق حالىق پروكۋراتۋراسىنىڭ ايىپتاماسى: 2008 – جىلدان 2018 – جىلعا دەيىن، ايىپكەر سۇن گوشياڭ لياۋنيڭ ولكەسى پانجين قالالىق حالىق ۇكىمەتىنىڭ ۋاقىتتىق قالا باستىعى، قالا باستىعى، ج ك پ پانجين قالالىق پارتكومىنىڭ شۋجيى قاتارلى مىندەتتەردى اتقارعان كەزدە، قىزمەت قولايلىلىعىنان پايدالانىپ، سونداي – اق، ءوزىنىڭ قىزمەت ۇقىعى مەن قىزمەت ورنى ارقىلى قالىپتاسقان قولايلى شارت – جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەتتەگى ارەكەتتەرى ارقىلى قاتىستى سەرىكتەستىكتەردىڭ بانكەدەن قارىز الۋى، ارناۋلى قاراجات الۋى قاتارلى ىستەرىنە كومەكتەسىپ، باسقالار بەرگەن مال – مۇلىكتەن حالىق اقشاسىنا شاققاندا جيىنى 97 ميلليون 650 مىڭ يۋاننان استام قاراجاتتى زاڭعا قايشى تۇردە قابىلداعان. پروكۋراتۋرا ورگاندارى پارا الۋ قىلمىسى بويىنشا سۇن گوشياڭنىڭ قىلمىستىق ىستەر جاۋاپكەرشىلىگىن قۋزاستىرۋدى وتىنەدى.

  سوت ۇستىندە، پروكۋراتۋرا ورگانى قاتىستى ىسپاتتاردى كورسەتتى، ايىپكەر سۇن گوشياڭ مەن ونىڭ اقتاۋشىسى اقتالدى، ايىپتاۋشى جاق پەن اقتالۋشى جاق سۋديانىڭ باسقارۋىندا پىكىرلەرىن تولىق ءبىلدىردى، سۇن گوشياڭ ەڭ سوڭعى ءداتىن ايتىپ، سوت ۇستىندە قىلمىسىن مويىنداپ، وكىنەتىنىن ءبىلدىردى.

  تەرگەۋ اياقتاعان سوڭ، سۋديا سوتتىڭ ءۇزىلىس جاساعانىن، ۇيلەسىمدى ۋاقىتتى تاڭداپ، ۇكىم شىعاراتىنىن جاريالادى.

  حالىق قۇرىلتايى ۋاكىلدەرى، ساياسي كەڭەس مۇشەلەرى، اقپارات قۇرالدارىنىڭ تىلشىلەرى جانە ءار سالاداعى بۇقارادان 30 نەشە ادام تەرگەۋگە سىرتتاي قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى