شي جينپيڭ ماسكەۋگە جەتتى
رەسەيدەگى مەملەكەتتىك ساپارىن باستادى
2023.03.21 16:44 كەلۋ قاينارى : حالىق تورابى
 |
سول جەر ۋاقىتى بويىنشا 3 - ايدىڭ 20 - كۇنى مەملەكەت ءتوراعاسى شي جينپيڭ ارناۋلى ۇشاقپەن ماسكەۋگە جەتتى، رەسەيدىڭ زۇڭتۇڭى پۋتيننىڭ ۇسىنىسىمەن رەسەيدە مەملەكەتتىك ساپاردا بولادى. تۇستەن كەيىن ساعات ءبىر مولشەرىندە شي جينپيڭ وتىرعان ارناۋلى ۇشاق ماسكەۋدەگى ۆنۋكوۆو ارناۋلى ۇشاق اۋەجايىنا جەتتى. شي جينپيڭ ۇشاق ەسىگىنەن شىققاندا، رەسەي زۇڭليىنىڭ ورىنباسارى چەرنەشەنكو قاتارلى ۇكىمەتتىڭ جوعارى دارەجەلى ءمانساپتىلارى ۇشاق باسپالداعىنىڭ جانىندا ىستىق ىقىلاسپەن قارسى الدى. رەسەي جاق اۋەجايدا سالتاناتتى قارسى الۋ سالتىن وتكىزدى. اسكەري وركەستر جۇڭگو مەن رەسەيدىڭ مەملەكەت گيمندەرىن ورىندادى. سۋرەتتە: شي جينپيڭ رەسەي ءۇش ارمياسىنىڭ قۇرمەت قاراۋىلىن كوزدەن كەشىرۋدە ءارى سالتانات قاتارىن كورۋدە.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
«حالىق گازەتى»، 3 - ايدىڭ 20 – كۇنى، ماسكەۋ (تىلشىلەر دۋ شاڭزى، جياڭ يۇن). سول جەر ۋاقىتى بويىنشا 3 - ايدىڭ 20 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن ماسكەۋگە جەتتى، رەسەي زۇڭتۇڭى پۋتيننىڭ ۇسىنىسىمەن رەسەيدە مەملەكەتتىك ساپاردا بولادى.
سول جەر ۋاقىتى بويىنشا تۇستەن كەيىن ساعات ءبىر مولشەرىندە شي جينپيڭ وتىرعان ارناۋلى ۇشاق ماسكەۋدەگى ۆنۋكوۆو ارناۋلى ۇشاق اۋەجايىنا جەتتى. شي جينپيڭ ۇشاق ەسىگىنەن شىققاندا، رەسەي زۇڭليىنىڭ ورىنباسارى چەرنەشەنكو قاتارلى ۇكىمەتتىڭ جوعارى دارەجەلى ءمانساپتىلارى ۇشاق باسپالداعىنىڭ جانىندا ىستىق ىقىلاسپەن قارسى الدى.
رەسەي جاق اۋەجايدا سالتاناتتى قارسى الۋ سالتىن وتكىزدى. اسكەري وركەستر جۇڭگو مەن رەسەيدىڭ مەملەكەت گيمندەرىن ورىندادى. شي جينپيڭ رەسەي ءۇش ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
شي جينپيڭ جازباشا ءسوز سويلەپ، جۇڭگو ۇكىمەتى مەن جۇڭگو حالقى اتىنان رەسەي ۇكىمەتى مەن حالقىنا شىنايى سالەم جولدادى جانە ىزگى تىلەك ءبىلدىردى. شي جينپيڭ بىلاي دەپ دارىپتەدى: جۇڭگو مەن رەسەي ەكى ەل − تاۋ – وزەنى جالعاسقان دوس كورشىلەر. ەكى جاق وداقتاسپاۋ، قارسىلاسپاۋ، ءۇشىنشى جاققا باعىتتاماۋ پرينسيبىندە تاباندى بولۋ نەگىزىندە ەكى جاقتى قاتىناستى بەكەمدەپ جانە دامىتىپ، جاڭاشا ءىرى ەلدىك قاتىناستىڭ ۇلگىسىن ورناتتى. جۇڭگو مەن رەسەي قاتىناسىنىڭ دامۋ جەتىستىكتەرى ەكى ەل حالىقتارىنا ناقتى پايدا جەتكىزىپ، دۇنيە ءجۇزىنىڭ دامۋى مەن العا باسۋىنا ماڭىزدى ۇلەس قوستى.
شي جينپيڭ مىنالاردى اتاپ كورسەتتى: جۇڭگو مەن رەسەي دۇنيە جۇزىندەگى نەگىزگى ءىرى ەلدەر جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى، حالىقارالىق ىستەردە ماڭىزدى رول اتقارۋدا. اۋمالى - توكپەلى وزگەرىسكە تولى دۇنيە ءجۇزى الدىندا، جۇڭگو جاق رەسەي جاقپەن بىرگە بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ ماقساتى مەن پرينسيبىن نەگىز ەتكەن حالىقارالىق قارىم - قاتىناستىڭ نەگىزگى ولشەمىن باتىل قورعاپ، ناعىز كوپ جاقتىلىقتا تاباندى بولىپ، دۇنيە ءجۇزىنىڭ كوپ ۇيەكتەنۋى مەن حالىقارالىق قارىم - قاتىناستىڭ دەموكراتيالانۋىن ىلگەرىلەتىپ، بۇكىل دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋگە پەيىل. وسى رەتكى ساپاردا، ءسوز جوق، سۇبەلى ناتيجەلەرگە قول جەتكىزىپ، جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ اقاۋسىز، ورنىقتى دامۋىنا تىڭ قوزعاۋشى كۇش قوساتىنىمىزعا سەنەمىن.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ۋاڭ ي، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى چين گاڭ قاتارلى ساپارلاستارى وسى ۇشاقپەن بىرگە باردى.
جۇڭگونىڭ رەسەيدەگى باس ەلشىسى جاڭ حانحۇي دا اۋەجايعا بارىپ قارسى الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
