شينجياڭ سىرتىنداعى 100دەن استام كاسىپورىن وراي يگەرۋ ءۇشىن كەلدى
− ساياحات جارمەڭكەسىندەگى جارقىن تۇيىندەرگە نازار سالعاندا ②
□ انار بۇلت \ شينجياڭ گازەتىنىڭ ءتىلشىسى رىن جياڭ
2023.04.13 15:57 كەلۋ قاينارى : شينجياڭ گازەتى
2023 - جىلعى شينجياڭ مادەنيەت - ساياحات كاسىپ سالاسى جارمەڭكەسى جانە 4 - كەزەكتى شينجياڭ كوكتەمگى ساياحات كورمەسىندەگى ”التىن اۋماقتا“ اق ءتۇس پەن اشىق كوك ءتۇستى نەگىزگى ءتۇس ەتكەن كورمە ورنى بار، ول − شاڭحاي چيڭحى عىلىم - تەحنيكا جارنا شەكتى سەرىكتەستىگى. وسى اشىق كورمە ورنىنىڭ الدىڭعى تۇعىرىندا ساۋداگەرلەر مەن ەكسكۋرسيالاۋشىلار ايالداسا بولعانى، قىزمەتكەرلەر دەرەۋ قارسى الىپ، جاعدايدى تانىستىرىپ، سۇراۋلارىنا جاۋاپ بەرەدى. كورمە تۇعىرىنداعى 3 شىعار اۋىزدا دا قىزمەتكەرلەر ءۇنسىز كۇتىپ، ءتۇرلى سۇراۋلارعا جاۋاپ بەرۋگە ءارقاشان دايىن تۇر.
چيڭحى عىلىم - تەحنيكاسى زەردەلى مادەنيەت - ساياحات قۇرىلىسىمەن اينالىساتىن اكتسياسى بازارعا شىعارىلعان كاسىپورىن، كورىنىس ءوڭىرىن جالپىلىق باسقارۋ تۇعىرى، ۇلكەن ساندى مالىمەت تالداۋ تۇعىرى، قول تەلەفونمەن ساياحاتتاۋ، بەلەت جۇمىستارى جۇيەسى سياقتىلاردى تۇتاس تۇلعالىق قۇرۋدى شەشۋ جوباسىن ازىرلەيدى، ەل ىشىندەگى ايگىلى لۇڭمىن تاس ۇڭگىرى، شيتاڭ بايىرعى قالاسى، شيديحۇڭ قىستاعى، شاڭحاي چيڭپۋ اۋماعى سياقتى جالپى وڭىرلىك ساياحات جۇيەسىنىڭ ءبارىن وسى سەرىكتەستىك قۇرعان. بىلتىر وسى سەرىكتەستىك شينجياڭدا بولىمشە سەرىكتەستىك اشتى، قازىر شينجياڭداعى مادەنيەت - ساياحات نىسان تۇرلەرىنەن نارات سازدىق باقشاسى، نارات شاڭعى الاڭى، ىلە ورىكتى سايى، ويتاق مۇزدىق باقشاسى سياقتىلار بار. ”شينجياڭنىڭ مادەنيەت - ساياحات بازارىن ەرەكشە باعالاپ وتىرمىز، ساياحات جارمەڭكەسى سىندى تۇعىرعا سۇيەنىپ اناعۇرلىم زور دامۋ ورايىنا يە بولۋىمىز كەرەك“، - دەدى وسى سەرىكتەستىكتىڭ شينجياڭ ءوڭىرى باس جاۋاپتىسى شۇي مىڭ.
وسى كەزەكتى ساياحات جارمەڭكەسى بۇكىل ەلدىڭ ساياحات سالاسىنىڭ نازارىن بارىنشا اۋداردى، گۋاڭدۇڭ، جياڭسۋ، تيانجين، بەيجيڭ سياقتى 19 ولكە (رايون)، قالانىڭ مادەنيەت - ساياحات تاراۋلارى، ساياحات قوعامى سياقتىلار كورمەگە، ماجىلىسكە قاتىناستى، كورمەگە قاتىناسقان 280نەن استام ورىننىڭ ％40ى شينجياڭنىڭ سىرتىنان كەلگەن كاسىپورىندار، ولار چيڭحى عىلىم - تەحنيكاسى سياقتى شينجياڭ مادەنيەت - ساياحاتى زور دامۋىنىڭ كوكتەم سامالىمەن اناعۇرلىم بيىكتەرگە سامعاۋدى ويلاپ وتىر.
