قوعام حاۋىپسىزدىگى مينيسترلىگى: مىناداي ينفورماتسيالاردى جوتكەسە، زاڭعا قايشى قىلمىس وتكىزۋ كۇمانى تۋىلادى
2023.04.12 15:06 كەلۋ قاينارى : حالىق تورابى
2022 – جىلى قوعام حاۋىپسىزدىگى تاراۋلارى ”قارتتاردى كۇتىمدەۋ، بالا تاربيەلەۋ“، ”تيانشينشي“ قاتارلى مۇزداتىلعان حالىقتىق مال – مۇلىكتى بوساتۋ دەگەن جەلەۋمەن الدامكوستىك ىستەۋگە ساياتىن دەلولاردان 330 دان استام دەلونى انىقتاعان
ءتىلشىنىڭ 4 – ايدىڭ 11 – كۇنى قوعام حاۋىپسىزدىگى مينيسترلىگىنەن ۇعىسۋىنشا، 2022 – جىلى بۇكىل ەلىمىزدەگى قوعام حاۋىپسىزدىگى تاراۋلارى مۇزداتىلعان ۇلتتىق مال – مۇلىكتى بوساتۋ دەگەن جەلەۋمەن الدامكوستىك ىستەۋگە ساياتىن قىلمىستارعا سوققى بەرۋدى، جونگە سالۋدى پارمەندى ىلگەرىلەتىپ، قاتىستى دەلولاردان جيىنى 330 دان استام دەلونى انىقتاپ، قىلمىستىق توپتاردان 170 تەن استام توپتى تالقانداعان، دەلوعا ساياتىن قاراجات سوماسى ەكى ميلليارد 670 ميلليون يۋان بولىپ، كورنەكتى ونىمدىلىككە قول جەتكىزگەن.
ۇعىسۋعا قاراعاندا، مۇزداتىلعان ۇلتتىق مال – مۇلىكتى بوساتۋ دەگەن جەلەۋمەن الدامكوستىك ىستەۋ قىلمىسى ادەتتە مەملەكەتتىك ورگانداردىڭ قۇجاتىن، كۋالىگىن، تاڭباسىن جالعاننان جاساۋ ارقىلى مەملەكەتتىڭ قاتىستى ساياساتتارىن ويدان قيىستىرۋ قاتارلى جولدارمەن ”مۇزداتىلعان ۇلتتىق مال – مۇلىكتى بوساتۋ“، ”ۇكىمەتتىڭ قارتتاردى كۇتىمدەۋ ارقىلى كەدەيلەردى سۇيەمەلدەۋى“، ”قايىر – ساحابات رەتىندە جىلۋ اتاۋ قيمىلى“ قاتارلىلاردى شىرعا ەتىپ، زياندالۋشىلاردى نىساندى باستاۋ قاراجاتىن تاپسىرۋعا، مۇشە بولۋعا تىزىمدەلۋ قاراجاتىن تاپسىرۋعا، بەلگىلەنگەن تاۋاردى ساتىپ الۋعا نەمەسە قارجى قوسۋ ارقىلى جارناعا يە بولۋعا شىرعالايدى، مۇزداتىلعان ۇلتتىق مال – مۇلىكتى بوساتۋ نىسانى ورىندالعان سوڭ نەمەسە بەلگىلەنگەن ورىنعا بارىپ ”مۇزداتىلعان مال – مۇلىكتى بوساتۋ ماجىلىسىنە“ قاتىناسقان سوڭ، قارجى قوسۋشىلارعا قوماقتى سومادا قارىمجى قايتارىلادى دەپ وتىرىكتى سوعىپ، وسى ارقىل مال – مۇلىكتى الداپ الادى.
وسى تەكتەس قىلمىستار حالىق بۇقاراسىنىڭ مال – مۇلىك حاۋىپسىزدىگىن اۋىر دارەجەدە ءبۇلدىرىپ، ۇكىمەتتىڭ الەۋمەتتىك بەدەلىنە زيان سالىپ، قوعامدىق، ەكونوميكالىق ءتارتىپتى بۇلدىرەدى، قوعامنىڭ اماندىعى مەن ورنىقتىلىعىنا زيان جەتكىزەدى. قوعام حاۋىپسىزدىگى مينيسترلىگى بۇعان وسكەلەڭ ءمان بەرىپ، بۇكىل ەلىمىزدەگى قوعام حاۋىپسىزدىگى ورگاندارىن ورنالاستىرىپ سوققى بەرۋ ارقىلى جول اشىپ، ءتۇرلى شارالاردى قاتار قولدانىپ، سوققى بەرۋ، جونگە سالۋ ورلەۋىن جەدەل كوتەرىپ، ”قارتتاردى كۇتىمدەۋ، بالا تاربيەلەۋ“، ”تيانشينشي“ قاتارلى مۇزداتىلعان مال – مۇلىكتى بوساتۋ دەگەن جەلەۋمەن الدامكوستىك ىستەۋگە ساياتىن ءبىر دوپ دەلونى ءساتتى انىقتادى.
”قوعام حاۋىپسىزدىگى ورگاندارى قالىڭ حالىق بۇقاراسىنا مىنانى ەسكەرتەدى: ەلىمىزدە مۇزداتىلعان ۇلتتىق مال – مۇلىكتى بوساتۋ دەگەنگە ساياتىن ەشقانداي نىسان نەمەسە ۇيىم جوق، الدامكوستىكتەن ساقتانۋ تانىمىن كۇشەيتىپ، الدانىپ قالۋدان ساقتانۋ كەرەك“. قوعام حاۋىپسىزدىگى مينيسترلىگىنىڭ قاتىستى جاۋاپتىسى مىنانى ءبىلدىردى: قاتىستى زاڭ – تۇزىمدەرگە نەگىزدەلگەندە، مۇزداتىلعان ۇلتتىق مال – مۇلىكتى بوساتۋعا قاتىستى ينفورماتسيالاردى جوتكەگەن، وسىعان جەلىكتىرگەن، وسىنى ۇگىتتەگەن نەمەسە مۇشە قابىلداعان، ادامداردى زاڭسىز توپتاسۋعا ۇيىمداستىرعان ارەكەتتەردىڭ بارلىعى زاڭعا قايشى قىلمىس كۇمانىن قالىپتاستىرادى، قوعام حاۋىپسىزدىگى ورگاندارى زاڭ بويىنشا قاتاڭ تەكسەرىپ ءبىر جاقتى ەتەدى. ەگەر وسى تەكتەس زاڭعا قايشى قىلمىستاردىڭ ءجىپ ۇشى بايقالسا، دەرەۋ قوعام حاۋىپسىزدىگى ورگاندارىنا مالىمدەڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
