قۇمىل قالالىق ورتا دارەجەلى حالىق سوت مەكەمەسى اۋىل شارۋاشىلىعى دارىلەرىن ۇشقىشسىز ۇشاقپەن شاشۋعا قاتىستى ماسەلەلەردى جۇيەگە ءتۇسىرۋ جونىندەگى ءادىليالىق ۇسىنىستى ورتاعا قويدى
2023.03.22 17:38 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى لي شياڭچياۋ، جاڭ تيڭ حابارلايدى. جۋىردا شينجياڭ ۇيعۇر اۆتونوميالى رايونى قۇمىل قالالىق ورتا دارەجەلى حالىق سوت مەكەمەسى قاراماعىنداعى وڭىردەگى ءارقايسى اۋداندىق جانە اۋىلدىق (قالاشىق) ۇكىمەتتەرگە ءادىليالىق ۇسىنىستى ورتاعا قويىپ، اۋىل شارۋاشىلىعى دارىلەرىن ۇشقىشسىز ۇشاقپەن شاشۋ بارىسىندا تۋىلاتىن تالاس – تارتىستاردى قاينارىنان باستاپ جونگە سالۋ جانە ودان ساقتانۋ، اۋىل شارۋاشىلىعى سالاسىنداعى عىلىم – تەحنيكانىڭ اۋىل شارۋاشىلىعىن وسىزامانداندىرۋداعى تىرەكتىك رولىن كۇشەيتىپ، وسى ارقىلى اۋىل – قىستاقتاعى كاسىپ سالاسىنىڭ جوعارى ساپالى دامۋىن ىلگەرىلەتۋ جونىندە ۇسىنىس بەردى.
قۇمىل قالاسى تيانشان تاۋىنىڭ شىعىس سىلەمىنىڭ وڭتۇستىك بوكتەرىنە ورنالاسقان، بۇل وڭىردەگى اۋىل شارۋاشىلىعىنا پايدالاناتىن ەگىستىك جەردىڭ كولەمى كەڭ، ەگىس اۋماعى ءبىرشاما شوعىرلى ورنالاسقان. اۋىل شارۋاشىلىعىنىڭ وسىزاماندانۋىنىڭ جەدەل دامۋىنا بايلانىستى، اۋىل شارۋاشىلىعى دارىلەرىن ۇشقىشسىز ۇشاقپەن شاشۋ قولدانىلمالى تەحنيكاسى ۇزدىكسىز جالپىلاستىرىلدى، قولدانىلدى، بۇل تەحنيكا ەڭبەك قۇنىن تومەندەتۋمەن بىرگە، ءوندىرىس ونىمدىلىگىن دە جوعارىلاتتى.
الايدا، ۇشقىشسىز ۇشاقتى باسقارۋدىڭ، سونداي – اق، ودان پايدالانۋدىڭ جۇيەگە تۇسپەۋىنە بايلانىستى، كوپتەگەن تىڭ قايشىلىقتار مەن تالاس – تارتىستار تۋىندادى. قۇمىل قالالىق ورتا دارەجەلى حالىق سوت مەكەمەسى ازاماتتىق ىستەرگە قاتىستى تەرگەۋ جۇرگىزۋ 1 – سوتىنىڭ باستىعى ياۋ حۇڭبيننىڭ تانىستىرۋىنشا، ءىشىنارا دەلولارعا قاراعاندا، ۇشقىشسىز ۇشاقتى مەڭگەرۋشىلەردىڭ اۋىل شارۋاشىلىعى دارىلەرىن شاشۋى ۇيلەسىمسىز بولعاندىقتان، ىرگەلەس اتىزداعى اۋىل شارۋاشىلىعى ونىمدەرىنەن مۇلدە ءونىم الا الماي، زور زيانعا ۇشىراعان جاعدايلار تۋىلادى؛ ۇقساماعان اتىزدارعا اۋىل شارۋاشىلىعى دارىلەرىن ۇشقىشسىز ۇشاقپەن شاشقان ۋاقىت ءبىرشاما جاقىن بولعان كەزدە، ۇقىققا قول سۇعۋ ارەكەتى تۋىلسا، كىمنىڭ جاۋاپكەرشىلىك ارقالايتىنى انىق بولمايتىن جاعداي تۋىلادى؛ ۇشقىشسىز ۇشاقتى مەڭگەرۋشى مەن ديقاندار اراسىنداعى توقتام ايقىن بولماعاندىقتان، ۇقىققا قول سۇعۋ ارەكەتى تۋىلعان سوڭ، جاۋاپكەرشىلىكتى ءبىر – بىرىنە يتەرمەلەۋ قاتارلى ىستەر تۋىلادى.
