بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

حالىق ىستەرى تاراۋلارى ەسكەرتەدى: مىناداي ارەكەتتەردەن ساق بولىڭىز

2023.03.16 13:18     كەلۋ قاينارى : حالىق تورابى

  جۋىردا كەيبىر قىسقا كەسكىن جۇرگىزۋشىلەرى الەۋمەتتىك يگىلىك سيپاتىنداعى قايىرىمدىلىق قيمىلىن ورىستەتۋ دەگەندى جەلەۋ ەتىپ، قالىڭ توراپتاستار ولارعا تىلەكتەستىك بىلدىرگەن ءارى اقشالاي جاردەم بەرگەن، بۇل «جۇڭحۋا حالىق رەسپۋبليكاسىنىڭ قايىرىمدىلىق زاڭى» قاتارلى قاتىستى زاڭدارداعى بەلگىلەمەلەرگە قايشى كەلگەن. حالىق بۇقاراسىنىڭ زاڭدى ۇقىق – مۇددەسىن قورعاۋ، قايىرىمدىلىق ىستەرىنىڭ دامۋ ورتاسىن كىرشىكسىزدەندىرۋ ءۇشىن، حالىق ىستەرى مينيسترلىگى جۋىردا قاتىستى ىستەر جونىندە مىناداي ەسكەرتۋ جاريالادى:

  ››› ”جاساندى قايىرىمدىلىق“، ”قايىرىمدىلىقتا كوز بوياۋشىلىق ىستەۋ“ قاتارلى جالعان قايىرىمدىلىق ىستەۋ ارەكەتتەرى قايىرىمدىلىقتىڭ ءتۇپ ماقساتىنا اۋىر دارەجەدە قايشى كەلەدى، كەيبىرەۋى ءتىپتى الدامكوستىككە سايادى. كەيبىر جۇرگىزۋشىلەردى قوعام حاۋىپسىزدىگى ورگاندارى زاڭ بويىنشا اكىمشىلىك جاقتان قاماۋعا العان، وسىعان بايلانىستى جازاعا تارتىلعان جۇرگىزۋشىلەر دە بار. بارشا توراپتاستاردىڭ ساقتىق تانىمىن جوعارىلاتىپ، رەسمي ارنالار ارقىلى پەيىلىن ءبىلدىرۋى نەمەسە كومەك سۇراۋى، جالعان قايىرىمدىلىقتىڭ شىرعاسىنا ءتۇسىپ قالۋدان اباي بولۋى قاجەت.

  ››› ينتەرنەتتەگى قاتىستى تەكشەلەر «جۇڭحۋا حالىق رەسپۋبليكاسىنىڭ ينتەرنەت حاۋىپسىزدىگى زاڭى»، «جۇڭحۋا حالىق رەسپۋبليكاسىنىڭ قايىرىمدىلىق زاڭى»، «ينتەرنەتتەگى ينفورماتسيالىق قىزمەت وتەۋدى باسقارۋ ءادىسى» قاتارلى قاتىستى بەلگىلەمەلەرگە نەگىزدەلىپ، قايىرىمدىلىققا ساياتىن قيمىلداردىڭ مازمۇنىنا تەكسەرۋ جۇرگىزۋ تەبىنىن كۇشەيتۋى، كەيبىر جۇرگىزۋشىلەردىڭ وسەك – اياڭ تاراتۋ، دابىرالاۋ، ”قايعىلى ويىندى“ قولدان جاساۋ، كومەك سۇراۋشىنىڭ ار – نامىسىن اياق استى ەتۋ، يگىلىككە كەنەلۋشىنىڭ قۇپيالىقتارىنا قول سۇعۋ قاتارلى زاڭ – تۇزىمگە، الەۋمەتتىك تارتىپكە، تاماشا سالتقا قايشى تاسىلدەرمەن اۋقىمداعى ”قولامتالى تۇيىندەردى“ قاساقانا قولدان جاساپ، جالعان ينفورماتسيالاردى تاراتۋى سىندى ارەكەتتەردى ىستەۋىنەن شىنايى ساقتانۋى كەرەك.

  ››› جۇرتشىلىق بۇزىقتاردىڭ قايىرىمدىلىق جاساۋ دەگەن جالعان جەلەۋمەن ءوز مۇددەسىن كۇيتتەگەنى، زاڭعا قايشى اشىق جىلۋ جيناۋ قيمىلىن ورىستەتكەنى سىندى جاعدايدى بايقاسا، حالىق ىستەرى تاراۋلارىنا، باسقا دا قاتىستى تاراۋلارعا نەمەسە قايىرىمدىلىق ىستەرى سالاسىنداعى ۇيىمدارعا شاعىمدانۋىنا، اشكەرەلەۋىنە بولادى. تابيعي تۇلعالار، زاڭدى تۇلعالار نەمەسە باسقا دا ۇيىمدار قايىرىمدىلىقتى جەلەۋ ەتىپ نەمەسە قايىرىمدىلىق ۇيىمدارىنىڭ اتىن جامىلىپ مال – مۇلىك الداپ السا، قوعام حاۋىپسىزدىگى ورگاندارى زاڭ بويىنشا تەكسەرىپ ءبىر جاقتى ەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى