قانداي جاعدايلاردى جۇمىس ۇستىندە جارالانۋ دەپ قاراۋ كەرەك؟
2023.03.29 16:37 كەلۋ قاينارى : حالىق تورابى
جۇمىس ۇستىندە جارالانۋعا بايلانىستى قامسىزداندىرۋ — جۇمىسشى – قىزمەتكەرلەردىڭ حاۋىپسىزدىگىنىڭ ”قورعانىشى“، بۇل شارا جۇمىس ۇستىندە جارالانعان جۇمىسشى – قىزمەتكەرلەردىڭ زاڭدى ۇقىق – مۇددەسىن قامتاماسىزداندىرادى.
الايدا، جۇمىس ۇستىندە جارالانۋدى تۇراقتاندىرۋ بارىسىندا كوڭىل بولەتىن تۇيىندەر بار. بۇل تۇيىندەر ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ اكىمشىلىك تاراۋلارىنىڭ «جۇمىس ۇستىندە جارالانۋعا بايلانىستى قامسىزداندىرۋ ەرەجەسىنە» نەگىزدەلىپ، جۇمىسشى – قىزمەتكەرلەردىڭ جۇمىس ۇستىندە جارالانۋعا بايلانىستى قامسىزداندىرۋدان يگىلىكتەنەتىن – يگىلىكتەنبەيتىنىن اكىمشىلىك جاقتان تۇراقتاندىرۋدى كورسەتەدى. جۇمىسشى – قىزمەتكەرلەر جۇمىس ۇستىندە جارالانعان دەپ تۇراقتاندىرىلعان سوڭ عانا، جۇمىس ۇستىندە جارالانۋعا قاتىستى مامىلەدەن يگىلىكتەنە الادى. ەندەشە، قانداي جاعدايدا جۇمىس ۇستىندە جارالانعان دەپ قاراۋعا بولادى؟
«جۇمىس ۇستىندە جارالانۋعا بايلانىستى قامسىزداندىرۋ ەرەجەسىنە» نەگىزدەلگەندە، جۇمىسشى – قىزمەتكەرلەر تومەندەگىدەي جاعدايعا جولىقسا، جۇمىس ۇستىندە جارالانعان ەسەپتەلەدى:
ءبىرىنشى، قىزمەت ۋاقىتىندا جانە قىزمەت الاڭىنىڭ ىشىندە قىزمەت سەبەبىنەن شىرعالاڭعا ۇشىراپ، زياندالعان بولسا؛
ەكىنشى، قىزمەت ۋاقىتىنىڭ الدى – ارتىندا قىزمەت الاڭىنىڭ ىشىندە قىزمەتپەن قاتىستى دايىندىقپەن نەمەسە سوڭىن جيناستىرۋ قىزمەتىمەن شۇعىلدانىپ جاتقاندا شىرعالاڭعا ۇشىراپ، زياندالعان بولسا؛
ءۇشىنشى، قىزمەت ۋاقىتىندا جانە قىزمەت الاڭىنىڭ ىشىندە قىزمەتتىك مىندەتى مەن جاۋاپكەرشىلىگىن اتقارۋ بارىسىندا زورلىق – زومبىلىققا جولىعۋ قاتارلى سەبەپتەرمەن تۇتقيىل زياندالعان بولسا؛ءتورتىنشى، كاسىپتىك اۋرۋعا شالدىققان بولسا؛
بەسىنشى، قىزمەت سەبەبىمەن سىرتقا شىققان كەزدە، قىزمەت سەبەبىمەن زيانعا ۇشىراعان بولسا نەمەسە شىرعالاڭعا ۇشىراپ، دەرەكسىز كەتكەن بولسا؛
التىنشى، جۇمىسقا بارىپ – كەلەتىن جولدا ءوزى باستى جاۋاپكەرشىلىكتى ارقالامايتىن قاتىناس شىرعالاڭىنا ۇشىراعان بولسا نەمەسە قالاداعى رەلستى قاتىناس، جولاۋشى تاسىمالى كەمەسى، پويەز قاتارلىلار شىرعالاڭعا ۇشىراپ، زياندالعان بولسا؛
جەتىنشى، زاڭدا، اكىمشىلىك ەرەجەلەردە بەلگىلەنگەن، جۇمىس ۇستىندە جارالانۋعا جاتادى دەپ قارالاتىن باسقا دا جاعدايلار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
