قوعام حاۋىپسىزدىگى مينيسترلىگى ءسىزدىڭ حاۋىپسىزدىگىڭىزگە ساياتىن قۇجات جاريالادى
2023.04.04 15:28 كەلۋ قاينارى : حالىق تورابى
قوعام حاۋىپسىزدىگى مينيسترلىگى 4 – ايدىڭ 3 – كۇنى اقپار جاريالاۋ ءماجىلىسىن اشىپ، الەۋمەتتىك حاۋىپسىزدىك سالاسىنداعى ءجۇز ءتۇرلى ولشەمدى شوعىرلى جاريالادى. بۇقارانىڭ ءجۇرىس – تۇرىس حاۋىپسىزدىگىنە ءونىمدى كەپىلدىك ەتۋ ءۇشىن، بازاردى باقىلاۋ – باسقارۋ باس مەكەمەسى قوعام حاۋىپسىزدىگى مينيسترلىگىمەن، ونەركاسىپ جانە ينفورماتسيالاندىرۋ مينيسترلىگىمەن بىرگە قاتىستى ولشەمدەندىرۋ تەحنيكالىق كوميتەتىن جانە تەحنيكالىق قۇرىلىمداردى ۇيىمداستىرىپ، «موتوتسيكل جۇرگىزۋشىلەردىڭ دۋلىعاسىنىڭ» 2010 – جىلعى نۇسقاداعى مەملەكەتتىك ولشەمى نەگىزىندە، وزگەرىس ەنگىزىلگەن جاڭا نۇسقاداعى «موتوتسيكل، ەلەكترلى ۆەلوسيپەت جۇرگىزۋشىلەردىڭ دۋلىعاسىنىڭ» مەملەكەتتىك ولشەمىن جاريالادى.
اقپار جاريالاۋ ماجىلىسىندە، وسى رەتكى ولشەمگە وزگەرىس ەنگىزۋ جاعدايىنا باعىتتاي وتىرىپ، بازاردى باقىلاۋ – باسقارۋ باس مەكەمەسىنىڭ قاتىستى جاۋاپتىسى بىلاي دەپ تانىستىردى: اتالعان ولشەم موتوتسيكل، ەلەكترلى ۆەلوسيپەت جۇرگىزۋشىلەر مەن مىنگەسۋشىلەردىڭ دۋلىعا كيۋىنە باعىتتالادى، وسى رەت وزگەرىس ەنگىزۋدە تومەندەگىدەي ءۇش ءتۇرلى ەرەكشەلىك بار: بىرىنشىدەن، قولداناتىن كولەم كەڭەيتىلگەن، بۇرىنعى موتوتسيكل دۋلىعاسىنا قاتىستى مازمۇندار نەگىزىندە، ەلەكترلى ۆەلوسيپەت جۇرگىزۋشىلەر كيەتىن دۋلىعانىڭ ءتۇرى مەن تەحنيكالىق تالاپتار تۇڭعىش رەت ولشەمگە ەنگىزىلىپ، ولشەمدەگى بوستىقتى تولتىرىپ، سۇيەنەتىن ولشەم جوق بولۋ ماسەلەسىن شەشىم ەتكەن.
ەكىنشىدەن، ءونىم ولشەمىن ناقتىلاندىرعان، جۇڭگولىقتاردىڭ باس ءبىتىمىنىڭ ەرەكشەلىگىنە ۇشتاستىرا وتىرىپ، دۋلىعانىڭ ۇلكەن – كىشىلىك ولشەمىن 3 تۇردەن 5 تۇرگە ارتتىرعان، بالالار مەن ەرەسەكتەردىڭ دۋلىعا كيۋىنە قويىلاتىن تالاپتار بىردەي ويلاستىرىلعان، دۋلىعانىڭ فورماسىنا باعىتتاي وتىرىپ، كەمەلدى دۋلىعا، 3/4 تىك جارتىلاي دۋلىعا، 1/2 لىك جارتىلاي دۋلىعا سىندى ءۇش تۇرگە ءبولىپ، ۇقساماعان ماۋسىمدا پايدالانۋ قاجەتىنە سايكەسىپ، دۋلىعانى لايىقتى كيۋدىڭ مۇمكىندىگىن جوعارىلاتقان.
ۇشىنشىدەن، حاۋىپسىزدىككە قويىلاتىن تالاپتى جوعارىلاتقان، كوزدى قورعاۋ اينەگىنىڭ توزىمدىلىگى، دۋلىعا بەتىنىڭ توزىمدىلىگى قاتارلى كورسەتكىشتەردى ارتتىرىپ، ورنىقتىرۋ قۇرىلىعىسىنىڭ ورنىقتىلىعى، كيۋ قۇرىلىعىسىنىڭ توزىمدىلىگى، سوعىلىسۋدان تۋىلاتىن قاتەردى باسەڭدەتۋ قۋاتى، تەسىپ وتۋگە توزىمدىلگى قاتارلى تالاپتاردى كەمەلدەندىرگەن.
وسى رەتكى جاڭا نۇسقاداعى دۋلىعا ولشەمىنىڭ جاريالانىپ اتقارىلۋى «”14 – بەسجىلدىق“ مەزگىلىندەگى بۇكىل ەلىمىزدەگى تاس جولدارداعى قاتىناس حاۋىپسىزدىگى جوسپارىنداعى» دۋلىعا كيۋ مولشەرىن جوعارىلاتۋ جانە موتوتسيكلدى، ەلەكترلى ۆەلوسيپەتتى دۋلىعاسىمەن ساتۋعا شابىتتاندىرۋ جونىندەگى ورنالاستىرۋدى تياناقتاندىرۋ بولىپ تابىلادى، ”ءبىر دۋلىعا، ءبىر بەلدىك“ ارقىلى حاۋىپسىزدىكتى قورعاۋ ارەكەتىنىڭ ونىمدىلىگىن ونان ارى بەكەمدەپ، موتوتسيكل، ەلەكترلى ۆەلوسيپەت جۇگىزۋشىلەردىڭ حاۋىپسىزدىك تانىمىن جوعارىلاتۋدا، تۇتىنۋشىلاردى ولشەمگە ۇيلەسەتىن دۋلىعا ونىمدەرىن جۇيەلى تاڭداپ پايدالانۋعا جەتەلەۋدە ماڭىزدى رول اتقارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
