«ينتەرنەتتەگى جارنامانى باسقارۋ ءادىسى» بيىل 5 – ايدىڭ 1 – كۇنىنەن باستاپ اتقارىلادى
2023.03.27 14:46 كەلۋ قاينارى : حالىق تورابى
بازاردى باقىلاۋ – باسقارۋ باس مەكەمەسى جۋىردا «ينتەرنەتتەگى جارنامانى باسقارۋ ادىسىنە» وزگەرىس ەنگىزىپ جاريالادى، 2023 – جىلى 5 – ايدىڭ 1 – كۇنىنەن باستاپ اتقارىلادى.
بۇل اقپاراتتى ءتىلشى 3 – ايدىڭ 24 – كۇنى بازاردى باقىلاۋ – باسقارۋ باس مەكەمەسىنەن ۇعىسقان. جۇڭگونىڭ ينتەرنەتتەگى جارناما كاسىبىنىڭ دامۋىنىڭ جاڭا ەرەكشەلىكتەرىنە، جاڭا بەتالىسىنا، جاڭا تالاپتارىنا سايكەسۋ ءۇشىن، بازاردى باقىلاۋ – باسقارۋ باس مەكەمەسى 2016 – جىلى بەلگىلەنگەن «ينتەرنەتتەگى جارنامانى باسقارۋ ادىسىنە» وزگەرىس ەنگىزىپ، كەمەلدەندىرىپ، باقىلاۋ – باسقارۋ ەرەجەسى جاعىندا جاڭالىق جاراتقان، جاڭادان جاريالانعان ادىستە ينتەرنەتتەگى جارناماعا قاتىستى تيجارات جۇرگىزەتىن نەگىزگى تۇلعالاردىڭ جاۋاپكەرشىلىگى اناعۇرلىم ناقتىلاندىرىلعان، ارەكەت ولشەمى ايقىندالعان، باقىلاۋ – باسقارۋ شارالارى كۇشەيتىلگەن، ينتەرنەتتەگى جارناما بازارىنىڭ ءتارتىبىن قورعاۋ جاعىندا، سيفرلى ەكونوميكانى جۇيەلى، اقاۋسىز، باياندى دامىتۋ جاعىندا ماڭىزدى ءمان الادى.
ادىستە جارناما شىعارۋشىنىڭ، ينتەرنەتتەگى جارنامانى تيجارات ەتۋشىنىڭ جانە جاريالاۋشىنىڭ، ينتەرنەتتەگى ينفورماتسيالىق قىزمەت وتەۋمەن قامداۋشىنىڭ جاۋاپكەرشىلىگى اناعۇرلىم ايقىندالعان، حالىق بۇقاراسىنىڭ اڭىسى شوعىرلانعان ىتقىما جارناما، ەكراندى اشقان كەزدە شىعاتىن جارناما، زەردەلى جابدىقتار ارقىلى جاريالانعان جارناما قاتارلى ارەكەتتەرگە ولشەم بەلگىلەنگەن؛ ”ماقالالى جارناما“، جالعانىمدى ينتەرنەتتىك جارناما، باسەكەلى باعامەن جارنامانى رەتكە تۇرعىزۋ، الگوريتمدى قولدانۋ ارقىلى كورسەتىلگەن جارناما، ينتەرنەتتەگى تىكە تاراتىلىمنان پايدالانىپ جاريالانعان جارناما، تەكسەرىپ بەكىتۋدى قاجەت ەتەتىن جارنامانى ءتۇرى وزگەرگەن فورمادا جاريالاۋ قاتارلى ءتۇيىندى سالالارداعى جارنامانى باقىلاۋ – باسقارۋ بەلگىلەمەلەرى ناقتىلاندىرىلعان؛ جارناماعا ساياتىن ۋاكىلدىك قىزمەت وتەۋشىلەردى باسقارۋ جونىندەگى بەلگىلەمە جاڭادان قوسىلعان، ينتەرنەتتەگى جارنامانى باقىلاۋ – باسقارۋ، زاڭ اتقارۋ جاعىندا ماڭىزدى تۇزىمدىك كەپىلدىك ازىرلەۋمەن بىرگە، ينتەرنەتتەگى جارناما كاسىبىنىڭ جۇيەلى، ءتارتىپتى دامۋىنا جاڭا قوزعاۋشى كۇش سيلاعان.
بازاردى باقىلاۋ – باسقارۋ باس مەكەمەسى جەر – جەردەگى بازاردى باقىلاۋ – باسقارۋ تاراۋلارىنىڭ كاسىپتىك قابىلەتىن جەتىلدىرۋگە ساياتىن كۋرستاردى ۇيىمداستىرۋىن كۇشەيتىپ، ينتەرنەتتەگى تەكشەلەردەگى كاسىپورىندارعا جانە جارناماعا قاتىستى تيجارات جۇرگىزەتىن نەگىزگى تۇلعالارعا اكىمشىلىك جاقتان جەتەكشىلىك ەتۋدى ويداعىداي ىستەپ، ينتەرنەتتەگى جارنامانى باقىلاۋ – باسقارۋ قۋاتىن جانە كاسىپ سالاسىنىڭ دامۋ ورەسىن ءونىمدى جوعارىلاتىپ، ءتۇرلى جارنامالاردى تيجارات ەتەتىن نەگىزگى تۇلعالاردىڭ زاڭ – تۇزىمگە ساي تيجارات جۇرگىزۋ تانىمىن ارتتىرىپ، جوعارى ءونىمدى باقىلاۋ – باسقارۋ ارقىلى ينتەرنەتتەگى جارناما كاسىبىنىڭ جوعارى ساپالى دامۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
