گۋاڭجوۋ – ءۇرىمجى - استانا اۋە جەلىسى قايتا قالپىنا كەلدى
2023.03.29 18:01 كەلۋ قاينارى : حالىق تورابى
3 - ايدىڭ 27 - كۇنى ساعات 23تەن 50 مينۋت وتكەندە، CZ6013 كەزەكشى ۇشاعىنىڭ ءۇرىمجى - ديوپۋ حالىقارالىق اۋەجايىنان قازاقستاننىڭ استاناسى استانا قالاسىنا ۇشۋىنا ىلەسە، گۋاڭجوۋ - ءۇرىمجى - استانا اۋە جەلىسى جالپى بەتتىك قالپىنا كەلدى.
بۇل جەلىدە ءار اپتانىڭ دۇيسەنبى جانە جۇما كۇندەرى ەكى كەزەك ۇشاق قاتىنايدى. باراتىن ۇشاق ساعات 17دەن 05 مينۋت وتكەندە گۋاڭجوۋدىڭ باييۇن اۋەجايىنان ۇشىپ، ساعات 22دەن 20 مينۋت وتكەندە ءۇرىمجى ديوپۋ حالىقارالىق اۋەجايىنا جەتەدى، ساعات 23تەن 50 مينۋت وتكەندە ۇرىمجىدەن ۇشىپ، كەلەسى كۇنى ساعات 2دەن 35 مينۋت وتكەندە قازاقستاننىڭ استاناسى استانا قالاسىنا جەتەدى.
ءۇرىمجى اۆياتسيا شەكارا وتكەلى وسى اۋە جەلىسىنىڭ شەكارادان كىرىپ ـ شىعاتىن شەكارا وتكەلى رەتىندە، شەكارادان كىرىپ ـ شىعاتىن جولاۋشىلاردىڭ كەدەننەن جوعارى ءونىمدى وتۋىنە شىنايى كەپىلدىك ەتۋ قىزمەتىن ارقالاپ وتىر. وسى اۋە جەلىسىنىڭ ءساتتى قالپىنا كەلۋىنە كەپىلدىك ەتۋ ءۇشىن، ءۇرىمجى ديوپۋ اۋەجايى كەدەنى اۆياتسيا سەرىكتەستىگىمەن، گۋاڭجوۋ باييۇن اۋەجايى كەدەنىمەن ىرىقتىلىقپەن بايلانىس جاساپ، وتكەرمەلەۋ جۇمىستارىن سايكەستىرىپ، 3 جاق سەلبەستىك كەلىسىمىنە قول قويدى ءارى الدىڭعى شەپتەگى كەدەن قىزمەتكەرلەرىن ۇشاق اۋىستىرۋ قىزمەت تارتىبىنە قانىق بولۋعا ۇيىمداستىرىپ، كاسىپتىك جاتتىعۋ ورىستەتتى. جابدىق، قۇرىلعى سياقتى قىزمەتتەردى كەمەلدەندىرىپ، ءارقايسى بۋىنداردىڭ ساڭىلاۋسىز ۇشتاسۋىن قامتاماسىز ەتىپ، قىزمەت وتەۋدى قامتاماسىز ەتۋدىڭ جوعارى ءونىمدى، ءساتتى بولۋىنا شىنايى كەپىلدىك ەتتى.
”حالىقارالىق اۋە جەلىلەرىنىڭ ىركەس ـ تىركەس قالپىنا كەلۋىنە بايلانىستى، ەل ىشىندەگى باسقا ولكە، اۆتونوميالى رايون، قالالاردان ءۇرىمجى اۆياتسيا شەكارا وتكەلى ارقىلى ورتا ازيا، باتىس ازيا، ەۆروپا سياقتى جەرلەرگە باراتىن كەزەكشى ۇشاقتار بارعان سايىن كوبەيەدى. ءبىز قۇرىلعى ـ جابدىقتار مەن باقىلاۋ ـ باسقارۋ كۇشتەرىنە ۇسىنىلىمدى ارتتىرىپ، حالىقارالىق جولاۋشى تاسىمالىنا قىزمەت وتەۋ مەن قامتاماسىز ەتۋدى ويداعىداي ىستەيمىز“. ءۇرىمجى ديوپۋ اۋەجايى كەدەنىنىڭ ورىنباسار باستىعى جاڭ ۋيجيە بىلاي دەدى: بۇل اۋە جەلىسى قالپىنا كەلىپ، ىسكە قوسىلىپ، جۇڭگو مەن قازاقستان ەلدەرىنىڭ جولاۋشىلار بارىس ـ كەلىسىنە قولايلىلىق تۋدىرىپ،”ءبىر بەلدەۋ، ءبىر جول“ بويىنداعى ەلدەردىڭ قالالارى اراسىنداعى بارىس ـ كەلىستىڭ قولايلىلىعىن ونان ارى جوعارىلاتتى. ەل ىشىندەگى باسقا قالالارداعى ساياحاتشىلاردى ءۇرىمجى ارقىلى باسقا مەملەكەتتەرگە بارۋعا باۋراۋعا ءتيىمدى بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
