بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

زىگۋاڭ توبى شەكتى سەرىكتەستىگىنىڭ بۇرىنعى باس جوراسى جاۋ ۋيگو قىزمەتتىك قىلىمىس وتكىزۋ كۇمانىمەن پروكۋراتۋرا ورگانىنىڭ تەكسەرىپ ايىپتاۋىنا وتكىزىلدى

2023.03.21 14:11     كەلۋ قاينارى : حالىق تورابى

  شينحۋا اگەنتتىگىنىڭ 3 – ايدىڭ 20 – كۇنى بەيجيڭنەن بەرگەن حابارى. بىرنەشە كۇننىڭ الدىندا مەملەكەتتىك باقىلاۋ - تەكسەرۋ كوميتەتى زىگۋاڭ توبى شەكتى سەرىكتەستىگىنىڭ بۇرىنعى باس جوراسى جاۋ ۋيگونىڭ قىزمەتتىك قىلمىس وتكىزۋ كۇمانى ماسەلەسىنە دەلو تۇرعىزىپ تەكسەرۋ جۇرگىزدى.

  تەكسەرۋگە قاراعاندا، جاۋ ۋيگو مەملەكەت مەنشىگىندەگى كاسىپورىنداردىڭ باسقارۋشىسى بولا تۇرا، پايداكوستىككە سالىنىپ، ويىنا كەلگەنىن ىستەپ، مىندەت - بورىشىنان بەزىپ، ۇكىمەت جابدىقتارىن جەكە پايدالانىپ، جالپىنىڭ مۇددەسىنەن پايدالانىپ، ءوزى باسقارىپ وتىرعان مەملەكەت مەنشىگىندەگى كاسىپورىنداردى جەكە مەنشىگى رەتىندە قاراپ، مەملەكەت مەنشىگىندەگى مال - مۇلىكتى قىمقىرىپ، بەلگىلەمەگە قايشىلىق جاساپ، ءوز ورنىنىڭ پايدا تابۋ كاسىبىن تۋىس - تۋعان، دوس - جاراندارىنىڭ تيجارات ەتۋىنە تاپسىرعان، بازار باعاسىنان كورنەكتى جوعارى باعامەن تۋىس - تۋعان، دوس - جاراندارى تيجارات جۇرگىزىپ وتىرعان ورىنداردان تاۋار ساتىپ الىپ، بازارعا شىعارىلعان سەرىكتىكتىڭ جورالارىن بازارعا شىعارىلعان سەرىكتىكتىڭ مۇددەسىنە زيان جەتكىزۋگە جەلىكتىرىپ، مەملەكەتتىڭ مۇددەسىن ەرەكشە اۋىر زيانعا ۇشىراتقان.

  جاۋ ۋيگو قيانات جاساۋ، تۋىس - تۋعان، دوس - جاراندارىنا زاڭسىز پايدا جەتكىزۋ، بازارعا شىعارىلعان سەرىكتىكتىڭ مۇددەسىنە وپاسىزدىق جاساۋ، زيان جەتكىزۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭىنىڭ» قاتىستى بەلگىلەمەلەرىنە ساي، مەملەكەتتىك باقىلاۋ - تەكسەرۋ كوميتەتى ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ، دەلوعا ساياتىن مال - مۇلىكتى بىرگە وتكىزىپ بەردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى