تايكەشكەن وتكەلى ارقىلى تۇڭعىش رەت گەرمانياعا زات ەكسپورت ەتىلدى
2023.03.24 16:29 كەلۋ قاينارى : حالىق تورابى
3 – ايدىڭ 23 – كۇنى، التاي كەدەن قىزمەتكەرلەرى ەۆروپاعا ەكسپورت ەتىلەتىن زاتتاردى تەكسەردى. لي ۋىنيان فوتوسى
انار بۇلت / شينجياڭ گازەتىنىڭ ءتىلشىسى چىن چياڭۋي حابارلايدى. 3 - ايدىڭ 23 – كۇنى 13.08 توننا كۇندەلىكتى تۇتىنۋ بۇيىمدارى تيەلگەن جۇك اۆتوكولىگى التاي كەدەنىندە ءساتتى بەكىتۋدەن وتكەن سوڭ تايكەشكەن وتكەلى ارقىلى شەكارادان شىعىپ، موڭعۇليا، ليتاۆان، پولشا ارقىلى ەڭ سوڭىندا گەرمانياعا جەتەدى. بۇل تايكەشكەن وتكەلىنىڭ تۇڭعىش رەت گەرمانياعا زات ەكسپورت ەتۋى.
تايكەشكەن وتكەلى جۇڭگونىڭ شينجياڭىنىڭ موڭعۇليامەن ساۋدا جاساۋىنداعى ەڭ ۇلكەن قۇرلىقتىق وتكەلى ءارى ”ءبىر بەلدۋە، ءبىر جولدىڭ“ باتىسقا باعىتتالعان ماڭىزدى تاسىمال ارناسى. بۇل زاتتار جۇڭگو شينجياڭ تايكەشكەن وتكەلىنەن گەرمانيانىڭ بايەن وبلىسىنا اپارىلادى، جالپى ارالىعى شامامەن 10 مىڭ كيلومەتر.
”بۇل زاتتار گۋاڭدۇڭنان جولعا شىعىپ، 5 كۇننەن كەيىن شەكارا وتكەلىنەن ءوتتى ، ونىمدىلىگى وتە جوعارى بولدى“. شۋفان حالىقارالىق تاسىمال بەيجيڭ قىزمەت وتەۋ شەكتى سەرىكتەستىگى قۇرلىق تاسىمال ءبولىمىنىڭ جاۋاپتىسى لي شياۋشىڭ حالىقارالىق جۇك تاسىمال وكىلەتتى كاسىپورنى رەتىندە، ۇزاق ۋاقىتتان بەرى شينجياڭنىڭ ءارقايسى شەكارا وتكەلدەرى ارقىلى يمپورت - ەكسپورت زاتتارىن يمپورت – ەكسپورت ەتكەندىكتەرىن، بۇل ولاردىڭ كاسىپورىنىنىڭ تۇڭعىش رەت تايكەشكەن وتكەلى ارقىلى گەرمانياعا ەكسپورت ەتۋى ەكەندىگىن ءبىلدىردى.
لي شياۋشىڭ بىلاي دەدى: تاجىريبەگە نەگىزدەلگەندە، 4 – اي مەن 5 - اي حالىقارالىق قۇرلىق جولى تاسىمالىنىڭ قايتا جاقسارۋ مەزگىلى، حالىقارالىق زات تاسىمالىنىڭ ارتقان قاجەتىن قاناعاتتاندىرۋ ءۇشىن، كاسىپورىن شينجياڭداعى شەكارا وتكەلدەرىنىڭ سانى كوپ بولۋ باسىمدىعىنان تولىق پايدالانىپ، جاڭا قۇرلىق تاسىمالى جەلىسىن اشىپ، زات تاسىمالىنىڭ ونىمدىلىگىن جوعارىلاتادى، بۇل زات ۋاكىلدىك كاسىپورىنىڭ بازارداعى باسەكەلىك قۋاتىن جوعارىلاتۋعا ءتيىمدى.
”ءبىز قاتىستى تاراۋلارمەن بەلسەنە سايكەسىپ، شەكارا وتكەلىنىڭ باسىمدىعىن ساۋلەلەندىرىپ، كاسىپورىندارعا جوعارى ءونىمدى، ساپالى قىزمەت وتەپ، كەدەننەن ءوتۋ ونىمدىلىگىن جوعارىلاتىپ، التاي ايماعىنىڭ سىرتقى ساۋدا زات اينالىمى كاسىبىنىڭ دامۋىن جەبەيمىز“ دەدى التاي كەدەنىنىڭ باستىعى حۋاڭ چۇن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
