بۇگىن ىلە وبلىسىنىڭ وڭتۇستىك بولەگىندەگى ءىشىنارا رايونداردا قار ارالاس جاڭبىر جاۋادى
2023.03.30 14:38 كەلۋ قاينارى : حالىق تورابى
3 ـ ايدىڭ 30 ـ كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، بۇگىن ىلە قازاق اۆتونوميالى وبلىسىنىڭ وڭتۇستىك بولەگى، التاي ايماعىنىڭ شىعىس بولەگى، وڭتۇستىك شينجياڭنىڭ باتىس بولەگىندەگى تاۋلى وڭىرلەر سياقتى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە قار جاۋادى، مۇنىڭ ىشىندە التاي ايماعىنىڭ شىعىس بولىگىندەگى تاۋلى وڭىرلەردىڭ ءىشىنارا جەرلەرىندە ورتاشا جاڭبىر نەمەسە قار جاۋادى. سولتۇستىك شينجياڭنىڭ سولتۇستىگىندە، شىعىس شينجياڭدا 5 بال اينالاسىندا باتىس سولتۇستىك جەلى سوعادى، جەل وتتەرىندە جەل كۇشى 8 بال اينالاسىندا بولادى. بۇكىل شينجياڭنىڭ باسقا رايوندارىندا اشىق نەمەسە بۇلتتى اۋا رايى نەگىز ەتىلەدى، جەل كۇشى زور بولمايدى.
ءۇرىمجى قالاسىندا كۇن اشىق تۇرىپ بۇلتتايدى، ەڭ جوعارى تەمپەراتۋرا 18 سەلتسي گرادۋس، ەڭ تومەن تەمپەراتۋرا 5 سەلتسي گرادۋس، جەل كۇشى 3 بال. ەرتەڭ جاۋىن جاۋىپ، تەمپەراتۋرا تومەندەيدى، مۇندا كۇندىز از جاڭبىر جاۋادى، 5 بال باتىس سولتۇستىك جەلى سوعادى، جەكسەنبى كۇنى تاڭەرتەڭ ەڭ تومەنگى تەمپەراتۋرا نولدەن تومەن 5 سەلتسي گرادۋس اينالاسىندا تومەندەيدى. ساپارعا شىققاندا ەڭ جاڭا اۋا رايى مالىمەتىن كورىپ، ساقتىق ينفورماتسياسىنا نازار اۋدارىڭىزدار.
بۇگىن تۇننەن سەنبى، جەكسەنبىگە دەيىن سولتۇستىك شينجياڭنىڭ باسىم كوپ ساندى رايوندارىندا، شىعىس شينجياڭدا قار – جاڭبىر جاۋادى، بوران سوعادى، سونداي - اق وڭتۇستىك شينجياڭ ويپاتى، شىعىس شينجياڭدا قۇمدى بوراندى اۋا رايى كوكتەمگى ەگىس، قۇرىلعىلى اۋىل شارۋاشىلىعى، جەمىس - جيدەك شارۋاشىلىعى، مال شارۋاشىلىعى، قاتىناس، ءجۇرىس - تۇرىس سياقتىلارعا ءتيىمسىز ىقپال جاسايدى، قاتىستى تاراۋلاردىڭ الدىن الا ساقتانۋىن ەسكەرتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
