2023 – جىلعى جەمسارى تيانشان مارافون جارىسى 5 - ايدىڭ 21 – كۇنى وتكىزىلەدى
2023.04.03 14:53 كەلۋ قاينارى : حالىق تورابى
4 ـ ايدىڭ 1 ـ كۇنى، جەمسارى تيانشان مارافون جارىسىنىڭ اقپار جاريالاۋ ءماجىلىسى شيامىن حالىقارالىق ءماجىلىس ـ كورمە ورتالىعىندا اشىلىپ، تولىق مارافون جارىسى مەن جارتىلاي ارالىقتى مارافون جارىسىنىڭ 5 – ايدىڭ 21 – كۇنى ساعات 8 دە شينجياڭ سانجى حۇيزۋ اۆتونوميالى وبلىسىنىڭ جەمسارى اۋدانىندا وتكىزىلەتىندىگىن، سالاماتتى جۇگىرۋ جارىسىنىڭ 5 ـ ايدىڭ 21 ـ كۇنى ساعات 10 دا وتكىزىلەتىندىگىن جاريالادى.
بيىلعى تيانشان مارافون جارىسىندا 1000 ادام تولىق ارالىقتى مارافون جارىسىنا، 1200 ادام جارتىلاي ارالىقتى مارافون جارىسىنا، 800 ادام سالاماتتى جۇگىرۋگە قاتىناسادى. جۇگىرۋشىلەردى تىزىمدەۋ قىزمەتى باستالدى، تولىق ارالىقتى مارافون جارىسى مەن جارتىلاي ارالىقتى مارافون جارىسىنا تىزىمدەلۋ ۋاقىتى 4 – ايدىڭ 23 – كۇنى تۇستەن كەيىن ساعات 18 گە دەيىن بولادى. جۇيرىكتەردىڭ جارىستىڭ رەسمي سايتىنا (ts.xcmsports.com) نەمەسە جارىستىڭ رەسمي ۋيچات تەكشەسى «جەمسارى تيانشان مارافون جارىسىنا» نازار اۋدارىپ، جارىسقا قاتىناسۋعا تىزىمدەلۋ ينفورماتسياسىن ەگجەي - تەگجەيلى ۇعىسۋىنا بولادى.
جەمسارى تيانشان مارافون جارىسىن سانجى حۇيزۋ اۆتونوميالى وبلىستىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى، جەمسارى اۋداندىق حالىق ۇكىمەتى ۇيىمداستىرعان، جەمسارى اۋداندىق مادەنيەت ـ دەنە تاربيە، راديو ـ تەلەۆيزيا جانە ساياحات مەكەمەسى، شيامىن ۋىنگۋاڭ مەديا توبى شەكتى سەرىكتەستىگى ۇستىنە الىپ وتكىزەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