اۋىل – قىستاقتاعى اتىزدارداعى اۋىل شارۋاشىلىعى داقىلدارىنا اۋىل شارۋاشىلىعى دارىلەرىن ۇشقىشسىز ۇشاقپەن شاشقان كەزدە تۋىلاتىن تالاس – تارتىستارعا جانە ساقتالاتىن كومەسكى حاۋىپ - قاتەرلەرگە باعىتتاي وتىرىپ، قۇمىل قالالىق ورتا دارەجەلى حالىق سوت مەكەمەسى مۇقيات زەرتتەۋ جۇرگىزىپ، كۋرس ۇيىمداستىرۋدى جانە باسقارۋدى كۇشەيتۋ، كاسىپ سالاسىندىق باقىلاۋ – باسقارۋ، ۇگىت جۇرگىزۋ مەن جەتەكشىلىك ەتۋ سىندى ءۇش ءتۇرلى جاقتان كىرىسىپ، قاراماعىنداعى وڭىرلەردەگى ءارقايسى اۋداندىق، اۋىلدىق (قالاشىق) ۇكىمەتتەرگە باعىتتامالى تۇردە 5 ءتۇرلى ناقتى شارانى ورتاعا قويعان: قاتىستى فۋنكتسيالىق تاراۋلاردىڭ ۇشقىشسىز ۇشاقتى مەڭگەرەتىن قىزمەتكەرلەردى كۋرسقا قاتىناستىرىپ تاربيەلەۋدى كۇشەيتۋى كەرەك ەكەنىن تۇراقتاندىرۋ ءارى ۇشاقتى مەڭگەرۋشىلەردىڭ مەڭگەرۋ بەلگىلەمەلەرىنە قاتاڭ بويسۇنۋىنا قۋزاۋ سالۋ كەرەك؛ ۇشقىشسىز ۇشاقتى بەلگىلەمەگە قايشى پايدالانىپ، ساۋدالىق ارەكەت ىستەگەندەردى دەر كەزىندە جازالاۋ قاجەت؛ اۋىل شارۋاشىلىعىنا قاتىستى زاڭ اتقارۋدى كۇشەيتىپ، باقىلاۋ – باسقارۋ مىندەتى مەن جاۋاپكەرشىلىگىن ناقتىلاندىرىپ، شارۋالاردىڭ اۋىل شارۋاشىلىعى دارىلەرىن دۇرىس قولدانۋىنا جەتەكشىلىك ەتىپ، بەلگىلەمەگە قايشى مەڭگەرۋ جاعدايىنىڭ تۋىلۋىنان ساقتانۋ كەرەك؛ اشكەرەلەگەن، اڭىس ەتكەن ماسەلەلەردى قابىلداعان كەزدە، زاڭ – تۇزىمگە ساي زاڭ اتقارۋ تارتىپتەرىن ورىنداۋ، ۇقىققا قول سۇققان نەگىزگى تۇلعا، سەبەپ – سالدارلىق قارىم قاتىناس، تۋىلعان زيان قاتارلى جاقتارداعى ىسپاتتاردى دەر كەزىندە تۇراقتاندىرىپ، تالاس – تارتىستى شەشىم ەتۋگە نەگىز قالاۋ قاجەت؛ ءارقايسى اۋداندىق، اۋىلدىق (قالاشىق) حالىق ۇكىمەتتەرى زاڭ – ءتۇزىمدى ۇگىتتەۋدى كۇشەيتىپ، ديقانداردىڭ زاڭ جونىندەگى تانىمىن كۇشەيتۋىنە كومەكتەسۋى، ۇشقىشسىز ۇشاقتى مەڭگەرەتىن ورىنداردىڭ تولىمدىلىعىن مۇقيات تەكسەرۋى، جازباشا توقتام جاساۋعا، ۇقىقتارى مەن بورىشتارىن ايقىنداپ، ىرگەلەس اتىز يەلەرىنە ۇقتىرۋ جاۋاپكەرشىلىگىن اتقارۋعا جەتەلەۋى كەرەك.
سونىمەن بىرگە، قۇمىل قالالىق ورتا دارەجەلى حالىق سوت مەكەمەسى ەكى دارەجەلى سوت مەكەمەسىنەن وزىندىك قىزمەت فۋنكتسياسىن ساۋلەلەندىرىپ، اشىق سوت اشىپ تەرگەۋ جۇرگىزۋ، تيپتىك دەلولار جونىندە حابارلاندىرۋ شىعارۋ، زاڭمەن جونگە سالۋدى ۇگىتتەۋ قاتارلى فورمالار ارقىلى اۋىل شارۋاشىلىعى دارىلەرىن ۇشقىشسىز ۇشاقپەن شاشۋدان تۋىندايتىن تالاس – تارتىستاردى قاينارىنان باستاپ جونگە سالۋدى جانە ساقتانۋدى، نەگىزگى ساتىداعى قوعامدىق جونگە سالۋدى وسىزامانداندىرۋ ورەسىن، زاڭمەن جونگە سالۋ ورەسىن جوعارىلاتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