”شينجياڭدا 100دەن استام 4A دارەجەلىدەن جوعارى كورىنىس ءوڭىرى بار، بيىل 200 ميلليون ساياحاتشى (رەت) قابىلداماقشىمىز، زەردەلى ساياحاتقا سۇرانىس ۇزدىكسىز ارتادى، قازىر كوپتەگەن كورىنىس وڭىرلەرى زەردەلى جۇيە قۇرىلىسىن ىسكە قوستى، بولاشاقتا دا اناعۇرلىم كوپ مەملەكەتتىك 5A، 4A دارەجەلى كورىنىس وڭىرلەرى قۇرىلادى، ءبىزدىڭ دامۋ ورايىمىز دا اناعۇرلىم كوپ بولادى“. شۇي مىڭنىڭ ايتۋىنشا، ساياحات جارمەڭكەسىنە قاتىناسۋ ولاردىڭ سەنىمىن اناعۇرلىم بەكەمدەي تۇسكەن، ”ساياحات جارمەڭكەسىندە شينجياڭنىڭ ءار دارەجەلى ۇكىمەتتەرىنىڭ، مادەنيەت - ساياحات تاراۋلارىنىڭ مادەنيەت - ساياحات كاسىپ سالاسىنىڭ دامۋىنا ءمان بەرەتىندىگىن جانە قولدايتىندىعىن شىنايى سەزىندىك، شينجياڭنىڭ مادەنيەت - ساياحات كاسىبىنىڭ دە دامۋعا ۇمتىلۋ، دامۋدى كوكسەۋ سىندى كوكەي تەستى كوڭىلىن سەزىندىك“.
زەردەلى مادەنيەت - ساياحاتپەن 19 جىل اينالىسقان چىڭدۋ جۇڭكى داچي جۇمساق بولشەك جارنا شەكتى سەرىكتەستىگىنىڭ شينجياڭ بازارىنا كىرگەنىنە 8 − 9 جىل بولدى، وسى جولى ولار ساياحات جارمەڭكەسىنە قاتىناسۋعا ”مىقتى ادامدارىن“ جىبەرىپتى. ”وسى 3 جىلدا ءبىزدىڭ ۇجىمىمىز كوپتەگەن جاڭا ونىمدەردى زەرتتەپ اشىپ، كوپتەگەن جاڭا ۇلگىلەردى، جاڭا ۇستانىمداردى قالىپتاستىردى. قازىر شينجياڭنىڭ قوعامدىق، ەكونوميكالىق دامۋ كۇيى جاقسى، مادەنيەت - ساياحات كاسىپ سالاسىنىڭ دامۋ جاعدايى تاماشا، ءبىز وسى رەتكى ساياحات جارمەڭكەسى ورايىنان پايدالانىپ، شينجياڭداعى كاسىبىمىزدى تەرەڭدەتە تۇسكىمىز كەلەدى“. شينجياڭعا ارنايى كەلىپ جارمەڭكەگە قاتىناسقان وسى سەرىكتەستىكتىڭ ورىنباسار باس جوراسى جاڭ شۋەفيدىڭ ايتۋىنشا، سەرىكتەستىك شينجياڭنان ءىس باسقارماسىن اشىپتى، قازىر بولىمشە سەرىكتەستىك اشقالى جاتىر ەكەن. ساياحات جارمەڭكەسى اياقتاعاننان كەيىن، ول تاعى وڭتۇستىك شينجياڭعا بارىپ بازاردى تەكسەرمەكشى ەكەن.
سانشي ولكەسى جارمەڭكەگە قاتىناسۋعا 60 نەشە ادامدىق ۇيىرمە جىبەردى، تاعى ەرەكشە ارلەنگەن كورمە زالىن دايىندادى. كورمە زالىنا كىرىپ بارساڭىز، سانشيدىڭ مەملەكەتتىك 5A دارەجەلى كورىنىس وڭىرلەرىنىڭ كوركەم كورىنىستەرى، بەيزاتتىق مادەنيەت جاسامپازدىق ونىمدەرى تولىپ تۇرعانىن كورەسىز، ”بىزدەن 13 كاسىپورىن كەلىپ كورمەگە قاتىناستى، اناعۇرلىم كوپ شينجياڭدىقتىڭ سانشيدى ءتۇسىنۋىن ءۇمىت ەتەمىز، سانشي مەن شينجياڭ ساياحاتى دامۋىندا دانەكەر بولۋدى دا ءۇمىت ەتەمىز“. وسى رەتكى كورمەگە قاتىناسۋعا جاۋاپتى سانشي باۋحۋا شىڭشى حالىقارالىق ساياحات كووپەراتيۆى جەرگىلىكتى قابىلداۋ ءبولىمىنىڭ ديرەكتورى جاڭ جيان بىلاي دەدى: شينجياڭنىڭ ساياحات سالاسىنىڭ، شينجياڭدىقتاردىڭ ىقىلاسى ويلاعانىمىزدان الدەقايدا اسىپ ءتۇستى، ماتەريالداردى نەبارى 2 كۇندە تاراتىپ بولدىق.
