ليۋ ۋەي مۇشەنىڭ ۇسىنىسى: ينتەرنەت ارقىلى زات ساتىپ العاندا ”شينجياڭعا جولدانعان زاتتارعا پوچتا اقىسىن الۋ“ ماسەلەسىن قالالاردا قويما سالۋ جولىمەن شەشىم ەتۋ كەرەك
2023.03.11 16:49 كەلۋ قاينارى : حالىق تورابى
سۋرەتتە: مەملەكەتتىك ساياسي كەڭەس مۇشەسى، شينجياڭ جۇنباڭ قارجىلاندىرۋ شەكتى سەرىكتەستىگىنىڭ جورالار باستىعى ليۋ ۋەي (ورتادا) گرۋپپالىق تالقىدا ءسوز سويلەۋدە. سۋرەتتى ءوزى بەرگەن
مەملەكەتتىك ساياسي كەڭەس مۇشەسى، شينجياڭ جۇنباڭ قارجىلاندىرۋ شەكتى سەرىكتەستىگىنىڭ جورالار باستىعى ليۋ ۋەي 3 – ايدىڭ 6 – كۇنى گرۋپپالىق تالقى وتكىزگەندە: ”شينجياڭدا تۇرمىس كەشىرىپ كورگەن ادامدار ينتەرنەت ارقىلى زات ساتىپ العاندا پوچتا اقىسىن تولەۋ ماسەلەسىن تەرەڭ سەزىنەدى“ دەدى، ينتەرنەت ارقىلى زات ساتىپ العاندا ”شينجياڭعا جولدانعان زاتتارعا پوچتا اقىسىن الۋ“ ماسەلەسى جونىندە ول بەس قالادا كولەمدى قويما سالۋ ارقىلى بۇل ماسەلەنى شەشىم ەتۋ تۋرالى ۇسىنىس بەرگەن.
ليۋ ۋەيدىڭ ينتەرنەت ارقىلى زات ساتىپ العاندا ”شينجياڭعا جولدانعان زاتتارعا پوچتا اقىسىن الۋ“ ماسەلەسىنە نازار اۋدارعانىنا 4 جىل بولعان، ول ءوزىنىڭ مەملەكەتتىك ساياسي كەڭەستىڭ مۇشەسى بولىپ سايلانعانىن بىلگەن سوڭ، ۇسىنىس جوبانى جازۋعا دايىندالعان كەزدە، ەڭ الدىمەن وسى ماسەلە جونىندە ۇسىنىس جوبا تاپسىرۋدى ويلاعان.
ىسكە اسىرۋعا بولاتىن ۇسىنىس جوبانى ورتاعا قويۋ ءۇشىن، ول ەكى ءماجىلىس الدىندا بەيجيڭ، شي – ان قاتارلى جەرلەرگە بارىپ تەكسەرۋ – زەرتتەۋ جۇرگىزىپ، جيڭدۇڭ قاتارلى ءىشىنارا ەلەكتروندى ساۋدا تەكشەسى، زات ساقتاۋ قويماسى، زات اينالىمى سەرىكتەستىكتەرىمەن ىشكەرىلەي اۋىس – ءتۇيىس جاساپ، ”شينجياڭعا جولداعان زاتتارعا پوچتا اقىسىن الۋ“ جاعدايىن تۋدىرعان ماسەلەلەردى تەكسەرىپ شىققان: شينجياڭ ءبىر ءبولىم تاۋارلاردى وندىرەتىن، مانەرلەيتىن جەرلەردەن الىس بولعاندىقتان، ۇساق تاۋارلاردىڭ زات اينالىمى جاعىنداعى قۇنى جوعارى بولادى؛ دامۋى كەنجەلەۋ ءوڭىر سانالاتىندىقتان، ينتەرنەت ارقىلى ساتىلعان زاتتاردىڭ ورتاشا باعاسى ءبىرشاما تومەن بولادى، زات ساتۋدان تۇسەتىن پايدا زات اينالىمىنىڭ قۇنىن تولەۋگە جەتپەيدى. وسى سەبەپتى ول مىناداي ۇسىنىس بەرگەن: ءۇرىمجى، كۇيتۇن، بۇراتالا، اقسۋ، قاشقار قالالارىندا كولەمدى بەس قويما سالعان ءجون، بۇل قويمالار توڭىرەگىندەگى 300 دە 400 كيلومەتر اۋماقتى قامتىپ، شينجياڭداعى زات اينالىمى جاعىنداعى قيىن تۇيىندەر مەن كەدەرگىلەردى جويادى. جەرگىلىكتى ورىنداعى 3 تە 4 حالىقتىق كاسىپورىنعا نەمەسە ارالاس تۇزىمدەگى وڭىرلىك ورتاشا، شاعىن زات اينالىمى كاسىپورنىنا قولداۋ كورسەتىپ، ماڭىنداعى 300 دە 400 كيلومەترلىك اۋماقتا زات جەتكىزۋدى ورىنداسا، قىسقا مەرزىم ىشىندە ولارعا قوسىمشا قاراجات بەرۋگە بولادى.
ليۋ ۋەي مىناداي ۇسىنىس بەرگەن: قالالاردا قويما سالۋدى شينجياڭعا كومەك بەرۋ نىساندارىنىڭ كولەمىنە ەنگىزىپ، شينجياڭعا كومەك بەرۋ قارجىسى ارقىلى سالعان ءجون، قويمالار سالىنىپ بولعان سوڭ، ەلەكتروندى ساۋدا تەكشەلەرىنىڭ پايدالانۋىنا مايعا بەرىپ، نىشاندىق سيپاتتا ءبىرشاما تومەن ماياقى الۋعا بولادى، وسى ارقىلى شينجياڭداعى %80 تەن استام اۋماققا جولداعان زاتتارعا پوچتا اقىسىن الماۋدى ىسكە اسىرۋعا، شەكاراداعى وڭىرلەردىڭ ەكونوميكاسى مەن قوعامىنىڭ ورنىقتى دامۋىن ىلگەرىلەتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
