بۇل بانكە جالعان! ۇكىمەت جاق شۇعىل ەسكەرتۋ جاريالادى
2023.04.20 13:53 كەلۋ قاينارى : حالىق تورابى
جۇڭگو بانكە – قامسىزداندىرۋ ىستەرىن باقىلاۋ – باسقارۋ كوميتەتىنىڭ تورابى 4 – ايدىڭ 19 – كۇنى «”جۇڭگو ۋاقىت بانكەسىنە“ قاتىستى حاۋىپ – قاتەر تۋرالى ەسكەرتۋدى» جاريالادى، جالپى مازمۇنى تومەندەگىدەي:
جۋىردا، مەكەمەمىز كۇندەلىكتى باقىلاۋ بارىسىندا مىنانى بايقادى: ءىشىنارا توراپتار ”جۇڭگو ۋاقىت بانكەسى بازارعا شىعارىلدى“ قاتارلى مازمۇنداعى جالعان اقپاراتتاردى جاريالاعان، ونىڭ ۇستىنە، ”ۋاقىت بانكەسى“ اتتى جىلجىمالى قولدانىلمالى پروگرامما (APP) الەۋمەتتىك يگىلىك، قارتتاردى كۇتىمدەۋ دەگەن اتپەن قارجىلاندىرۋ قيمىلىن ورىستەتكەن. بانكە – قامسىزداندىرۋ ىستەرىن باقىلاۋ – باسقارۋ كوميتەتى ”جۇڭگو ۋاقىت بانكەسىن“ قۇرۋدى ەشقاشان بەكىتپەگەن، قاتىستى توراپ، الەۋمەتتىك تەكشە، APP قاتارلى اتالمىش ”جۇڭگو ۋاقىت بانكەسىنە“ قاتىستى مازمۇنداردىڭ بارلىعى جالعان اقپاراتتار، قاتىستى قارجى قوسۋ قيمىلى زاڭعا قايشى قىلمىس كۇمانىن تۋدىرعان، جۇرتشىلىقتىڭ ساقتىقپەن پارىقتاپ، الدانىپ قالۋدان ساق بولۋىن ەسكەرتەمىز.
سونىمەن بىرگە، ”ۋاقىت بانكەسىنىڭ“ اتىنداعى توراپ، APP، ۋيچات تەكشەسى، جەكەلىك مەديا تىركەلگىسى قاتارلىلاردى اشۋ ارەكەتى «جۇڭحۋا حالىق رەسپۋبليكاسىنىڭ ساۋدالىق بانكە زاڭىنىڭ» 11 – تارماعىنداعى جانە «جۇڭحۋا حالىق رەسپۋبليكاسى ساۋدالىق بانكە ىستەرىن باقىلاۋ – باسقارۋ زاڭىنىڭ» 29 – تارماعىنداعى ”مەملەكەتتىك كەڭەستىڭ بانكە – قامسىزداندىرۋ ىستەرىن باقىلاۋ – باسقارۋ قۇرىلىمىنىڭ بەكىتۋىنەن وتكىزبەي تۇرىپ ... ... ءارقانداي ورىننىڭ اتىندا ’بانكە‘ دەگەن ءسوزدى قولدانۋعا بولمايدى“، ”مەملەكەتتىك كەڭەستىڭ بانكە – قامسىزداندىرۋ ىستەرىن باقىلاۋ – باسقارۋ قۇرىلىمدارىنىڭ بەكىتۋىنەن وتكىزبەي تۇرىپ، ءارقانداي ورىننىڭ نەمەسە جەكەنىڭ بانكە سالاسىنداعى فينانس قۇرىلىمىن اشۋىنا نەمەسە بانكە سالاسىنداعى فينانىس قۇرىلىمىنىڭ قىزمەت كولەمىندەگى قيمىلدارمەن شۇعىلدانۋىنا بولمايدى“ دەگەن بەلگىلەمەگە قايشى كەلۋ كۇمانىن تۋدىرادى.
مەكەمەمىز مەملەكەتتىك ينتەرنەت ينفورماتسياسى كەڭسەسىمەن، ونەركاسىپ جانە ينفورماتسيالاندىرۋ مينيسترلىگىمەن، بازاردى باقىلاۋ – باسقارۋ باس مەكەمەسىمەن بىرگە «”بانكە“ دەگەن ءسوزدى پايدالانۋدى جونگە سالۋعا قاتىستى ىستەر جونىندەگى ۇقتىرۋدى» جاريالاپ، ەلىمىز كولەمىندە ”بانكە“ دەگەن ءسوزدى زاڭعا قايشى تۇردە پايدالانۋ ارەكەتىنە ارناۋلى تۇردە اداقتاۋ – جونگە سالۋ قيمىلىن ورىستەتتى، زاڭعا قايشى ءىشىنارا ارەكەتتەر تۇزەتىلدى. مەكەمەمىز قاتىستى تاراۋلارمەن بىرگە ”بانكە“ دەگەن ءسوزدى پايدالانۋدى جۇيەگە ءتۇسىرۋ قىزمەتىن ۇدايىلانعان تۇردە ويداعىداي ىستەپ، ينتەرنەتتەگى جالعان ينفورماتسيالاردى اداقتاپ، زاڭ – تۇزىمگە قايشى ارەكەتتەردى جونگە سالىپ، تاماشا بازار ءتارتىبىن قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
