شينجياڭداعى كورىنىس رايوندارى ادام وتىرعىزاتىن، اۆتوماتتى ۇشۋ اسپابىمەن ساياحاتتاۋ نىسانىن ورىستەتەدى
2023.03.27 15:32 كەلۋ قاينارى : حالىق تورابى
سۋرەتتە : يحاڭ جىنىڭ سەرىكتەستىگىنىڭ ادام وتىرعىزاتىن، اۆتوماتتى ۇشۋ اسپابى. يحاڭ جىنىڭ سەرىكتەستىگى بەرگەن سۋرەت
تيانشان تورابى – شينجياڭ گازەتىنىڭ ءتىلشىسى رىن جياڭ حابارلايدى. دوسىڭىزبەن بىرگە شوفەرسىز ۇشۋ اسپابىنا وتىرىپ، جەر بەتىنەن كوك جۇزىنە كوتەرىلىپ، شينجياڭداعى تاۋ – وزەندەر اراسىندا ساپارلاپ، كورىكتى شينجياڭعا كوك جۇزىنەن كوز سالۋىڭىزعا بولادى. فانتازيالىق كينوداعى تەكتەس وسىنداي كورىنىستەر قازىر رەالدىققا اينالۋدا — كوپ وتپەي، شينجياڭداعى كورىنىس رايوندارىنىڭ كوگىندە ساياحاتشىلاردى وتىرعىزاتىن اۆتوماتتى ۇشۋ اسپابى ىسكە قوسىلادى.
باتىس ءوڭىر ساياحاتىن كوركەيتۋ شەكتى جارنا سەرىكتەستىگى مەن باس شتابى گۋاڭجوۋ قالاسىنا ورنالاسقان يحاڭ جىنىڭ سەرىكتەستىگى 3 – ايدىڭ 24 – كۇنى سەلبەستىك كەلىسىمشارتىنا قول قويعان، ەكى جاق بىرگە قارجى بوساتىپ، ادام وتىرعىزاتىن، اۆتوماتتى ۇشۋ اسپابىمەن تيجارات جۇرگىزەتىن سەرىكتەستىكتى بىرگە قۇرىپ، شينجياڭداعى كورىنىس رايوندارىندا الاسا كەڭىستىكتە ساياحاتتاۋ نىسانىن ورىستەتەدى. الداعى بەس جىلدا، اتالعان سەرىكتەستىك ادام وتىرعىزاتىن، اۆتوماتتى ۇشۋ اسپابىنان 120 سىن ەنگىزەدى.
ادام وتىرعىزاتىن، اۆتوماتتى ۇشۋ اسپابىمەن الاسا كەڭىستىكتە ساياحاتتاۋ نىسانى ەڭ الدىمەن باتىس ءوڭىر ساياحات سەرىكتەستىگى تيجارات جۇرگىزەتىن جانە سەلبەستىك جاسايتىن تيانشان تيانچى كورىنىس رايونى، تۇرپان جالىنتاۋ كورىنىس رايونى، ىلە جيەيوۋ حانىشا جۇپار ءشوپ شارۋاشىلىعى كورىنىس رايونى، ۋساي – ۋان گۋحاي اراسان كورىنىس رايونى قاتارلى ورىنداردا سىناق رەتىندە ىسكە قوسىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
