سىرتقى ىستەر مينيسترلىگى: جۇڭگو جاق ۋكرايناداعى يادرولىق قۇرىلعىلاردىڭ حاۋىپسىزدىگىنە كەپىلدىك ەتۋ ءۇشىن اقشالاي 200 مىڭ ەۆرو جاردەم بەرەدى
2023.03.09 16:22 كەلۋ قاينارى : حالىق تورابى
3 – ايدىڭ 8 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەردى قابىلداۋ ءماجىلىسىن باسقاردى. ءتىلشى بىلاي دەپ سۇرادى: جۇڭگونىڭ ۆەناداعى تۇراقتى ۋاكىلى، باس ەلشى لي سۇڭنىڭ 3 – ايدىڭ 6 – كۇنى حالىقارالىق اتوم ەنەرگياسى قۇرىلىمىنىڭ القالار كەڭەسىندە جاريالاۋىنشا، جۇڭگو جاق ۋكرايناداعى يادرولىق قۇرىلعىلاردىڭ حاۋىپسىزدىگىنە كەپىلدىك ەتۋ ءۇشىن اقشالاي 200 مىڭ ەۆرو جاردەم بەرەتىن بولعان. مالىمدەمەشىنىڭ قاتىستى جاعدايلاردى تانىستىرۋىنا بولا ما؟
ماۋ نيڭ مىنانى ءبىلدىردى: جۇڭگو يادرولىق حاۋىپسىزدىك ماسەلەسىنە باستان – اياق ايرىقشا ءمان بەرىپ كەلەدى، يادرولىق حاۋىپسىزدىك سالاسىنداعى حالىقارالىق سەلبەستىكتەرگە بەلسەندى كۇش قوسۋدا. جۋىردا جۇڭگو سىرتقى ىستەر مينيسترلىگى «دۇنيە جۇزىلىك حاۋىپسىزدىك جونىندەگى ۇندەۋ سيپاتىنداعى تانىمدىق قۇجاتتى» جاريالاپ، يادرولىق حاۋىپسىزدىك جاعىنداعى حالىقارالىق سەلبەستىكتى ىلگەرىلەتۋدى ماڭىزدى سەلبەستىك باعدارىنىڭ ءبىرى ەتەتىنىن ايقىندادى. جۇڭگو جاق جۋىردا جاريالاعان «ۋكراينا داعدارىسىن ساياسي جولمەن شەشىم ەتۋ جونىندەگى جۇڭگونىڭ مايدانى» اتتى قۇجاتتا دا مىنانى ايقىن ءبىلدىردى: جۇڭگو جاق بەيبىتشىلىك ماقساتىنداعى يادرولىق قۇرىلعىلارعا قارۋلى كۇشپەن شابۋىلداۋعا قارسى تۇرادى، حالىقارالىق اتوم ەنەرگياسى قۇرىلىمىنىڭ بەيبىتشىلىك ماقساتىنداعى يادرولىق قۇرىلعىلاردىڭ حاۋىپسىزدىگىن قورعاۋعا كەپىلدىك ەتۋدى ىلگەرىلەتۋ جاعىندا ناتيجەلى رولىن ساۋلەلەندىرۋىنە قولداۋ كورسەتەدى.
ماۋ نيڭ بىلاي دەدى: ءبىز وسىلاي ايتقان ەكەنبىز، وسىلاي ىستەيتىنىمىز دە تابيعي. جۇڭگو جاق حالىقارالىق اتوم ەنەرگياسى قۇرىلىمىنىڭ يادرولىق حاۋىپسىزدىكتى، يادرولىق اماندىقتى قورعاۋ تەحنيكاسى سالاسىندا ۋكرايناعا كومەك بەرۋ نىسانى ارقىلى اقشالاي 200 مىڭ ەۆرو كومەك بەرۋدى ماقۇلدادى، دەمەك، ءىس جۇزىندىك ارەكەتى ارقىلى اتالعان قۇرىلىمنىڭ ۋكرايناداعى يادرولىق قۇرىلعىلاردىڭ حاۋىپسىزدىگىن كۇشەيتۋ ءۇشىن ىستەگەن قۇلشىنىستارىنا قولداۋ كورسەتەدى. جۇڭگو جاق حالىقارالىق قوعاممەن بىرگە ءادىل، سەلبەسەتىن، ورتاق يگىلىكتەنەتىن حالىقارالىق يادرولىق حاۋىپسىزدىك جۇيەسىن قۇرۋدى ىلگەرىلەتۋ جاعىندا جالعاستى قۇلشىنادى. سونىمەن بىرگە، ءبىز راقايلاستىرۋدى، كەلىسسوزگە كەلۋدى ۇزدىكسىز ىلگەرىلەتىپ، ۋكراينا داعدارىسىن ساياسي جولمەن شەشىم ەتۋگە، يادرولىق حاۋىپسىزدىك جاعىنداعى قاتەرلەردى تۇبىرىنەن الاستاپ، ۋكراينانىڭ يادرولىق قۇرىلعىلارىنىڭ حاۋىپسىزدىگىن ىلگەرىلەتۋگە قولداۋ كورسەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
