اۋعانستاننىڭ سولتۇستىگىندە 6.5 بال جەر سىلكىندى
2023.03.22 15:08 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 21 - كۇنى كابۋلدەن بەرگەن حابارى. اۋعانستان ۋاقىتتىق ۇكىمەتىنىڭ مەملەكەتتىك اپاتتى باسقارۋ جانە ادامگەرشىلىك ىستەرى مينيسترلىگى 3 - ايدىڭ 21 - كۇنى بىلاي دەدى: اۋعانستاننىڭ سولتۇستىگىندەگى باداحشان ولكەسىندە سول كۇنى كەشتە 6.5 بال جەر سىلكىندى، استانا كابۋل جانە توڭىرەكتەگى ولكەلەردە سىلكىنىس اسەرى بولدى.
ا ق ش گەولوگيالىق تەكسەرۋ مەكەمەسى جەر سىلكىنىسى ينفورماتسيا تورابىنىڭ حابارىنا قاراعاندا، وسى رەتكى جەر سىلكىنىسى كابۋل ۋاقىتى 3 – ايدىڭ 21 – كۇنى ساعات 21 دەن 17 مينۋت وتكەندە (بەيجيڭ ۋاقىتى 3 – ايدىڭ 22 – كۇنى ساعات نولدەن 47 مينۋت وتكەندە) تۋىلعان، سىلكىنىس ورتالىعى باداحشان ولكەسىنىڭ جۋرمىنىڭ شىعىس وڭتۇستىگىنەن 40 كيلومەتر جەردە، سىلكىنىس قاينارىنىڭ تەرەڭدىگى 187.6 كيلومەتر بولعان.
باداحشان ولكەلىك اپاتتى باسقارۋ جانە ادامگەرشىلىك ىستەرى تاراۋىنىڭ جاۋاپتىسى اكرام شينحۋا اگەنتتىگىنىڭ تىلشىلىگىن قابىلداعاندا بىلاي دەدى: قازىر بۇل ولكەدە 7 ءۇي ويراندالىپ، كەمىندە ءبىر ادام جارالاندى.
كورشىلەس تاحار ولكەسىنىڭ ءبىر تۇرعىنى شينحۋا اگەنتتىگىنىڭ تىلشىسىنە بىلاي دەدى: جەرگىلىكتى ورىنداعى كوپتەگەن تۇرعىن ۇيلەر جەر سىلكىنىسىندە قۇلادى.
بىلتىر 6 – ايدىڭ 22 - كۇنى اۋعانستاننىڭ شىعىس بولەگىندە كۇشتى جەر سىلكىنىسى تۋىلىپ، 1000 نان استام ادام ءولىپ، 2000 عا جۋىق ادام جارالانعان بولاتىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
