”ءۇشىنشى قول تەمەكىنىڭ“ زيانى قانشالىق زور؟
2023.04.11 13:14 كەلۋ قاينارى : حالىق تورابى
كوپتەگەن ادامدار ”ءبىرىنشى قول تەمەكى“ مەن ”ەكىنشى قول تەمەكىنىڭ“ زيانىن تانىپ جەتتى، سول سەبەپتى تەمەكى شەككەن كەزدە بالا مەن جۇكتى ايەلدەن ارنايى اۋاشا كەتىپ، تەمەكى قۇمارى ۇستاعاندا كوريدورعا نەمەسە سامالدىققا بارادى.
الايدا، مىنانى بىلمەۋىڭىز مۇمكىن!
تەك ءسىز تەمەكى شەكسەڭىز بولدى، مۇنان دا قورقىنىشتى تاعى ءبىر ءتۇرلى لاستاۋ ءتاسىلى — ”ءۇشىنشى قول تەمەكى“ وتباسىڭىزداعىلار مەن بالاڭىزدىڭ دەنساۋلىعىنا زيان جەتكىزەدى!
”ءۇشىنشى قول تەمەكى“ دەگەنىمىز نە؟
”ءۇشىنشى قول تەمەكى“ دەگەنىمىز تەمەكى شەگۋشى ”كوك ءتۇتىننىڭ“ اراسىنان شىققان سوڭ، ونىڭ كيىمى، تامنىڭ قابىرعاسى، كىلەم، تەرەزە پەردەسى، قۇرىم، ءۇي جيھازدارى، ءتىپتى شاش پەن تەرى قاتارلىلاردىڭ بەتىندە قالاتىن تەمەكىنىڭ قالدىقتارىن كورسەتەدى، بۇل قازىر بولمە ىشىندەگى اۋانىڭ لاستانۋىنا ەڭ كەڭ كولەمدى زالال جەتكىزەتىن لاستانۋ قاينارى ەسەپتەلەدى. قالدىق زاتتاردىڭ قۇرامىندا نيكوتين، راكقا شالدىقتىراتىن زاتتار، اۋىر مەتالدار، راديواكتيۆتىك زاتتار قاتارلى زياندى زاتتار بولادى.
”ءۇشىنشى قول تەمەكىنىڭ“ زالالى نەلىكتەن زور؟
بىرىنشىدەن، وڭاي نەمقۇرايدى قارايمىز. ”ەكىنشى قول تەمەكىدەن“ ساقتانۋعا بولعانىمەن، ”ءۇشىنشى قول تەمەكىدەن“ ساقتانۋ قيىن. تەمەكى شەگىپ جاتقان ادامدى كورسەك، ودان اۋاشا جۇرۋىمىزگە بولادى، الايدا، ”ءۇشىنشى قول تەمەكىنىڭ“ زيانىنا ۇشىراعانىمىزدى ءوزىمىز بىلە المايمىز، ول تىنىس جولى، تەرى ارقىلى دەنەگە سىمىرىلەتىندىكتەن، وڭاي نەمقۇرايدى قارايمىز.
ەكىنشىدەن، زيان جەتكىزەتىن ۋاقىتى ۇزاق. ”ەكىنشى قول تەمەكىنىڭ“ زالالدى قۇرامى كيىم – كەشەكتەردىڭ بەتىنە ءسىڭۋ ارقىلى ”ءۇشىنشى قول تەمەكى“ قالىپتاستىرادى، ۋاقىتى بىرنەشە ايعا جەتۋى مۇمكىن، تۇبەگەيلى تازالاۋ توتەنشە قيىن.
ۇشىنشىدەن، بالالارعا جەتكىزەتىن زيانى تىپتەن زور. بالالار، وتە – موتە، سابيلەر مەن نارەستەلەر جەردە ەڭبەكتەگەندە نەمەسە لاستانعان ءتۇرلى زاتتارعا جاناسقاندا، قولىنا تۇسكەن زاتتى اۋزىنا سالادى.
”ءۇشىنشى قول تەمەكىنىڭ“ زالالىنان قالاي ساقتانۋعا بولادى؟
-”ءۇشىنشى قول تەمەكىدەن“ ءونىمدى ساقتانۋدىڭ بىردەن – ءبىر جولى — بولمە ىشىندە نەمەسە اۆتوموبيلدە تەمەكى شەكپەۋ.
-سىرتقا شىققاندا مۇمكىندىگىنشە ”تەمەكى شەگۋ شەكتەلگەن“ اسحانالاردى نەمەسە باسقا ورىنداردى تاڭداپ، تەمەكىمەن جۇعىسۋدىڭ ىقتيمالدىعىن تومەندەتۋگە بولادى.
-تەمەكى شەگەتىن وتباسى مۇشەلەرىن تەمەكىنى تاستاۋعا شابىتتاندىرۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