شينجياڭ مادەنيەت - ساياحاتىنىڭ دامۋ ورايىن مىقتى يگەرىپ، كوكتەمگە قاراي قيمىلداعان ارەكەتى دە شينجياڭنىڭ سىرتىنداعى كاسىپورىنداردى ەرەكشە جەلپىندىردى.
شاندۇڭ رۇڭيە ۇيشە اۆتوكولىك جاساۋ، قىزمەت وتەۋ شەكتى سەرىكتەستىگى العاش رەت شينجياڭعا كەلىپ كورمەگە قاتىناسقان بولسا دا، شينجياڭ بازارىنا ارناپ جاساعان 2 ءتۇرلى تۇزدە تۇنەۋ ۇيشە اۆتوكولىگىن الا كەلىپتى: بىرەۋى ساحارادا تۇزدە تۇنەۋگە ارنايى قولدانىلادى، ساحارادا جۇلدىزدى اسپاندى كورۋگە بولادى؛ ەندى بىرەۋى تىپتەن ەرەكشە، كولىكتىڭ ۇستىنە تىكەلەي ”شينجياڭنىڭ شاڭعى الاڭدارىنا ارنايى قولدانىلاتىن زەردەلى تۇزدە تۇنەۋ ۇيشە اۆتوكولىگى“ دەگەن جازۋدى بۇركىپ ءتۇسىرىپتى. ”مۇنى ءبىز ءبىر ميلليون يۋاننان استام اقشا جۇمساپ زەرتتەپ جاسادىق، ارنايى تۇردە شينجياڭنىڭ قار - مۇز ساياحات بازارىنا باعىتتالعان، شينجياڭداعى ءارقايسى شاڭعى الاڭدارىنىڭ شاڭعى اۋەسكەرلەرىنىڭ جاتاققا قونۋ قيىندىعىن دەرەۋ شەشەدى“، - دەدى وسى سەرىكتەستىكتىڭ ساتۋ ديرەكتورى حۋاڭ دۇڭشين تانىستىرىپ، ”ءبىز شينجياڭ بازارىنا سەنىم ارتىپ وتىرمىز“.
جىجياڭ جۇيما ويىن قۇرىلعىلارى شەكتى سەرىكتەستىگى دە وسىنداي سەنىمدە بولىپ وتىر. بۇل كاسىپورىن ەل ىشىندەگى ءىرى ويىن قۇرىلعىلارىن ارناۋلى جاساۋشى، قازىرگى جۇڭگوداعى ەڭ ۇلكەن ءزاۋلىم شىعىرىق جاساۋشى كاسىپورىن. ”شينجياڭ بازارىنىڭ كومەسكى كۇشى وراسان زور، ءبىز كوپ وتپەي ەكى ايماق، وبلىستا ءزاۋلىم شىعىرىق جاسايمىز. بۇدان كەيىن، تاعى شينجياڭ بازارىن اشۋ سەرپىنىن ارتتىرامىز“. وسى سەرىكتەستىكتىڭ ورىنباسار باس ديرەكتورى، ساتۋ باس باقىلاۋشىسى جيان جياچۋاننىڭ قاراۋىنشا، شينجياڭنىڭ بارلىق جەرىندە ساۋدا ورايى بار، اسىرەسە، مادەنيەت - ساياحات كاسىپ سالاسىنىڭ زور دامۋى، كورىنىس وڭىرلەرىندە، كورىنىس تۇيىندەرىندە ساياحات جاڭا كاسىپ كۇيلەرىنىڭ مولايۋى ءىرى تۇرپاتتى ويىن قۇرىلعىلارى بازارىنا جاڭا وراي اكەلەدى. ساياحات جارمەڭكەسى اياقتاماي جاتىپ، ول قاشقار، تۇمشۇق سياقتى جەرلەرگە تەكسەرۋ جۇرگىزۋگە اتتانىپ كەتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
