سايرام كولىنىڭ بويىنداعى ”باتپىراۋىقتى شاڭعى“ جارىسىن الەم چەمپيونىنىڭ ءوزى كەلىپ كورۋدى ارماندادى
2023.04.18 16:14 كەلۋ قاينارى : حالىق تورابى
قازىر 4 – ايدىڭ ورتا شەنى بولعانىمەن، تەڭىز دەڭگەيىنەن 2000 مەتر بيىكتىكتەگى سايرام كولىنىڭ جاعاسىندا ەڭ تومەنگى اۋا تەمپەراتۋراسى ءالى دە ءنول گرادۋستان تومەن. جۋىردا جەرگىلىكتى ورىن ەرەكشەلىككە يە ”باتپىراۋىقتى شاڭعى“ قيمىلىن وتكىزدى، بۇل قيمىل ەل ءىشى – سىرتىنداعى شاڭعى مايتالماندارىن جارىسقا قاتىناسۋعا باۋراپ قالماستان، جالاڭ تاقتالى شاڭعىدان الەم چەمپيونى بولعان ساي شۋەتۇڭنىڭ ءوزى سىناپ كورگىسى كەلەتىنىن بىلدىرگەن.
4 – ايدىڭ 12 – كۇنى سايرام كولىنىڭ بويىندا جەل كۇشى 4 – 5 بال بولىپ، شاڭعى مايتالماندارى، ءبىر جاعىنان، شاڭعىمەن سىرعاناپ، ءبىر جاعىنان، موتورسىز پاراشوتتى ۇستاپ، جەل كۇشى ارقىلى جاپ – جازىق قارلى دالادا ەمىن – ەركىن ويقاستايدى. الىستان قاراعاندا، موتورسىز پاراشوت بەينە باتپىراۋىققا ۇقسايدى، سوندىقتان بۇل سپورت ”باتپىراۋىقتى شاڭعى“ دەپ اتالعان.
شاڭعى سپورتشىسى موتورسىز پاراشوتتىڭ كومەگىندە زىمىراپ بارا جاتقاندا، شاڭعى تاعانىنان اندا – ساندا اپپاق قار بۋداقتارى ۇشقىنداپ، بەينە ”قار تەڭىزىندە تولقىن جارىپ ويناعان“ سياقتى بولىپ كورىنەدى، جۇڭگولىق جالاڭ تاقتالى شاڭعى سپورتشىسى، الەم چەمپيونى ساي شۋەتۇڭ بۇل كورىنىستى كورگەندە قاتتى اسەرلەنىپ: ”سايرام كولىنە بارىپ ’باتپىراۋىقتى شاڭعىنى‘ كوردىم، شىنىمدى ايتسام، مەن مۇنداي سپورتتى ءبىرىنشى رەت كورىپ وتىرمىن، كەيىن ءوزىم سىناپ كورسەم بە دەگەن ۇمىتتەمىن“، - دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
